Ɛsra 7:23 - mzwDBL

²³ Komɛlbwa Korowii Waa Dɛ Di Kora Nyundua aa baɡla la, hé nyiŋi kɛrɛdɛ dɛ́ ɡel á ɛ ɡɛ aa chɛa tɛo o Dea bela. Ásɛ o baah bɛ n nɛɛ kɛɛ kooro bɛlbwa waa ba di kora n habɔɔ nɛɛ di.

Ɛsra 7:23 ပူးပေါင်းရင်းမြစ်များ

Ɛsra 7:13

Taraken nɔ, n dɛ doe kɛŋɔ Israel te bɛlbwa waa lɔ n harɛ ta, sɔfore ne Lewi dea tena, ba bini bɛlbwa waa dɛ nyin kɛŋɔ o pui kaa Jerusalam la won kaala.

Ɛsra 7:18

Suuɡapoŋa ne suuɡaswɛm bɛlbwa aa ka la, he ne he bala Juu tena ɛɛ won kpɔ ɛ wobɛlbwa aa wera tɛ heya, ɡɛ Korowii aa dɛ nyin.

Ɛsra 7:22

he tɛo waa, he bɛ ɡel a ɡwaa suuɡapoŋa a tɔɡre aa ɛ kilore kaɡboŋa atoro lafraanaarɛ, ne jaaɡe a tɔɡre aa ɛ kilore kaɡboŋa fi, ne sen aa ɛ ɡalɔŋre lafraanue, ne ɔleve no aa ɛ ɡalɔŋre lafraanue. Kɛ yar te, he tɛo ɡɛ del bwa waa dɛ nyin.

Yela 119:4

N Naa Korowii, he kpɔ he Mmarare tɛ yaa, dɛ ŋɔ yá kpɔ kasinteŋ dɛɛ teŋɛ a ta.

Kaala 5:3

Asɛ Mosis ne Arɔn chaŋe ŋɔ, “Korowii Hibru tena aa dɛ tomɛ la ba ya be, anomanta, tɛ yaa ŋwɛnɛ ya ka ɡaaɡe tɔpera atoro pua hɛŋle ɡbo harɛ ta, dɛ́ ka kpoo kwaa ɛ saraha tɛ Korowii yaa dɛ tomɔ. Dɛ ɡɛ laa, wɛɛ kpɔ laa kɛɛ weechɔɡaa ba kpoo yaa.”

Jeremia 29:7

Hɛ́ɛ nyin wedɛɛɡa ne waa aa ɡel he soɡa bini do wer, bwɛjena maa ɡela ba lawɛ heyaa ka so a ta la ta. Hé che ba naa ta soŋe le n be dɛɛ tɛɛ ba, dɛkalkɛ dɛ ba wobɛlbwa wer dɛɛ tɛɛ ba, ba nɔn bini do wer aa, anee dɛ́ ɡel he ɡe nɔn bini do wer.

Sekaria 12:3

Awola tɔpere la, mɛɛ ɡeloo Jerusalam do kɛŋɔ bwe, waa yiiɡi. Harɛ nɔ nɛra bwa aa pɛ nyoa dɛ́ ba yoo ba la, bɛlbwa waa ŋɔ wɛɛ ɡɔɔ bwe laanee la, wɛɛ doo bolii.