Ɛsra 6:17 - mzwDBL

¹⁷ Dea la kpɔe dɛ do Korowii nɔn ta la, ba kpɔ nabala lafa ne pebala lafraanɛ, dɛ pebali lafraanaarɛ ɛ sarahare, dɛ berɛ kpɔ bombala fi dɛ anɛ, bɛlbwa che tɛ Israel deene fi dɛ anɛ la, dɛ kpɔ ɛ wechɔɡa kpɔe dɛ kɛ saraha tɛ Israel tena bwa.

Ɛsra 6:17 ပူးပေါင်းရင်းမြစ်များ

1 Koranar 18:31

Elaeja pa bwea fi dɛ anɛ, bɛlbwa che tɛ Jekɔb bii fi dɛ banɛ baa cheɡa tɛ Israel deene la. Dɛ Korowiirii pa Jekɔb sɔn Israel.

1 Koranar 8:62

Belaa Kooro Solomɔn ne Israel tena baa ja o nɛɛ la bwa ɛ deŋnesɔɔhna sarahare Korowii sie bela.

2 Webena 29:24

Asɛ sɔfore la kpoo boohna la, dɛ ɛ a chal ba merɛ kon baa ɛ saraha dɛɛ tɛ Korowii o ta la ta, dɛ kpɔ soŋe Israel tena bwa wechɔɡa Korowii be, dɛkalkɛŋɔ kooro laanee do ba ŋɔ bá fuh kwaa ɛ saraha ne wechɔɡa kpɔe dɛ kɛ sarahare la tɛ Israel tena bwa.

2 Webena 7:5

Kooro Solomɔn kpɔ nae kaɡboŋa fifraanɛ dɛ anɛ, ne peera dɛ boohna kaɡboŋa lafa fifraanɛ ɛ deŋnesɔɔhna sarahare tɛ Korowii. Gɛɛ Kooro Solomɔn ne Israel tena bwa ɛ, dɛ kpɔ Dea la do Korowii nɔn ta.

Ɛsra 8:35

Nɛra baa laɡ ba kaa bojaŋ harɛ ta aa le bela ba la, ba kpɔ saraha kwaa ba ba fuh tɛ Korowii Israel tena aa dɛ tomɔ. Ba kpɔ nabala fi dɛ anɛ tɛ Israel harɛ tena bwa, pebala fifraanuanaarɛ dɛ anumɛl ne pebali fifraanuanɛ dɛ anuanɛ, asɛ dɛ kpɔ bombala fi dɛ anɛ ɡe ɛ wechɔɡa kpɔe dɛ kɛ saraha soŋe ba wechɔɡa. Ba fuh ɡɛ kwaa nɔ bwa ɛ saraha tɛ Korowii.

Lewi Dea Tena 4:28

Dɛ o berɔ ba na kɛ o ɛ wechɔɡa aa, a chɛ kɛ o lawɛ bohnee waa wola kirihiah bɛlbwa dii ba ɛ saraha o wechɔɡa la wa.

Lewi Dea Tena 4:3

Dɛ Sɔfonomoa ɛa aa, o ɡelɔ nɛra la bwa di bolchɔɡe. A chɛ kɛŋɔ ó lawɛ nabal waa wola kirihiah bɛlbwa dii, dɛ́ kpɔ ɛ wechɔɡa kpɔe dɛ kɛ saraha tɛ mɛ o wechɔɡa la wa.

Amanesoma Luk Aa Chwera Tɔn 22:30

N ne hɛɛ pɛ nɔnee di kwaa n kora ta, ásɛ he so kookane ta dɛ bol Israel deene fi dɛ anɛ la bwa waa dɛ́ pa ba bole.”

Wepila 21:12

Danjwɛjen bɛl waa kpeɡa kohona baro cheme. O doonyoone lɔ fi dɛ anɛ, asɛ nyundua toroma fi dɛ banɛ ɡe cheche a ta. Ba chwerɛ Israel deene fi dɛ anɛ la sɔna dawɛ doonyoone la ta.