Ɛsra 8:23 - mzwDBL

²³ Anomanta, ya vɔwɛ nyoa dɛ soŋe Korowii ŋɔ o lɛ yaa le ɡɛ waa nɔ ta. Asɛ o no ya wesoŋa, dɛ lɛ yaa.

Ɛsra 8:23 ပူးပေါင်းရင်းမြစ်များ

Mumpar 25:21

Dɛ hambaraa. Asɛ Aesek soŋe Korowii o haah Rebɛka kpoŋe tea.

2 Koranar 13:4

Kooro Jehoahas soŋe Korowii a wa, asɛ o no. Dɛ Korowii na fiiɡa Siiria kooro aa dɛ fiiɡi Israel tena kohona.

1 Webena 5:20

Korowii cha ba dɛ ɡel ba pɔ ba nɛ, dɛ kpɔ Haɡri tena ne nɛra baa ja ba nɛɛ bwa do ba nɔn ta, dɛkalkɛ laa la ta la, ba wio no Korowii.

Ɛsra 8:31

Korobiloɡle, tɔpera fi dɛ anɛ taa ya le bela baa kwi bɔɔ nee ɛɛ palɛ o bini dɛ do Ahava dɛ kaa Jerusalam. Korowii yaa dɛ tomɔ la ja ya nɛ, dɛ tɔ yaa ɡbemɡbe le ya dɔma ne ŋwɛɛra baa sɔh ŋwɛnɛ ta nɔn ta.

Nehemia 9:1

Korobinuanɛ la tenten, tɔpera fifraanɛ dɛ anaarɛ ta, Israel tena chemo dɛ vɔwɛ nyoa, dɛ kpɔ lweyale tɔ, dɛ ɛ teera do ba nyuune ta, a baɡle kɛŋɔ ba tea bini chɔɡɔ ba wechɔɡa wa.

Ɛsta 4:16

“Kaa dɛ́ ka yerɛ Juu tena baa soɡe bwɛjen Susa nɔ ta bwa cheme, ásɛ he vɔwɛ nyoa dɛ soŋe Korowii tɛ mɛ. He bɛ kwaa di, dɛ bɛ nee ɡe nyɔ tɔpera atoro chɔɔ ne jwaana. N ne n toli ɡe ɛɛ ɛ ɡɛɛ, a lole kɛŋɔ kooro ta nɛn yerɛ aa waa o sie la, kɛ mɛɛ lao. Hale seo kwaraa yaa, ń sewɛ.”

Sɛɡla 3:5

Bɛ he te kpɔ dawɛ anɔ la haa jema ta, kpɔ he hwɛɡa bwa do Korowii nɛ.

Aesaya 19:22

Korowii ɛɛ tɛr Ijipt tena deŋnee mɔɔ dɛ lɛɛ ba. Baa ba o bee ásɛ o no ba wesoŋa dɛ́ chaah ba.

Jeremia 33:3

Yer mɛ, ásɛ n chaŋe, ásɛ dɛ baɡle wejena ne waa aa sɔah haa wola an jemɛ.

Daneɛl 9:3

Asɛ n kpɔ lweyal tɔ dɛ so tɔɔ ta, a baɡle kɛ n dɛ di suna, dɛ vɔwɛ nyoa dɛɛ soŋe Korowii.

Amanesoma Luk Aa Chwera Tɔn 2:37

O ta yalɛ kpa, dɛ ba di bene fifraanuatoro dɛ anaarɛ. O ta o Korowii toma kpɔe bil harɛ. Chɔɔ ne jwaana dɛ o lɔ Korowii Dea, dɛ yon dɛɛ vɔwɛ nyoa dɛɛ soŋe Korowii.

We-ɛɛla 10:30

Belaa Kɔnɛɛleɔs ŋɔ, “Tɔpera anaarɛɛ nɔ, maa lɔ n dem saŋ nɔ bɔr tenten dɛɛ soŋe Korowii wekee saŋ la, kerabeŋkpoŋ dɛ baa bɛl waa do laalapoŋa kpelkpel cheɡɛ n sie

Mmarare 4:29

A tel belaa, hɛɛ dɛɛ ɡaaɡe Korowii bɔree dɛ́ nao, dɛ he dɛ nyin o bɔr he bambile bwa ne he hweera bwa ne naa, hɛɛ nao.