21 Ahava bela baa kwi bɔɔ nee ɛɛ palɛ o bini belaa n do ba ŋɔ ya vɔwɛ nyoa, ɡɛ aa ɛ yá won pwɛr ya te do Korowii yaa dɛ tomɔ lɔɡa. Ya soŋo o ja ya nɛɛ ya kpɔ ya bii dɛ kwaa yaa dɔa bwa kaa Jerusalam sɔnɔnɔɔ.
Ate, men sɔfo Ɛsra boa nɛra baa le harɛfale ta ba la nyoa, bɔɔ bɛl baa kwiu asɛ nee palɛ kpɔ o bini dɛɛ kaa Ahava ta, asɛ ya so bela tɔpera atoro. Maa nyiŋi nɛra la ne sɔfore la bini la, n ta Lewi dea te bɛlbwa nae.
Korobiloɡle, tɔpera fi dɛ anɛ taa ya le bela baa kwi bɔɔ nee ɛɛ palɛ o bini dɛ do Ahava dɛ kaa Jerusalam. Korowii yaa dɛ tomɔ la ja ya nɛ, dɛ tɔ yaa ɡbemɡbe le ya dɔma ne ŋwɛɛra baa sɔh ŋwɛnɛ ta nɔn ta.
Korobinuanɛ la tenten, tɔpera fifraanɛ dɛ anaarɛ ta, Israel tena chemo dɛ vɔwɛ nyoa, dɛ kpɔ lweyale tɔ, dɛ ɛ teera do ba nyuune ta, a baɡle kɛŋɔ ba tea bini chɔɡɔ ba wechɔɡa wa.
“Kaa dɛ́ ka yerɛ Juu tena baa soɡe bwɛjen Susa nɔ ta bwa cheme, ásɛ he vɔwɛ nyoa dɛ soŋe Korowii tɛ mɛ. He bɛ kwaa di, dɛ bɛ nee ɡe nyɔ tɔpera atoro chɔɔ ne jwaana. N ne n toli ɡe ɛɛ ɛ ɡɛɛ, a lole kɛŋɔ kooro ta nɛn yerɛ aa waa o sie la, kɛ mɛɛ lao. Hale seo kwaraa yaa, ń sewɛ.”
Ŋwɛnɛjen ɛɛ chɔ belaa baa yerɔ “Ŋwɛnɛɡoroŋ Waa Dɛ Kaa Korowii be.” Wechɔɡ-ɛɛra aa o taa kpɔ, ó chɔ tɛ nɛra baa teŋɛ Korowii waa la ta, hale ɡɛna kwara aa o taa kpɔ.
Mɛɛ tɔ nyoŋa siee, dɛ́ kpɔ ba kpɔ ŋwɛnɛre baa wola a ta jemɛ ta. Mɛɛ ɡeloo biro baa lɔ o ta la berɛ bochaah dɛ́ tɛɛ ba, dɛ́ kwaa ŋwɛnɛre aa wola were a chɔ harɛ. Waa nɔɔ mɛɛ ba ɛɛ tɛɛ ba, maa ban ta.
lɔr ne nyɔɡre aa ba kpoe ba. Wee nyɛɡre ne pua hɛŋle ɡbo harɛ ta peuwɔb aa ban ha, dɛkalkɛ naate waa dɛ nyin ba waa la ɛɛ tɔ ba siee, dɛ́ la ba ne bela nesɔn aa bula dɛɛ le.
Ba dɛ ŋɔ, “Ɛrɛɛ ya vɔwɛ nyoa Korowii aa wola na, dɛɛ pwɛr ya te waa wola jemɛ nɔɔ?” Korowii ŋɔ, “Haa vɔwɛ nyoa la, he ɡbo nɛɛ he sie lɛ dɛ yon dɛɛ ɛ he tom-ɛɛra hɔhɔrɔwa.
Kenii hɛɛ yerɛ nyoa vɔwa nɔ naa? He kpɔ tɔpebeŋkpoŋ dɛ pwɛr he te, kɛɛ he ɡure nyu su kɛŋɔ kpɔɡ, dɛ kpɔ lweyale tɔ dɛ so tɔɔ ta naa, dɛ anee nyoa vɔwa aa? He dɛ lii kɛŋɔ men Korowii sie dɛ lɛ ɡɛ ta kɛɛ?
A ɡɛ Mmarare nɔ chɛ kɛŋɔ á chɔ le tɛ heyaa saŋ bɛlbwa dɛɛ la. Korobinuanɛ te la tɔpera fi ta, a chɛ kɛ hé vɔwɛ nyoa dɛ bɛ toma bɛlbwa ɛ, Israel te kɛɛ hɔɔh bɛlbwa waa soɡe he binii yoo,
Niniwe tena la aa no waa la la, ba yarada Korowii dɛ ŋɔ, nomoa oo, bechala oo, bɛlbwa vɔwɛ nyoa dɛ́ kpɔ lweyal tɔ á baɡle kɛ ba charɛ ba liire dɛ le ba wechɔɡa ta.
Asɛ ba lɔ dawuro bwɛɛ la bwa ŋɔ, “Kooro ne o nomonome ŋɔ, ‘Nomɛlbwa bɛ kwaa di, o bɛ nee nyɔ, o bɛ o kondɛɛra kɛŋɔ nae ne peera dɛ boohna ya ta á ka di, kɛɛ á ka nyɔ ne.
Asɛ Israel tena la bwa la Bɛtel dɛ ka so Korowii sie dɛ wi noo ja. Ba vɔwɛ nyoa awola tɔpere le chɔɔ ka tel jɔmɔra. Ba fuh kwaa ɛ saraha ne deŋnesɔɔhna saraha tɛ Korowii.
Ba bwa aa baa cheme Mispa la, ba dɔ nee dɛ fuɡe ta Korowii sie a baɡle wechɔɡa baa ɛa la saraha. Ba vɔwɛ nyoa tɔpebir la bwa, dɛ ŋɔ, “Ya ɛ wechɔɡa dɛ jo Korowii nɛ.” Mispa belaa Samoɛl do dɛ tɔ ba sie, dɛ bol bane ba bala waa dɛɛ tɛɛ ba.