Ɛsra 6:9 - mzwDBL

⁹ Tɔpere bɛlbwa a chɛ kɛ hé nyiŋi dɛɛ tɛ sɔfore baa lɔ Jerusalam kwaa baa dɛ nyin, dɛ́ kpɔ tɛɛ ba. Nabali ne peera, dɛ pebiiri baa fuh ɛ sarahare tɛ Korowii Waa Dɛ Di Kora Nyundua, ne jaaɡe ne yar ne sen dɛ ɔleve no. He bɛ ban dɛɛ vɔmɛ,

Ɛsra 6:9 ပူးပေါင်းရင်းမြစ်များ

1 Webena 9:29

Ba bini bane ɡe, Boɡoroŋ la bini kwaara ne laala aa kaa dɛ do bela la lɔ ba nɔn ta. Dɛ kwaane kɛŋɔ men aa kpera kɛrɛdɛ, ne sen ne ɔleve no ne daawiile a sɔɔh aa soma, dɛ konsɔɔhsoma.

Ɛsra 6:10

ɡɛ aa ɛ ásɛ ba won dɛɛ ɛ sarahare aa dɛɛ su Korowii Waa Dɛ Di Kora Nyundua siwi, dɛ́ soŋe tɛ kooro ne o bibaala ɡe.

Ɛsra 6:8

N dɛ do heyaa kɛŋɔ hé cha ba, ásɛ ba won mao. Hé kpɔ suuɡa aa le Yufretis Moo wee cholibɔr harɛ baa bɔa dɛɛ do kara mun la, dɛɛ bɔ Dea la toma bɛlbwa kem, ɡɛ aa ɛ toma la bɛ ba ka che.

Aesaya 49:23

Koranar ɛɛ kpɔ heyaa berɛ ba bii, ásɛ ba haŋkoranar ɡe berɛ he nyare. Baa dɛɛ ɡuŋi heyaa harɛɛ, dɛ́ kpɔ duure tɛ he ya. Belaa hɛɛ ba jema kɛŋɔ menee Korowii. Nɛra baa kpɔ hwɛɡa dawɛ n nɛɛ la, sihiih aa ban kpo bwa.”

Lewi Dea Tena 1:10

Dɛ nomɛlbwa saraha kon ɛ kondɛɛre kɛŋɔ pee, kɛɛ booh naa, o ɛ ombal waa wola kirihiah bɛlbwa dii.

Lewi Dea Tena 9:2

Mosis ŋɔ Arɔn be ŋɔ, “Lawɛ nabale ne pebal a bini bɛlbwa aa wola kirihiah dii ba Korowii sie. Ásɛ nao la ɛ wechɔɡa kpɔe dɛ kɛ saraha kon, ásɛ pee la ɡe hé kpɔ ɛ saraha baa fuuh.

Amanesoma Mak Aa Chwera Tɔn 9:49

Anomanta, Korowii ɛɛ kpɔ niinii ɛ nɛra bwa kɛŋɔ ba yon kpɔ yar merɛ kwaa ta la.