Ɛsra 7:21 - mzwDBL

²¹ Taraken, men Koojen Atasɛksɛs dɛ do Yufretis Moo wee cholibɔr harɛ nɛra baa dɛ cheɡ n harɛ suuɡare la ŋɔ, bá do sie tɛ sɔfo Ɛsra waa ɛ Korowii Waa Dɛ Di Kora Nyundua chicha dɛɛ baɡle o Mmarare bini la komɛlbwa waa dɛ nyin,

Ɛsra 7:21 ပူးပေါင်းရင်းမြစ်များ

Ɛsra 4:16

Ya ɡelɔ hɛɛ jemɛ kɛŋɔ, dɛ ba wono ma bwɛjen nɔ ne o danjwɛɛre tonaa, haa won di kpeɡri bɛlbwa harɛre aa chɔ Yufretis Moo wee cholibɔr harɛre nɛra nɛɛ kpa.”

Ɛsra 4:20

Koranar baa kpeɡa Jerusalam di kora dɛ nyiŋi harɛ waa chɔ Yufretis Moo wee cholibɔr baŋ le bwa ta, dɛ ɡel ba bɔ toɔre dɛ lɛ harɛ la kwaa baa tɛɛ ba.

Ɛsra 6:6

Ate, Koojen Dareɔs chaŋe dɛ ŋɔ, “Name Tatenai waa ɛ nomonjen dɛɛ nyiŋi Yufretis Moo wee cholibɔr harɛ ta, ne Sɛta Bosenai ne he bala nomonome haa lɔ harɛ la ta la, hé le bela kaa.

Ɛsra 7:1

Anɔ bwa habɔɔ, ɡɛ saŋ Koojen Atasɛksɛs aa di kora Pɛɛsea harɛ ta la, dɛ baa bɛl lole baa yerɔ Ɛsra. O mɛɛ sɔne Seraya, Seraya ɡe mɛɛ Asaria, asɛ Asaria ɡe mɛɛ sɔne Hilkia.

Ɛsra 7:22

he tɛo waa, he bɛ ɡel a ɡwaa suuɡapoŋa a tɔɡre aa ɛ kilore kaɡboŋa atoro lafraanaarɛ, ne jaaɡe a tɔɡre aa ɛ kilore kaɡboŋa fi, ne sen aa ɛ ɡalɔŋre lafraanue, ne ɔleve no aa ɛ ɡalɔŋre lafraanue. Kɛ yar te, he tɛo ɡɛ del bwa waa dɛ nyin.

Ɛsra 7:6

A ɡɛ Ɛsra nɔ ɛ sɔfo dɛ le Babelɔn ba. Dɛ o ɛ chicha ɡe, dɛ jemɛ mmarare Korowii Israel tena aa dɛ tomɔ aa kpɔa tɛ Mosis la kɛrɛdɛ, dɛɛ baɡla. Komɛlbwa waa bɔɔ le koojen be la, o dɛ tɛo, dɛkalkɛ Korowii waa dɛ tomɔ la nɔn dawɛ o nɛ.

Ɛsra 8:36

Ba berɔ kpɔ tɔn koojen la fa aa kpɔa tɛɛ ba la tɛ nomonome baa dɛ nyiŋi harɛre aa lɔ Yufretis Moo wee cholibɔr harɛ, ne o nomonome bwa, asɛ ba cha nɛra la ne Korowii Dea toma la.

Nehemia 2:7

Asɛ n berɛ ŋɔ Koojen Atasɛksɛs be ŋɔ, “Dɛ a too he tea aa, cha mɛ dɛ́ chwerɛ tɔne tɛ mɛ ń kpɔ ka tɛ nomonome baa dɛ nyiŋi Yufretis Moo wee cholibɔr baŋ harɛre ta la, ásɛ ba nyiŋi n nɛ, dɛ́ tɛ mɛ ŋwɛnɛ ń won kaa Juda harɛ ta sɔnɔnɔɔ.”

Yela 119:4

N Naa Korowii, he kpɔ he Mmarare tɛ yaa, dɛ ŋɔ yá kpɔ kasinteŋ dɛɛ teŋɛ a ta.

Daneɛl 6:26

N do mmara harɛ maa dɛ di kora o ta la kɛŋɔ, nomɛlbwa ɛɛ ɔmɛ dɛɛ duu Korowii Daneɛl aa dɛ tomɔ la. O ɛ Korowii waa lole saŋ bɛlbwa, o lole saŋ bɛlbwa dɛɛ la. O kora aa ɡu bwa, o kpeɡri waa dɔa ta jaɡa dɔe.