Ɛsra 7:13 - mzwDBL

¹³ Taraken nɔ, n dɛ doe kɛŋɔ Israel te bɛlbwa waa lɔ n harɛ ta, sɔfore ne Lewi dea tena, ba bini bɛlbwa waa dɛ nyin kɛŋɔ o pui kaa Jerusalam la won kaala.

Ɛsra 7:13 ပူးပေါင်းရင်းမြစ်များ

2 Webena 30:5

Anomanta, ba yerɛ Israel harɛ nɛra le Dan waa lɔ weekaŋle nyunduabɔr, ka le Beɛseeba waa lɔ weekaŋle harɛbɔr ŋɔ, bá ba cheme Jerusalam dɛ́ di Galekaa Tɔpejen la Korowii Israel tena aa dɛ tomɔ la sɔn ta. Dɛ nɛra ta warɛ dɛ ba di tɔpejen la, ɡɛ baa chwerɛ o waa do tɔn bini la bwa.

Ɛsra 1:3

Taraken, hé nɛra haa dɛ tomɛ Korowii bwa ir kaa bela, dɛ́ ka berɛ kwaa ma Korowii Israel tena aa dɛ tomɔ Dea waa lɔ Jerusalam. Onee dɛ́ ja he nɛ.

Ɛsra 5:13

Kɛ a bwa habɔɔ, Babelɔn koojen Saeros aa di kora benanyoa waa tɔ sie ta la, o do mmara kɛŋɔ bá berɛ kwaa ma Korowii Dea nɔ.

Ɛsra 6:1

Koojen Dareɔs do mmara ŋɔ, bá nyiŋi koranar tɔne baa kpɔa cheɡ Babelɔn la bini.

Ɛsta 3:15

Kooro aa do mmara la nomanta, toroma la ɛ warane dɛ kaa, asɛ bane kpɔ waa la perɛ koobwɛɛ Susa ta. Dɛ kooro ne Heeman soɡo dɛɛ nyɔ sen, asɛ bwɛɛ la bwa ɛɛ vuuɡi.

Ɛsta 9:14

Kooro no ɡɛ dɛ ɡel Susa tena no dɛ ɡel ba saɡɛ Heeman bibaala fi la.

Yela 110:3

Awola haa yo he dɔma la, he nɛra ɛɛ sɛoh dɛ́ ba teŋɛ he nɛ. He bonɔɔna ɛɛ leo ba he be kɛŋɔ chɔɔlen mɛn ken, he bwe waa do ɡoroŋ la ta.

Yela 148:6

O nyoa wobol nee o cheɡa a chebɔra, a do le saŋ bɛlbwa, dɛ ɡel a do le ɡɛ dɛɛ la, aa wola won charɛ.

Daneɛl 6:26

N do mmara harɛ maa dɛ di kora o ta la kɛŋɔ, nomɛlbwa ɛɛ ɔmɛ dɛɛ duu Korowii Daneɛl aa dɛ tomɔ la. O ɛ Korowii waa lole saŋ bɛlbwa, o lole saŋ bɛlbwa dɛɛ la. O kora aa ɡu bwa, o kpeɡri waa dɔa ta jaɡa dɔe.

Felepae 2:13

dɛkalkɛŋɔ Korowii soɡe he bɛlbwa nɛɛ dɛɛ ɛ toma, dɛ ɡel he won sɛh dɛ won dɛɛ tomɔ kɛrɛdɛ ɡɛ aa su o siwi.

Wepila 22:17

Korowii Domadɛɛɡe la ne hanfale la dɛ yerɛ ŋɔ, “Ba!” Nomɛlbwa waa no ɡɛ waa nɔ la, ó ɡe ŋɔ, “Ba!” Nomɛlbwa waa dɛ wi nyɔɡre la, wɛ́ɛ ba. Nomɛlbwa waa dɛ nyin nee aa dɛ tɛ mkpa la dɛ́ nyɔ la, wɛɛ dɔɔ nyɔ pɛɛpɛɛ.