Ɛsra 7:27 - mzwDBL

²⁷ Ate, sɔfo Ɛsra ŋɔ, “Korowii ya naawa aa tomɔ laanee dɔ jam. Onee ɡela Koojen Atasɛksɛs dɔ liire, dɛ ɡel ba berɛ kwaa ma Korowii Dea waa do ken, dɛ dɔ jirima cheɡ Jerusalam.

Ɛsra 7:27 ပူးပေါင်းရင်းမြစ်များ

2 Webena 31:8

Kooro Hɛsɛkea ne o nomonome aa baa na ɡɛ koŋkɛɛla la aa daŋa chɔ la, ba kpɛɛ Korowii, dɛ swee andɛɛɡa tɛ o nɛra Israel tena.

Ɛsra 6:22

Ba di Paanoo Iisi Aa Wola Toole A Ta Tɔpejen tɔpera anuanɛ silɛɛ ne, dɛkalkɛŋɔ Korowii charɛ Asiiria koojen liire, o won cha ba ba ma Korowii Israel tena aa dɛ tomɔ Dea la.

Nehemia 2:12

baala tama banee ja n nɛ, n ne ba ir jwaana. N ta waa Korowii aa kpɔa do n liire bini ŋɔ ń ɛ Jerusalam la bolɛ baɡle nomɛlbwa, keeɡo maa soɡe o ta ɡboo, ane ta jae kpa.

Nehemia 2:8

N berɔ soŋo ŋɔ ó chwerɛ tɔn tɛ mɛ ń kpɔ ka tɛ Asaf waa dɛ nyiŋi koojen kɔne ta la, ásɛ o tɛ mɛ doli maa kpɔ ɛ dekpeɡ la doonyoo aa bɛne Korowii Dea, ne danjwɛkpeɡ waa bar bwɛjen la, dɛ dem maa ka so o ta. Korowii ja n nɛɛ nomanta, koojen la tɛ mɛ komɛlbwa maa soŋo.

Nehemia 7:5

Korowii tɛ mɛ liire kɛŋɔ ń yerɛ bwɛɛ la sitɔɔla ne nomonome, dɛ nɛra baa lɔ bela la cheme, dɛ́ chwerɛ ba sɔna ɡɛ baa teŋɛ dɔŋa nɛɛ lola ta. N na banɔ la ba naawa aa tɔ sie le bojaŋ harɛfale ta dɛ ba la. Kenii ba chwerɛ ba sɔna ɡɛ baa teŋɛ dɔŋa nɛ.

Kaala 8:9

Anee Mosis ŋɔ, “A wer ɡa, mɛɛ soŋoo tɛɛ. Kɛ n poori, baɡle tɔpere haa dɛ nyin, ásɛ n soŋe tɛ he ne he nomonome ne he nɛra á le he nɛ, a ka Nael Moo kwaa la ɡbo.”

Sɛɡla 21:1

Kooro bɛlbwa liire lɔ Korowii nɔn ta, kɛŋɔ nɛn yon pere bɔr tɛ nee wɛɛ kpɔ o ta la.

Aesaya 60:13

Baa che Lɛbanɔn kɔr dadɛɛɡa ne ba dajaŋa bwa soo siwii dɛ́ ba kwaa n Dea maa lɔ o bini nɔ ne n bwɛjen la á do wer.

Amanesoma Luk Aa Chwera Tɔn 7:5

dɛkalkɛ o dɛ nyin ya Juu tena wa, hale o do cheremi dea tɛ yaa kwara.”

2 Kɔrent 8:16

Ya dɛ jam Korowii kohona kɛŋɔ waa ɡela Taetos siwi swɛɛ wɛɛ cha heyaa kɛŋɔ ya siwi aa swɛɛ he nɛɛ la.

Felepae 4:10

N sie lɛo kohona pɛɛ ya ne ya Dɔɔ aa pɛa nɔ ta, dɛkalkɛŋɔ he berɔ kwaa dɛɛ do n liire dɛ́ cha mɛ taraken. He fa cha mɛ ka. A ta ɛɛ kɛŋɔ haa berɛ dɛɛ lii n waa kpa. Kɛ bɔree he fa aa wola dɔe dɛ́ nyiŋ mɛ.

Hibru 10:16

“N Naa Korowii bolɔ ŋɔ, ‘Fɔo n ne baa fɔwɛ tɔpera aa lɔ sie la ta laanee nɔ. Mɛɛ kpɔ me Mmaraa do ba bambile bini, dɛ́ chwerɔ do ba nyuune bini.’ ”

Hibru 8:10

Fɔo n ne Israel tena aa dɛ ba fɔwa kerekeree la. Mɛɛ kpɔ me Mmaraa do ba nyu bini, dɛ́ chwerɔ do ba bambile bini, ásɛ dɛ ɛ Korowii baa dɛɛ tom mɛ, ásɛ ba ɡe ɛ n nɛra.

Jems 1:17

Komɛlbwa waa wera la le Korowii be. Komɛlbwa waa ɛ kondɛɛɡe la, Korowiirii kpɔa kɛ yaa. Onee ya Mɛɛ waa ta kwaa bwa aa lɔ nyundua dɛɛ chaah harɛ. Gɛ kwaa nɔ dɛ chaah, ane ta ɡe aa chaah, kɛ Korowii te aa beɡre bwa.

Wepila 17:17

dɛkalkɛŋɔ Korowiirii kpɔ ɡɛ do ba bambile bini kɛŋɔ bá ɛ waa waa dɛ nyin, dɛ́ ɡel ba ɛ liire beŋkpoŋ, dɛ́ kpɔ ba kpeɡri tɛ olchɔɡe la ó di ka tel kɛŋɔ waa Korowii aa bola la aa ɛa.