Ɛsra 7:28 - mzwDBL

²⁸ O berɔ sune n nɛɛ kɛrɛdɛ n dɔ jirima koojen ne o nɛra baa dɛ jao, dɛ o nomonjena baa kpeɡa bwa sie. Korowii maa dɛ tomɔ aa ja n nɛɛ nomanta, n dɔ ɡbemba dɛ won boa Israel deene nomonnyuune nyoa, asɛ n ne ba berɛ ba Jerusalam.”

Ɛsra 7:28 ပူးပေါင်းရင်းမြစ်များ

Mumpar 32:28

Asɛ baa la berɛ ŋɔ, “He sɔne laa Jekɔb kpa. He ne Korowii ne nɛwɛnyina yoo, ba ta wone pɔ he nɛ, anomanta, he sɔne Israel.”

Mumpar 43:14

Kórowii Waa Ɛ Kpeɡri Bwa Dɔɔ la ja he nɛɛ dɛ́ ɡel nomoa la na he sum, dɛ́ kpɔ Simeon ne Bɛnjamen tɛ heya he ba tɛ mɛ. Dɛ baa le n nɔn taa yaa, ba den le n nɔn ta.”

Ɛsra 5:5

Kɛ dɛ Korowii baa dɛ tomɔ la sie lɔ Juu tena nomonome la nɛ, a ɡel Pɛɛsea nomonome la ta wone ɛ wobɛlbwa, ka tel kɛŋɔ baa chwerɛ tɔn ka tɛ Koojen Dareɔs, asɛ o chaŋ ba mɔɔ.

Ɛsra 7:14

Men Koojen, ne n nomonome banuanɛ baa dɛ ja mɛ, dɛ tomɛ ŋɔ he ka bɔɔ dɛ na kɛ nɛra dɛ teŋɛ Korowii haa dɛ tomɔ la mmarare waa kpɔa do he nɔn ta la ta kɛɛ.

Ɛsra 7:6

A ɡɛ Ɛsra nɔ ɛ sɔfo dɛ le Babelɔn ba. Dɛ o ɛ chicha ɡe, dɛ jemɛ mmarare Korowii Israel tena aa dɛ tomɔ aa kpɔa tɛ Mosis la kɛrɛdɛ, dɛɛ baɡla. Komɛlbwa waa bɔɔ le koojen be la, o dɛ tɛo, dɛkalkɛ Korowii waa dɛ tomɔ la nɔn dawɛ o nɛ.

Ɛsra 7:9

Korobiloɡle tɔpere waa tɔ sie taa ba pa mun le Babelɔn harɛ ta, asɛ korobie anue tɔpeloɡle ne tela dɛ Korowii chao o ba tel Jerusalam.

Ɛsra 8:1

Gɛ saŋ Israel deene nomonnyuune baa laɡ ba kaa bojaŋ harɛfale ta Babelɔn la, nɛra baa teŋɛ sɔfo Ɛsra nɛɛ ba Jerusalam ɡɛ saŋ Koojen Atasɛksɛs aa di kora laanee nɔ.

Ɛsra 8:15

Ate, men sɔfo Ɛsra boa nɛra baa le harɛfale ta ba la nyoa, bɔɔ bɛl baa kwiu asɛ nee palɛ kpɔ o bini dɛɛ kaa Ahava ta, asɛ ya so bela tɔpera atoro. Maa nyiŋi nɛra la ne sɔfore la bini la, n ta Lewi dea te bɛlbwa nae.

Ɛsra 8:18

Korowii yaa dɛ tomɔ aa sune ya nɛ, dɛ ja ya nɛɛ nomanta, ba tɛ yaa Sɛrebea waa dɔ kwaa ɛɛ wejema kohona. O ɛ Lewi dea te, dɛ le Maali dea, asɛ o bibaala ne o nimanar baala fi dɛ banuatoro ja o nɛɛ dɛ ba.

Ɛsra 9:9

Dɛ ya ɛ yoma, kɛ hen Korowii yaa dɛ tomɛ ta yaa ɡelɛ ya wenaale ta. He baɡle he nyina ya nɛɛ Pɛɛsea harɛ koojena sie. He tɛ yaa mkpafale ya berɛ won kwaa ma hen Korowii yaa dɛ tomɛ Dea waa kuuɡa la, asɛ dɛ tɔ yaa ɡbemɡbe, dɛ ɡel ya dɔ deŋnesɔɔhna Juda harɛ ne Jerusalam bwɛdaa ta.

Nehemia 1:11

Cheɡ deŋne no n wesoŋa ne he bonɔɔna baa dɛ nyin ba kpɔ duure tɛɛ la wesoŋa. Gel a chiɡ mɛ kɛrɛdɛ fini, dɛ́ ɡel koojen na n sum.” Gɛ saŋ dɛ menee dɛɛ do Koojen Atasɛksɛs sen.

Nehemia 2:8

N berɔ soŋo ŋɔ ó chwerɛ tɔn tɛ mɛ ń kpɔ ka tɛ Asaf waa dɛ nyiŋi koojen kɔne ta la, ásɛ o tɛ mɛ doli maa kpɔ ɛ dekpeɡ la doonyoo aa bɛne Korowii Dea, ne danjwɛkpeɡ waa bar bwɛjen la, dɛ dem maa ka so o ta. Korowii ja n nɛɛ nomanta, koojen la tɛ mɛ komɛlbwa maa soŋo.

Yela 109:12

Bɛ ɡel nomɛlbwa ɛɛ sune o nɛ, dɛ́ ɛo wedɛɛɡa kɛɛ dɛ́ na o bilalbii la sum.

Jona 3:7

Asɛ ba lɔ dawuro bwɛɛ la bwa ŋɔ, “Kooro ne o nomonome ŋɔ, ‘Nomɛlbwa bɛ kwaa di, o bɛ nee nyɔ, o bɛ o kondɛɛra kɛŋɔ nae ne peera dɛ boohna ya ta á ka di, kɛɛ á ka nyɔ ne.