Ɛsra 7:14 - mzwDBL

¹⁴ Men Koojen, ne n nomonome banuanɛ baa dɛ ja mɛ, dɛ tomɛ ŋɔ he ka bɔɔ dɛ na kɛ nɛra dɛ teŋɛ Korowii haa dɛ tomɔ la mmarare waa kpɔa do he nɔn ta la ta kɛɛ.

Ɛsra 7:14 ပူးပေါင်းရင်းမြစ်များ

Ɛsra 1:3

Taraken, hé nɛra haa dɛ tomɛ Korowii bwa ir kaa bela, dɛ́ ka berɛ kwaa ma Korowii Israel tena aa dɛ tomɔ Dea waa lɔ Jerusalam. Onee dɛ́ ja he nɛ.

Ɛsra 5:8

N naa kooro, ya dɛ nyin he jemɛ kɛŋɔ ya la Juu tena harɛ ta, bela Korowii waa kana la Dea aa lole ba berɛ kwaa dɛɛ mao la. Bwejena nee baa mao, dɛ kpɔ dadɛɛɡa dawɛ o danjwɛɛre ta. Ba toma ɛɛ wer, dɛɛ kaa wɔrɔbe nɛ, ɡɛ baa chaɡ ba la.

Ɛsra 6:12

Korowii waa le Jerusalam cheɡ ŋɔ nɛra ba bela dɛ́ baa tomɔ la, ó ir kooro kɛɛ harɛ bɛlbwa nɛra baa vɛh waa nɔ ta teŋa, kɛɛ dɛ́ ka chɔɡ Korowii Dea nɔ la. Men Koojen Dareɔs, menee do ɡɛ mmara nɔ. Bɛlbwa nyiŋi dɛɛ teŋɛ o ta kɛrɛdɛ.”

Ɛsra 6:8

N dɛ do heyaa kɛŋɔ hé cha ba, ásɛ ba won mao. Hé kpɔ suuɡa aa le Yufretis Moo wee cholibɔr harɛ baa bɔa dɛɛ do kara mun la, dɛɛ bɔ Dea la toma bɛlbwa kem, ɡɛ aa ɛ toma la bɛ ba ka che.

Ɛsra 7:15

A chɛ kɛŋɔ hé kpɔ suuɡapoŋa ne suuɡaswɛm koojen ne nɛra baa dɛ jao aa le ba bambile bini, dɛ kpɔ tɛ Korowii Israel tena aa dɛ tomɔ, o Dea do Jerusalam la.

Ɛsra 7:28

O berɔ sune n nɛɛ kɛrɛdɛ n dɔ jirima koojen ne o nɛra baa dɛ jao, dɛ o nomonjena baa kpeɡa bwa sie. Korowii maa dɛ tomɔ aa ja n nɛɛ nomanta, n dɔ ɡbemba dɛ won boa Israel deene nomonnyuune nyoa, asɛ n ne ba berɛ ba Jerusalam.”

Ɛsra 8:25

Asɛ n maɡɛ suuɡapoŋa ne suuɡaswɛm, dɛ loɡa Koojen Atasɛksɛs ne o nɛra baa dɛ jao ne o nomonome, dɛ anɔ la Israel tena aa ba a ne bá kpɔ ɛ toma Korowii yaa dɛ tomɔ Dea.

Ɛsta 1:14

dɛ dɔ dibɔra kooloŋ ta bela. Banee, Kaasena ne Sɛta ne Admata, ne Taases ne Meres ne Maasena, dɛ Mɛmokan. Gɛ nomonjena banuanɛ nɔ le Pɛɛsea ne Midia harɛre ta, dɛ ɛ nomonjena ɡwaa nomonome baa lɔ o kora bini bwa.

Aesaya 8:20

Báa teŋɛ me Mmara ne n webaɡla la ta! Dɛ ba ta ɡɛ waa la aa dɛ baɡle la bolaa, amɔ te a do kɛŋɔ baa soɡe biro ta ken.

Daneɛl 2:47

Kooro la ŋɔ Daneɛl be ŋɔ, “Kasinteŋ, Korowii haa dɛ tomɔ la ɛ Dɔɔranar bwa Dɔɔ, ne Koranar Bwa Kooro dɛ ɡela nɛra won dɛɛ na chaahna dɛ won a mun baɡla, dɛkalkɛ he wono baɡle waa aa sɔah nɔ mun.”

Daneɛl 6:20

Waa dɛ bɛne bɔɔ la la, o bambile chɔɡɔ o kpɔ takpeɡ dɛ yerɛ Daneɛl ŋɔ, “Daneɛl, Korowii waa lole saŋ bɛlbwa la bonɔɔ, Korowii haa dɛ tomɔ kasinteŋ ne tɔpere bɛlbwa la wono ba lɛɛ le nyujentena la be naa?”

Daneɛl 6:26

N do mmara harɛ maa dɛ di kora o ta la kɛŋɔ, nomɛlbwa ɛɛ ɔmɛ dɛɛ duu Korowii Daneɛl aa dɛ tomɔ la. O ɛ Korowii waa lole saŋ bɛlbwa, o lole saŋ bɛlbwa dɛɛ la. O kora aa ɡu bwa, o kpeɡri waa dɔa ta jaɡa dɔe.

Sekaria 6:10

“Ka lɛ suuɡapoŋa ne suuɡaswɛm le Hɛldae, ne Tobija dɛ Jedaya baa laɡ ba laa ta kaa bojaŋ harɛfale ta Babelɔn ba berɛ ba la be. Berɛ la Sefania bibaa Josia dem awola tenten.