Ɛsra 7:25 - mzwDBL

²⁵ Hen sɔfo Ɛsra, che wejema Korowii haa dɛ tomɔ aa tɛɛ ta, dɛ le nomonome ne banɔ la baa jemɛ waa bola dɛɛ pa bole, ásɛ baa nyiŋi nɛra baa lɔ Yufretis Moo wee cholibɔr harɛ ta nɛ, dɛɛ teŋɛ Korowii haa dɛ tomɔ Mmarare ta. Takapɔ chaɡle banɔ la ɡe baa wola mmarare la jemɛ la.

Ɛsra 7:25 ပူးပေါင်းရင်းမြစ်များ

Mumpar 41:38

Asɛ kooro ŋɔ o nomonome la be ŋɔ, “Dɛ Josef laa, nomɛlbwa toole, o nɛɛ Korowii Doma so, onee dɛ́ won nyiŋi kondikwaa nɔ ta.”

Mumpar 41:39

Belaa kooro ŋɔ Josef be ŋɔ, “Korowiirii baɡle anɔ bwa, anomanta, ya bwa nao kɛŋɔ he dɔ wejema dɛɛ no waa mun dɛ ɡwaa nomɛlbwa.

1 Koranar 3:28

Israel tena bwa aa no ɡɛ Kooro Solomɔn aa pa bole la, a ɛɛ ba nyokpoa, ba na kɛŋɔ Korowiirii tɛo wejema o kpɔ pa bole aŋwɛnɛ ta la.

2 Koranar 17:27

Asɛ koojen la ŋɔ, “Hé nyin Israel sɔfore la yaa laɡ ba le bela la bɛl, dɛ́ kpɔɔ kaa bela ó ka so, dɛɛ baɡle nɛra ɡɛ bela voɡ baa dɛ tomɔ la aa dɛ nyin.”

1 Webena 22:12

Ó tɛɛ wejema ne waa mun noe kɛrɛdɛ, he won kpɔ nyiŋi o nɛra Israel tena nɛ, dɛɛ teŋɛ o Mmarare bwa ɡe ta.

1 Webena 23:4

Belaa Kooro Devid ŋɔ, “Gɛ baala nɔ, ba bini kaɡboŋa fifraanɛ dɛ banaarɛ chɛ kɛŋɔ baa nyiŋi toma aa lɔ Korowii Dea bonɔ ta, ásɛ ba bini kaɡboŋa banumɛl ɡe ɛ karakere, dɛ bɛl ne o dɔŋ dɔ wa aa, ba bini bane nyiŋi dɛɛ bola.

Ɛsra 10:4

Anomanta, sɔfo Ɛsra, ir nyu ne, dɛkalkɛ he nɔn taa ɡɛ waa nɔ do. Yaa che he habɔɔ, dɔ bambile dɛ́ ɛa.”

Ɛsra 6:6

Ate, Koojen Dareɔs chaŋe dɛ ŋɔ, “Name Tatenai waa ɛ nomonjen dɛɛ nyiŋi Yufretis Moo wee cholibɔr harɛ ta, ne Sɛta Bosenai ne he bala nomonome haa lɔ harɛ la ta la, hé le bela kaa.

Ɛsra 7:10

Sɔfo Ɛsra le o te cheɡ dɛ tɛ Korowii Mmarare la hwela ne a bini nyiŋa, asɛ dɛɛ chaɡle Korowii waa ne mmarare aa lɔ Israel harɛ ta.

Ɛsra 7:14

Men Koojen, ne n nomonome banuanɛ baa dɛ ja mɛ, dɛ tomɛ ŋɔ he ka bɔɔ dɛ na kɛ nɛra dɛ teŋɛ Korowii haa dɛ tomɔ la mmarare waa kpɔa do he nɔn ta la ta kɛɛ.

Nehemia 9:3

Ba cheɡɛ bela baa cheɡa, dɛ he bɔne tɔpebir bini bɔre anaarɛ naa, ba kpɔ bɔrbeŋkpoŋ kure Korowii baa dɛ tomɔ Mmara Tɔn la bini waa baɡ ba. Asɛ dɛ kpɔ bɔrbeŋkpoŋ ɡe bol ba wechɔɡa, asɛ dɛ tomɛ Korowii baa dɛ tomɔ la.

Yela 19:7

Korowii Mmara wer, dɛɛ tɛ bokpeɡfale, Korowii waa waa dɛ do yaa a ta chɛ kɛ yá kpɔ ya te dɛɛ dawɛ a ta, a ɡelɔ banɔ la baa wola wobɛlbwa jemɛ la ɛɛ jemɛ wa.

Sɛɡla 2:6

Korowii bee wejema le, onee dɛɛ tɛ wejema ne waa mun noe.

Sɛɡla 6:23

Webaɡla nɔ do kɛŋɔ kandea dɛɛ chaahne, wejaala nɔ ɛɛ won baɡle ɡɛ haa dɛ ba wona so.

Malakae 2:7

A chɛ kɛ sɔfo bɛlbwa dɔ wejema kɛrɛdɛ le men Korowii be, dɛ́ kpɔ dɛɛ baɡle nɛra wa, ásɛ nɛra la ba be kaa hweli n waa la. Banee men Koranar Bwa Kooro tomɛ.

Matiu 13:52

Anee Yeesu berɛ ŋɔ, “Amɔ nomɛlbwa waa jemɛ Mosis Mmara la, dɛ berɛ ba hweli Korowii Kora nɔ waa la do kɛŋɔ nomɛl aa dɔ o dem, dɛ dɔ konfala ne kombena, dɛ won a bini bɛlbwa waa dɛ nyin kpɔe dɛ́ le bela waa dɛ cheɡ o kwa.”

Amanesoma Mak Aa Chwera Tɔn 6:34

Yeesu aa le ɡbera la bini la, dɛ nɛnlaa tenten lɔ bela. Ba waa domɛ o tea, dɛkalkɛ dɛ ba do kɛ peera aa wola teɡre dɔe ken. Anomanta, o chaɡ ba waa taeh.

Mmarare 16:18

Anee Mosis berɛ ŋɔ, “Bwɛɛ bɛlbwa Korowii aa ka kpɔ heyaa so o ta la, hé le nomonome ne nɛra báa nyiŋi he waa ta dɛ́ɛ bola kasinteŋ ne.

Kolosi 1:28

Ya waa yaa dɛ baɡle bwaa Yeesu Kristo la. Ya dɛ ja nomɛlbwa, dɛɛ baɡle nɛra bwa wejema bwa ne, ásɛ dɛ ba won kpɔ bɛlbwa ba Korowii be kɛ ba kpeɡ Yeesu Kristo waa ta, pɛɛ ba ne waa pɛa la nomanta.

Jems 1:5

Dɛ wobɛlbwa pu heyaa hɛɛ nyin a wejema aa, hé soŋe Korowii ásɛ o tɛ heya. O tea chɔ pɛɛ, waa nɛn kon tɛ o waa berɛ dɛɛ we o nɛ. Wɛɛ tɛ heyaa.