Ɛsra 9:5 - mzwDBL

⁵ Jɔmɔr saraha ɛɛ aa tela la, n iro le bela maa soɡa dɛɛ di suna la, n batakaare maa kɛɛra ta do mɛ, asɛ n ɡuŋi harɛ dɛ ɡɔɔ n nɔɔra Korowii maa dɛ tomɔ la be nyundua,

Ɛsra 9:5 ပူးပေါင်းရင်းမြစ်များ

1 Koranar 8:22

Asɛ Kooro Solomɔn ir ka che kon baa dɛ ɛ saraha o ta dɛɛ tɛ Korowii la sie Israel tena baa chema la bwa sie, dɛ paɡri o nɔɔra nyundua soŋe Korowii,

1 Koranar 8:38

nɛra yaa ɛ he nɛra nɔ bini bɛlbwa koh a waa le o bambile ta dɛ ir nɔɔra nyundua chaɡɛ he Dea nɔ dɛ soŋe naa,

1 Koranar 8:54

Kooro Solomɔn aa ir nɔɔra nyundua dɛ soŋe Korowii tonɛ la, o iro ka che saraha kon la sie,

2 Webena 6:13

Dɛ Kooro Solomɔn ɛ ayaawa ɛ komɛl baa dɛ che o ta Dea la dembaah. O jaŋne lɔ naɡale anuanɛ ne tama, o paɡri ɛ naɡale anuanɛ ne tama, o jaŋne dɛ́ kaa nyundua ɡe ɛ naɡale anaarɛ ne tama. O baa ɡuŋi o ta Israel nɛra la bwa sie dɛ paɡri o nɔɔra nyundua.

Nehemia 1:4

Maa no waa nɔ la, n soɡo dɛ wi. N wio la sie tɔpere bɛl tama dɛ vɔwɛ nyoa, dɛ soŋe Korowii Waa Dɛ Di Kora Nyundua ŋɔ,

Yela 141:2

No n wesoŋa kɛŋɔ daawiile baa dɛ fuah a sɔɔh do som. Lɛ n nɔɔra maa ɡɔɔra dɛɛ soŋe nɔ, ɡɛ haa dɛ lɛ jɔmɔr saraha la.

Yela 143:6

N ɡɔɔ nɔɔra dɛ wi dɛɛ noe, n bambile lawɛ kɛŋɔ harɛ hole aa hiah nee ken.

Yela 95:6

Hé ba ya ɡuŋu dɛ́ tomɔ, yá ɡuŋi Korowii waa ta yaa la sie!

Kaala 9:29

Ate, Mosis chaŋe dɛ ŋɔ, “N baa le bwɛɛ nɔ ta naa, mɛɛ ɡɔɔ n nɔɔra nyunduaa dɛ́ soŋe Korowii. Bwaala kɔɡra la ɛɛ ɡeloo, dombwea la ɡe ɡel leera, ásɛ he jemɛ kɛŋɔ Korowiirii dɔ harɛ bwa.

Kaala 9:33

Mosis aa le Ijipt kooro be dɛ le bwɛɛ la ta la, o ɡɔɔ nɔɔra nyundua dɛ soŋe Korowii. Belaa bwaala kɔɡra, ne dombwea leera dɛ bwaala la bwa ɡel.

Aesaya 1:15

He ir nɔɔra dɛɛ soŋ mɛ naa, mɛɛ laa sie kpɔ he nɛ. Hale he soŋ mɛ ɡɛ bɛlbwa kwaraa noo, maa no. Nɛra haa kpoora chal maa he nɔɔra bwa.

Daneɛl 10:2

Gɛ saŋ la, men Daneɛl, n tea bini chɔɡɔ yawanyoa atoro.

Amanesoma Luk Aa Chwera Tɔn 22:41

Waa ŋɔ ɡɛ la, o le ba jwɛɛh dɛ kaa sie tama, dɛ ka ɡuŋi dɛɛ soŋe Korowii,

We-ɛɛla 21:5

Ya kaala aa tela la, ya le bela dɛ chiɡ ŋwɛnɛ ta dɛɛ kaa. Ba ne ba haahna ne bii bwaa baa do yaa ŋwɛnɛ dɛ le bwɛɛ la ta, dɛ ka tel nee nyoa, asɛ ya ɡuŋi harɛ nee nyoa bela dɛ soŋe Korowii dɛ kal dɔŋa.

Ɛfesos 3:14

Anomanta, n dɛ ɡuŋi N Naa Korowii harɛ.