Ɛsra 7:26 - mzwDBL

²⁶ Nomɛlbwa waa ɛ deŋnekpeɡ Korowii haa dɛ tomɔ mmarare kɛɛ koojen mmarare ta la, a chɛ kɛ bá kpoo buɡ la ta, kɛɛ dɛ́ doŋu le o harɛ ta, kɛɛ dɛ́ kpɔ nɔn dawɛ o komɛlbwa waa dɔa ta, kɛɛ dɛ́ lawɔ ka do dea, ásɛ a ɛ deŋnetɛra tɛo.”

Ɛsra 7:26 ပူးပေါင်းရင်းမြစ်များ

2 Webena 30:12

Gɛɛ Korowii ɛ, dɛ ja Juda tena nɛ, dɛ ɡel ba dɔ nyopɛo, dɛ teŋɛ waa kooro ne o nomonome aa do ba la ta, ɡɛ waa bola la.

Ɛsra 10:4

Anomanta, sɔfo Ɛsra, ir nyu ne, dɛkalkɛ he nɔn taa ɡɛ waa nɔ do. Yaa che he habɔɔ, dɔ bambile dɛ́ ɛa.”

Ɛsra 10:8

Nomɛlbwa waa vɛh a ɡɛ chema nɔ mun bala ka tel tɔpera atoro la, wɛɛ paŋɛ kwaa waa dɔa bwaa, ɡɛ nomonome aa bola la, ásɛ ba berɛ doŋu le o harɛ waa soɡe o ta la ta.

Ɛsra 6:11

N berɔ dɛɛ do heyaa kɛŋɔ nomɛlbwa waa ɛ deŋnekpeɡ waa nɔ ta la, bá tɛr dola le o dea ta dɛ́ seɡre o nyoa dɛ́ kpɔ tooh ó saɡɛ. O wechɔɡa waa ɛa nomanta, o dem paɡre dɛ́ berɛ puldoa.

Ɛsra 6:12

Korowii waa le Jerusalam cheɡ ŋɔ nɛra ba bela dɛ́ baa tomɔ la, ó ir kooro kɛɛ harɛ bɛlbwa nɛra baa vɛh waa nɔ ta teŋa, kɛɛ dɛ́ ka chɔɡ Korowii Dea nɔ la. Men Koojen Dareɔs, menee do ɡɛ mmara nɔ. Bɛlbwa nyiŋi dɛɛ teŋɛ o ta kɛrɛdɛ.”

Yela 52:5

Anomanta, Korowii ɛɛ chɔɡee saŋ bɛlbwa dɛɛ la, dɛ́ ba jo he dem tɛre le, dɛ́ lawɛ le harɛ nɔ ta.

Daneɛl 6:26

N do mmara harɛ maa dɛ di kora o ta la kɛŋɔ, nomɛlbwa ɛɛ ɔmɛ dɛɛ duu Korowii Daneɛl aa dɛ tomɔ la. O ɛ Korowii waa lole saŋ bɛlbwa, o lole saŋ bɛlbwa dɛɛ la. O kora aa ɡu bwa, o kpeɡri waa dɔa ta jaɡa dɔe.

Mmarare 27:26

Ásɛ ba berɛ ŋɔ, ‘Nomɛlbwa waa wola Korowii Mmarare ne o webaɡla ta teŋɛ la, Kórowii taahno.’ Israel tena la bwa chaŋe ŋɔ, ‘Aamen!’ ”