Ɛsra 7:15 - mzwDBL

¹⁵ A chɛ kɛŋɔ hé kpɔ suuɡapoŋa ne suuɡaswɛm koojen ne nɛra baa dɛ jao aa le ba bambile bini, dɛ kpɔ tɛ Korowii Israel tena aa dɛ tomɔ, o Dea do Jerusalam la.

Ɛsra 7:15 ပူးပေါင်းရင်းမြစ်များ

1 Webena 29:6

Belaa nomonnyuune ne Israel deene nomonome ne laa sitɔɔla baa chɔ laa tena kaɡboŋa ne lafare nyoo, dɛ kooro nomonome baa chɔ o tomare nyoo bwa, le ba bambile ta, dɛ kpɔ kwaa kɛ bá kpɔ ɛ Korowii Dea la toma.

2 Webena 2:6

Nomɛlbwa toole dɛ́ won do Dea tɛ Korowii, dɛkalkɛ nyundua ɡba aa kanɛ tɛo ó so bela. N ɡee ume, n ŋɔ ń do Dea tɛo ó ba so o bini nɔ? Atane bɔr baa fuh saraha kwaa dɛɛ tɛo o sie ɡbo.

2 Webena 32:23

Nɛra warɔ kpɔ saraha kwaa ba tɛ Korowii Jerusalam pirim, ne koŋkɛɛla a yoɡ aa kpeɡa ba tɛ Juda Kooro Hɛsɛkea. Le bela dɛɛ kaa la, harɛre nɛra bwa kpɔ jirima tɛo kohona.

2 Webena 6:2

N do Dedɛɛɡe tenten waa kana tɛɛ, bela haa so saŋ bɛlbwa dɛɛ la.”

2 Webena 6:6

Kɛ taraken te, n ŋɔ baa tom mɛ Jerusalam, ásɛ hen Kooro Devid ɡe ɛ ba nomoa dɛɛ nyiŋi ba nɛ.’ ”

Ɛsra 1:6

Ba bala la bwa cha ba, dɛ tɛɛ ba suuɡaswɛm ne suuɡapoŋa koŋkwaa, ne laala baa kpɔ ɛ toma ne kondɛɛra, ne koŋkɛɛla a yoɡ aa kpeɡa, dɛ kpɔ ja saraha kwaa bwa aa le ba bambile ta.

Ɛsra 6:12

Korowii waa le Jerusalam cheɡ ŋɔ nɛra ba bela dɛ́ baa tomɔ la, ó ir kooro kɛɛ harɛ bɛlbwa nɛra baa vɛh waa nɔ ta teŋa, kɛɛ dɛ́ ka chɔɡ Korowii Dea nɔ la. Men Koojen Dareɔs, menee do ɡɛ mmara nɔ. Bɛlbwa nyiŋi dɛɛ teŋɛ o ta kɛrɛdɛ.”

Ɛsra 6:4

Ba kpɔ bwea atoro ma chɔŋɛ ɛ o danjwɛɛre ta bar aa, dɛ ba kpɔ dola dawɛ a ta. Koodem bela suuɡaa bá kpɔ bɔ a kem.

Ɛsra 7:14

Men Koojen, ne n nomonome banuanɛ baa dɛ ja mɛ, dɛ tomɛ ŋɔ he ka bɔɔ dɛ na kɛ nɛra dɛ teŋɛ Korowii haa dɛ tomɔ la mmarare waa kpɔa do he nɔn ta la ta kɛɛ.

Ɛsra 8:25

Asɛ n maɡɛ suuɡapoŋa ne suuɡaswɛm, dɛ loɡa Koojen Atasɛksɛs ne o nɛra baa dɛ jao ne o nomonome, dɛ anɔ la Israel tena aa ba a ne bá kpɔ ɛ toma Korowii yaa dɛ tomɔ Dea.

Yela 135:21

Hé kpɛɛ Korowii waa lɔ o Dea bwɛjen Saayɔn, dɛ do Jerusalam waa ɛ o dem la. Hé kpɛɛ Korowii!

Yela 26:8

N Naa Korowii, bela haa soɡa dɛ do n wer, bela he jirima aa lole la.

Yela 72:10

Taases harɛ koranar, ne nɛra baa soɡe mpo nyoa bojaŋa ɛɛ kpɔ ba harɛre kwaa ba tɛo. Seeba ne Seba koranar ɡee kpɔ koŋkɛɛlaa ba tɛo.

Yela 76:11

Hé kpɔ kwaa haa baɡɛ Korowii haa dɛ tomɔ nyoa la ba tɛo. Harɛre nɛra haa bɛna bwa, hé kpɔ koŋkɛɛla ba tɛo, onee chɛ kɛ nɛra bwa ɛɛ ɔmɛ.

Yela 76:2

Jerusalamee o bwɛ, o so Saayɔn Bwejen doa.

Yela 9:11

Hé ɡo yela kpɛɛ Korowii waa dɛ di kora Saayɔn. Hé bol waa waa ɛa harɛre nɛra bwa be.