Ɛsra 7:12 - mzwDBL

¹² “Tɔn nɔ le men Atasɛksɛs maa ɛ koranar bwa koojen be. N chwerɔ dɛɛ tɛ sɔfo Ɛsra haa ɛ chicha, dɛɛ baɡle Korowii Waa Dɛ Di Kora Nyundua la Mmarare. N dɛ nae.

Ɛsra 7:12 ပူးပေါင်းရင်းမြစ်များ

1 Koranar 20:1

Siiria Kooro Bɛn Hadad boa o laa tena bwa nyoa, dɛ koranar fifraatoro dɛ banɛ, ne ba jaɡre ne torɔɡore baa vɔwɛ jaɡre pɛla. Ba laŋɔ ka chɔ bar Samaria tena ba ne ba yo.

1 Koranar 4:24

Yufretis Moo wee cholibɔr harɛ bwa taa Solomɔn di kora. Le Tifsa teŋe kaa wee cholibɔr ka tel Bwɛjen Gasa, dɛ deŋnesɔɔhna lɔ harɛ la bwa ta.

Ɛsra 1:2

O ŋɔ, “Waa men Pɛɛsea Koojen aa dɛ bol laanee kɛŋɔ, ‘Korowii Waa Dɛ Di Kora Nyundua laanee cheɡ mɛ kora harɛre nɛra bwa nɛ, dɛ berɛ lee mɛ ŋɔ ń ma o Dea tɛo Jerusalam waa lɔ Juda harɛ ta.

Ɛsra 4:17

Ate, koojen la chaŋe ŋɔ, “Tɔn nɔ dɛ ba Rehum waa ɛ nomoa dɛɛ nyiŋi harɛ la bampera, ne Simsai waa ɛ karake dɛ chwerɛ waa dɛɛ bil, dɛ nɛra baa ja ba nɛ, dɛ so bwɛjen Samaria ne Yufretis Moo wee cholibɔr baŋ pera bobɛlbwa kɛŋɔ, n dɛ na ba.

Ɛsra 7:1

Anɔ bwa habɔɔ, ɡɛ saŋ Koojen Atasɛksɛs aa di kora Pɛɛsea harɛ ta la, dɛ baa bɛl lole baa yerɔ Ɛsra. O mɛɛ sɔne Seraya, Seraya ɡe mɛɛ Asaria, asɛ Asaria ɡe mɛɛ sɔne Hilkia.

Ɛsra 7:11

Koojen Atasɛksɛs chwerɛ waa aa teŋa nɔ tɛ sɔfo Ɛsra waa bera ɛ chicha dɛ jemɛ Korowii Mmarare ne waa waa do Israel tena a ta la bini kɛrɛdɛ.

Ɛsra 7:6

A ɡɛ Ɛsra nɔ ɛ sɔfo dɛ le Babelɔn ba. Dɛ o ɛ chicha ɡe, dɛ jemɛ mmarare Korowii Israel tena aa dɛ tomɔ aa kpɔa tɛ Mosis la kɛrɛdɛ, dɛɛ baɡla. Komɛlbwa waa bɔɔ le koojen be la, o dɛ tɛo, dɛkalkɛ Korowii waa dɛ tomɔ la nɔn dawɛ o nɛ.

Aesaya 10:8

O dɛ maŋkura o te ŋɔ, ‘N laa sitɔɔla bwa ɛ koranar!

Ɛsekeɛl 26:7

Nemenɛ Korowii ŋɔ, “Mɛɛ ɡeloo Babelɔn Kooro Nebukadnesa waa ɛ koranar bwa koojen bá yo Taaya tena. O ne o laa tena ɛɛ warɔɔ le weekaŋle nyunduabɔr, bane valɛ, bane so jaɡre ne kwaa aa do kɛ torɔɡore baa vɔwa pɛl jaɡre ta, dɛ́ ba yoo ba.

Daneɛl 2:37

N naa kooro, he ɛ koranar bwa kooro. Korowii Waa Dɛ Di Kora Nyundua ɛɛ koojen dɛ ɡel he do kan, dɛ tɛɛ kpeɡri ne jirima.

Daneɛl 2:47

Kooro la ŋɔ Daneɛl be ŋɔ, “Kasinteŋ, Korowii haa dɛ tomɔ la ɛ Dɔɔranar bwa Dɔɔ, ne Koranar Bwa Kooro dɛ ɡela nɛra won dɛɛ na chaahna dɛ won a mun baɡla, dɛkalkɛ he wono baɡle waa aa sɔah nɔ mun.”

1 Timoti 6:15

Dɛ o tɔpere baa telaa, Korowii ɛɛ ɡeloo ó berɛ ba. Korowiirii chɛ kpɛɛra. O ɡboo ɛ komɛlbwa nyu. Koranar Bwa Kooroo on, asɛ dɔɔranar bwa ɡe Dɔɔree on.

Wepila 17:14

Ba ne Pebie la ɛɛ yo laalee, ásɛ Pebie la ne nɛra waa lee ba, dɛ kpɔ ba teŋɛ o nɛɛ ba waa dɔ kasinteŋ la pɔ ba nɛ, dɛkalkɛŋɔ onee Dɔɔranar Bwa Dɔɔ dɛ ɛ Koranar Bwa Kooro.”

Wepila 19:16

Sɔn bɛl dawɛ o yal ne o hwii ta. Gɛ sɔn laanee koranar bwa kooro ne dɔɔranar bwa dɔɔ.