Ɛsra 6:18 - mzwDBL

¹⁸ Ba bɔne sɔfore ne Lewi dea tena la bini ɡɛ bɛlbwa toma aa doa Korowii Dea waa lɔ Jerusalam la bini, ɡɛ baa chwera do Mosis Tɔn bini la.

Ɛsra 6:18 ပူးပေါင်းရင်းမြစ်များ

1 Webena 24:1

Kenii Arɔn bibaala ne o naanar waa do. O bibaalaa, Nadab ne Abihu ne Eliasa dɛ Itama.

1 Webena 24:24

Usiel bibaa, Maeka. Maeka ɡe bibaala, Samir.

1 Webena 25:1

Kooro Devid ne o laa nomonome le Asaf bibaala Heman ne Jedutun baa bol Korowii wa, dɛɛ lɔ janjela ne kwaa anɛ ane baa kpɔ ayaawa ɛa dɛɛ hɛlɛ dɛɛ ɡo yela. Nɛra baa jaa dɛɛ ɛ a ɡɛ toma nɔ laanee teŋa nɔ.

2 Webena 35:10

Baa ɛ wobɛlbwa tonɛ, dɛ pa Galekaa Tɔpejen la dii mun la, sɔfore ne Lewi dea tena la kaa che ba chebɔra ɡɛ Kooro Josia aa ŋɔa la.

2 Webena 7:6

Baa taa kpɔ Dea la dɛɛ do Korowii nɔn ta la, sɔfore kaa che ba chebɔr, Lewi dea tena ka che ba chebɔr, dɛ kpɔ kwaa baa kpɔa dɛɛ hɛlɛ Kooro Devid aa kpɔa tɛ la, dɛ ɡo kpɛɛra yela dɛɛ kpɛɛ Korowii ŋɔ, “O nyina waa dɛ nyin yaa lole saŋ bɛlbwa dɛɛ la.” Gɛ Kooro Devid aa do ba la. Sɔfore la sie chaɡɛ Lewi dea tena dɛɛ hoh bɛle, asɛ nɛra la kabora ɡe che.

Nɛra Kura 3:6

“Kpɔ Lewi dea tena ka tɛ sɔfo Arɔn, ásɛ ba ja o nɛɛ dɛɛ cha sɔfore toma.

Nɛra Kura 3:9

Kpɔ Lewi dea tena la tɛ Arɔn ne o bibaala báa cha ba. Israel tena bini, ba ɡboo chɛ kɛ bá kpɔ ba te dɛɛ ɛ o toma.