Ɛsra 9:6 - mzwDBL

⁶ dɛ soŋo ŋɔ, “N Naa Korowii maa dɛ tomɛ, sihiih dɛ kpo mɛ n di ncho ɡe kohona, kɛ maa ɡɔɔ nyu dɛɛ nyiŋi he siwi ta nɔ, dɛkalkɛ ya wechɔɡa ɡwaa ya nɛ, hale dɛɛ tel he be nyundua.

Ɛsra 9:6 ပူးပေါင်းရင်းမြစ်များ

Mumpar 13:13

A ɡɛ Sodom tena nɔ, dɛ ba nyubini kpeɡri ba wechɔɡa do kan Korowii be.

1 Koranar 8:47

hale ba lɔ ba dɔma la harɛ ta, dɛ charɛ ba liire dɛ sɛh ba wechɔɡa dɛ ŋɔ, ‘Ya ɛ wechɔɡa, dɛ ɛ waa aa wola were.’

2 Webena 28:9

Dɛ Korowii keame Ɔdɛd lɔ Samaria bela. O iro dɛ la ka cheme laa tena la ɡɛ saŋ baa ba Samaria la. O ŋɔ ba be ŋɔ, “Korowii he naawa aa tomɔ la baah di Juda tena nɛɛ waa o ɡel he yoo ba dɛ pɔ ba nɛɛ la. Kɛ he berɔ kpoo ba warɛ kohona to.

Ɛsra 9:13

Waa aa pu yaa nɔ bwa le ya wechɔɡa aa ɡela ya di bolchɔɡe la. Kɛ ane a bwa, N Naa Korowii yaa dɛ tomɛ, tamaa kenii he tɛr ya deŋne. He ta ɡelɛ a ɡwaa ya nɛ, dɛ ɡel ya bini bane dɔ ya nyuune dɛ ta so le.

Ɛsra 9:15

N Naa Korowii Israel tena aa dɛ tomɛ, he waa toɡrɔ kohona! He ɡelɔ ya bini bane ta so le. Ya di bolchɔɡe dɛ kpɔ ya wechɔɡa dɛɛ bil he sie, anomanta, ya bini bɛlbwa toole dɛ́ won ba che he sie.”

Nehemia 1:6

Cheɡ deŋne dɛ́ no men maa ɛ he bonɔɔ wesoŋa maa kpɔa dɛɛ bil he sie chɔɔ ne jwaana, he bonɔɔna baa ɛ Israel tena nɔ wa. N dɛ bol n wechɔɡa ne ya Israel tena bwa kwa, dɛ anɔ la n naawa aa ɛa dɛ jo he nɛɛ bwa.

Job Tɔn 40:4

“N Naa Korowii, menee ume, ń ŋɔ mɛɛ chaŋee yɔ? Maa wobɛlbwaa bol.

Job Tɔn 42:6

Anomanta, sihiih kpo mɛ n charɛ n liire dɛ so bomboɡ ne tɔɔ ta, á baɡle kɛŋɔ n bambile chɔɡɔ.”

Yela 38:4

N wechɔɡa ɡwaa n nɛɛ kohona, a do kɛ bontɔɡa maa wola won che.

Yela 38:5

N wechɔɡa aa ɡela n ɡɛn nomanta, n ŋwɛra pɔɔh, dɛ do sɔɔh.

Kaala 32:31

Anomanta, o la Korowii be dɛ ka soŋo ŋɔ, “N Naa Korowii, nɛra nɔ wechɔɡa baa ɛa kan kohona to. Ba kpɔ suuɡaswɛm kwaa voɡa dɛɛ toma.

Aesaya 1:18

Men Korowii ŋɔ he be ŋɔ, Hé ba ya pɛ kpɔ liire. Dɛ he wechɔɡa kan dɛ chɔɡ heyaa kɛŋɔ kombiŋere yon chɔɡ kompoŋ la aa, mɛɛ ɡeloo he to kpelkpel kɛŋɔ yabi ken. Hale dɛ a biro kpirkpir kɛŋɔ sibire kwaraa naa, mɛɛ ɡeloo he to kɛŋɔ pepoŋ pona ken.

Aesaya 59:12

N Naa Korowii, ya wechɔɡa kan kohona he sie, ya wechɔɡa ɡba di danseɛ. Ya jemɛ ya wechɔɡa bwa.

Jeremia 3:3

A waa bwaala teŋe, dɛ ɡel nɛɛ. Kɛ he nya sihiih jwamane ta, haa sɛh ŋɔ sihiih kpo heya.

Jeremia 31:19

Ya berɛ habɔɔ kpoe, kɛ a ta biɡre ya dɔ liire, dɛ berɛ ba he be. Kɛ a habɔɔ haa tɛr ya deŋne la, ya baŋa ɡolo sihiih kpo yaa. Sihiih kpo yaa kohona, dɛkalkɛ ya bechale saŋ bwaa ya le ɛ wechɔɡa.’ ”

Jeremia 51:9

Asɛ nɛŋhɔɔhra baa soɡe bela ŋɔ, ‘Ya takapɔ ŋɔ ya cha ba, kɛ a kaa mun ta. Hé ɡel ya ɡel ba waa tɛɛ ba, ásɛ bɛlbwa berɛ kaa o harɛ ta. Korowii kpɔ o kpeɡri dɛ tɛr ba deŋne dɛ chɔɡ ba kwaraa.’ ”

Jeremia 6:15

Amɔ sihiih kpo ba wedoŋa baa ɛa nɔ ta kenɛ? Akai, sihiih ta ban kpoe kwara, ba siebɔra ɡba dɛ baɡle kɛ sihiih ta ban kpoe. Anomanta, baa chɔɡoo kɛŋɔ bane aa chɔɡa la. Awola maa ba tɛr ba deŋne la, ba wobɛlbwa ɛɛ ba a jaɡaa. Men Korowiirii bola.”

Jeremia 8:12

Amɔ sihiih kpo ba ba wedoŋa baa ɛa nɔ ta kenɛ? Akai, sihiih ta ban kpoe, ba siebɔra ɡba dɛ baɡle kɛ sihiih ta ban kpoe. Anomanta, baa chɔɡoo kɛŋɔ bane aa chɔɡa la. Awola maa ba tɛr ba deŋne la, ba wobɛlbwa ɛɛ ba a jaɡaa. Men Korowiirii bola.

Wiile 3:42

“N Naa Korowii, ya ɛ wechɔɡa dɛ ɛɛ deŋnekpeɡ, he ta ya wechɔɡa kpɔe kɛ yaa.

Ɛsekeɛl 16:63

Mɛɛ kpɔ waa haa ɛa bwaa kɛɛ, kɛ hɛɛ ba liiraa, ásɛ sihiih kpoe kohona he pili nyoa kahonɛ.” Nemenɛ Korowiirii bola.

Lewi Dea Tena 26:40

Kɛ dɛ ba bol ba ne ba naawa wechɔɡa, ne deŋnekpeɡ baa ɛɛ mɛ dɛ lɛ ɡaeh n nɛ,

Amanesoma Luk Aa Chwera Tɔn 15:21

Belaa bie la ŋɔ, ‘N mɛɛ, n jo he ne Korowii nɛ. N ta chɛɛ kɛŋɔ he yer mɛ he bie kpa.’

Amanesoma Luk Aa Chwera Tɔn 18:13

Toɔ lɛɛ la te cheɡɛ bojaŋ, o ta sie hae dɛ nyiŋi nyundua kwara, kɛ dɛ kpɔ nɔɔra dawɛ nyu dɛ ŋɔ, ‘Oo, N Naa Korowii, wechɔɡ-ɛɛree men. Na n sum dɛ́ kpɔ n wechɔɡa kɛ mɛ.’ ”

Tɔn Pɔɔl Aa Chwerɛ Rom Tena 6:21

Dɛ wechɔɡa ɡboo hɛɛ ɛ. Taraken nɔ, a waa dɛ ɛ heyaa sihiih. A ɡɛ waa nɔ, dɛ tɔnɔ besoo a dɔ tɛ heya ɔ? Waa aa lɔ ɡɛ wechɔɡa nɔ habɔɔ laanee seo.

Wepila 18:5

O wechɔɡa daŋɔ tel Korowii doa, Korowii kpaŋro bil.