Ɛsra 7:5 - mzwDBL

⁵ Abisua lolɛ Buki, Fenehas lolɛ Abisua, Eliasa lolɛ Fenehas, asɛ Arɔn waa ɛ Sɔfonomoa la lolɛ Eliasa.

Ɛsra 7:5 ပူးပေါင်းရင်းမြစ်များ

1 Webena 6:4

Eliasaa lolɛ Fenehas, Fenehas ɡe lolɛ Abisua,

2 Webena 19:11

Sɔfonomoa Amariaa dɛɛ ba he sie tɔe Korowii waa bwa ta, ásɛ Ismael bibaa Sebadia waa ɛ Juda dea nomoa la chɔ waa aa ɛ kooro waa nyoa, ásɛ Lewi dea tena la ɡe ɛɛ cha heya. Hé ɛa bambile bwa ne, Korowiirii dɛ ja banɔ la baa ɛa kɛrɛdɛ la nɛ.”

2 Webena 26:20

Sɔfo Asaria ne sɔfore la nyoa kpoo baa nyiŋu, dɛ na kɛ wee lɔ o tile ta, asɛ ba doŋu le buse warane. Dɛ o ɡbabir kwaraa fe dɛ nyin buse lee wubwa, dɛkalkɛŋɔ Korowiirii dɛɛ tɛr o deŋne.

Ɛsra 7:4

Serahia lolɛ Merayɔt, Usi lolɛ Serahia, asɛ Buki lolɛ Usi.

Ɛsra 7:6

A ɡɛ Ɛsra nɔ ɛ sɔfo dɛ le Babelɔn ba. Dɛ o ɛ chicha ɡe, dɛ jemɛ mmarare Korowii Israel tena aa dɛ tomɔ aa kpɔa tɛ Mosis la kɛrɛdɛ, dɛɛ baɡla. Komɛlbwa waa bɔɔ le koojen be la, o dɛ tɛo, dɛkalkɛ Korowii waa dɛ tomɔ la nɔn dawɛ o nɛ.

Kaala 6:25

Arɔn bibaa Eliasa mo Putiel bihaah bɛl, asɛ dɛ lolɛ Fenehas. Banɔɔ le Lewi luɡe ta dɛ chɔ ba deene nyoo.

Lewi Dea Tena 10:12

Ate, Mosis ŋɔ Arɔn ne o bibaala Eliasa ne Itama baa kaa la be ŋɔ, “Hé kpɔ mea saraha baa fuh ane tɛ Korowii la kar ɛ kondikwa, dɛ bɛ iisi a ta do ásɛ dɛ dia saraha kon la keŋkeŋ, dɛkalkɛ a do ɡoroŋ kɛrɛdɛ.

Lewi Dea Tena 10:16

Mosis pɛɛ booh baa kpɔa ba ɛ wechɔɡa kpɔe dɛ kɛ saraha la wa, asɛ dɛ no kɛŋɔ ba fuuh. Belaa o baah di Arɔn bibaala Eliasa ne Itama baa kaa la nɛ dɛ bɔɔ ba ŋɔ,

Lewi Dea Tena 10:6

Belaa o ŋɔ Arɔn ne o bibaala Eliasa ne Itama be ŋɔ, “He bɛ he batakaani kɛɛ á baɡle kɛŋɔ he dɛ ɛ lwe. Hé lee he nyuune. He ɛ ɡɛ naa, hɛɛ serewoo ásɛ Korowii baah di nɛra nɔ bwa nɛ. Kɛ he lolanar ne Israel tena te bwa dɔ ŋwɛnɛ kɛŋɔ ba ɛ lwe, nii Korowii aa ɡela a ba kpoo ɡɛ nɛra nɔ wa.

Nɛra Kura 27:2

Awola bɛl, haahna nɔ kpɔɔ ka bil Mosis ne sɔfo Eliasa ne Israel nomonome dɛ Israel tena la bwa sie, Korowii Dea Cheremibɔr doonyoa dɛ ŋɔ,

Nɛra Kura 3:32

Dɛ sɔfo Arɔn bibaa Eliasaa Lewi dea tena la nomoa. Onee ba le o chɔ nɛra baa dɛ ɛ toma Boɡoroŋ bela nyoa.

Nɛra Kura 31:31

Gɛɛ a do Mosis ne sɔfo Eliasa ɛ ɡɛ Korowii aa do Mosis ŋɔ ó ɛ la.

Nɛra Kura 31:54

Mosis ne sɔfo Eliasa lɛ suuɡaswɛm la le laa sitɔɔla baa chɔ laa tena kaɡboŋa ne lafare nyoo la be, dɛ kpɔ kaa Korowii Dea Cheremibɔr bela, asɛ Israel tena la che o ta dɛɛ lii waa aa chiɡa.

Nɛra Kura 31:6

Mosis ɡelɔ ba kaa laa la, asɛ sɔfo Eliasa bibaa Fenehas kpɔ laala aa do ɡoroŋ la ane, ne bɛle ba hoh dɛɛ baɡle laa la wa.

Hibru 5:4

Sɔfonomoa ɛɛ nɔ ɛ wejena. Nomɛlbwa toole dɛ ɡbaɡba won le o te dɛ ɛ a ɡɛ toma nɔ, nemenɛ Korowii aa leo kɛŋɔ waa le Arɔn o ɛ bɛl la.

Josua 14:1

Kenii Keenan harɛ waa lɔ Jɔɔdan wee cholibɔr la bɔna waa do. Sɔfo Eliasa ne Nun bibaa Josua, dɛ nomonome baa chɔ Israel deene la nyoo laanee bɔna tɛɛ ba.

Josua 22:13

Anomanta, Israel tena la tomɛ sɔfo Eliasa bibaa Fenehas a ɡɛ deene la nɛra be, Gelead harɛ ta bela.

Josua 22:31

Ate, sɔfo Eliasa bibaa Fenehas ŋɔ ba be ŋɔ, “Ya jemɔ name kɛŋɔ Korowii ja ya nɛɛ fini, he ta he te laa kpɔ Korowii nɛɛ waa nɔ ta, he lɛ Israel tena bwa nyu le tɛra Korowii fe aa tɛr he deŋne la ta.”

Josua 24:33

Sɔfo Eliasa ɡe baa sewɛ, asɛ ba huɡo bwɛjen Gebea harɛ waa ɛ o bibaa Fenehas kon ta. O lɔ Efrem deŋɡarere harɛ ta.

Sitɔɔla 20:28

Dɛ Eliasa bibaa Fenehas lɔ bela dɛɛ ɛ Korowii toma, o nabaalee Arɔn. Israel tena la bɔɔ Korowii ŋɔ, “Yá ka yo ya bala Bɛnjamen dea tena nɔ kɛɛ yá ɡelɔ?” Anee Korowii sɛh ŋɔ, “Hé kaa! Kere te mɛɛ kpɔ baa do he nɔn ta, ásɛ he pɔ ba nɛ.”