Ɛsra 8:16 - mzwDBL

¹⁶ Anomanta, n yerɛ Eliesa ne Areɛl ne Sɛmaya, ne Ɛl Netan ne Jarib ne Ɛl Netan, ne Netan ne Sekaria dɛ Mɛsolam ba fa aa ɛ nomonome, dɛ yerɛ Joiarib ne Ɛl Netan baa dɔ wejema kohona,

Ɛsra 8:16 ပူးပေါင်းရင်းမြစ်များ

1 Koranar 3:11

Asɛ Korowii ŋɔ o be ŋɔ, “Waa nɔ haa soŋa haa wola mkpajaŋ kɛɛ he ɡbaɡba kondɔɔh soŋɛ kɛɛ he dɔma serewe, kɛ dɛ soŋe wejema dɛ́ kpɔ dɛɛ nyiŋi nɛra nɛɛ kasinteŋ ne nɔ,

1 Webena 12:32

ne Isaaka dea baala, banee dɛ wobɛlbwa ba Israel harɛ ta ɡɛ saŋ aa, ba yon tɔ a sie dɛ baɡle ŋwɛnɛ baa kpɔ a ta. Ba lɔ koranar lafraanɛ, ba lolanar bwa ja ba nɛ,

1 Webena 26:14

Wee leebɔr doonyoa la lawɛ Sɛlɛmia, asɛ o bibaa Sekaria waa dɛ ja nɛra la, weekaŋle nyundua doonyoa lawɛ o ɡe.

2 Webena 2:12

Dɛ berɛ ŋɔ, “Yá kpɛɛ Korowii Israel tena aa dɛ tomɛ, o ta nyundua ne harɛ. O tɛ Kooro Devid bibaa waa dɔ wejema, dɛ dɔ waa mun noe kohona, dɛɛ ba Dea doe tɛ Korowii dɛ́ berɛ do o koodem.

Ɛsra 10:21

Le Harim naanar bini, Maaseya ne Elaeja ne Sɛmaya ne Jehiel dɛ Usia.

Ɛsra 10:39

ne Sɛlɛmia ne Netan dɛ Adaya,

Ɛsra 8:13

Adonikam naanar bini, banɔ la baa ka mun ba laanee, Ɛlefɛlɛt ne Jeyuwel dɛ Sɛmaya, asɛ baala fifraanumɛl ja ba nɛ.

Ɛsra 8:15

Ate, men sɔfo Ɛsra boa nɛra baa le harɛfale ta ba la nyoa, bɔɔ bɛl baa kwiu asɛ nee palɛ kpɔ o bini dɛɛ kaa Ahava ta, asɛ ya so bela tɔpera atoro. Maa nyiŋi nɛra la ne sɔfore la bini la, n ta Lewi dea te bɛlbwa nae.

Ɛsra 8:17

dɛ tom ba bwɛɛ nomoa bɛl waa lɔ Kasifia baa yerɔ Ido be. N bol waa baa ka bol Ido ne o bala baa ja o nɛɛ dɛɛ ɛ toma Korowii Dea be ŋɔ, bá tɛ yaa nɛra bá baa tomɛ Korowii yaa dɛ tomɔ o Dea.

Ɛsra 8:18

Korowii yaa dɛ tomɔ aa sune ya nɛ, dɛ ja ya nɛɛ nomanta, ba tɛ yaa Sɛrebea waa dɔ kwaa ɛɛ wejema kohona. O ɛ Lewi dea te, dɛ le Maali dea, asɛ o bibaala ne o nimanar baala fi dɛ banuatoro ja o nɛɛ dɛ ba.

Sɛɡla 2:6

Korowii bee wejema le, onee dɛɛ tɛ wejema ne waa mun noe.

Sɛɡla 20:5

Waa aa lɔ nɛn liire bini do kɛŋɔ bule waa luŋa bini nee ken, naate waa dɔ wejema laanee won nee la dɔe.

Sɛɡla 28:2

Harɛ wechɔɡ-ɛɛra aa lɔ o ta la, o koranaree dɛɛ warɛ. Kɛ harɛ waa dɔ nomonome baa dɔ wejema la, dɛ do kpeɡri dɛ́ che kiŋkiŋ.

Daneɛl 2:21

Onee dɛɛ beɡre tɔpera ne saŋ, onee dɛɛ chiɡ nɛn kora ta, dɛ́ berɛ iru kora ta. Onee dɛɛ tɛ wejerema wejema, dɛɛ tɛ lem ne waa mun noe.

2 Timoti 2:7

Gel waa maa bola nɔ do he liire bini. Korowii ɛɛ ɡeloo he jemɛ a bwa mun kɛrɛdɛ.

1 Jɔn 5:20

Ya jemɔ kɛŋɔ Korowii Bie la balɔ, dɛ ba tɛ yaa liire yá kpɔ jemɛ Korowii tenten la. Korowii tenten la lawɛ yaa pɛl o nɛ, dɛkalkɛŋɔ o kpɔ ya te pɛl o Bie Yeesu Kristo la nɛ. O ɛ Korowii tenten, dɛ dɔ mkpa aa wola jaɡa dɔe bwa.