Ɛsra 6:16 - mzwDBL

¹⁶ Belaa Israel tena bwa, sɔfore ne Lewi dea tena, dɛ nɛra baa kaa dɛ le bojaŋ harɛ, dɛ berɛ ba la bwa kpɔ silɛɛ kohona, dɛ kpɔ Dea la do Korowii nɔn ta.

Ɛsra 6:16 ပူးပေါင်းရင်းမြစ်များ

2 Webena 7:5

Kooro Solomɔn kpɔ nae kaɡboŋa fifraanɛ dɛ anɛ, ne peera dɛ boohna kaɡboŋa lafa fifraanɛ ɛ deŋnesɔɔhna sarahare tɛ Korowii. Gɛɛ Kooro Solomɔn ne Israel tena bwa ɛ, dɛ kpɔ Dea la do Korowii nɔn ta.

1 Koranar 8:63

Kooro Solomɔn kpɔ nae kaɡboŋa fifraanɛ dɛ anɛ, ne peera dɛ boohna kaɡboŋa lafa fifraanɛ ɛ deŋnesɔɔhna sarahare tɛ Korowii. Gɛɛ Kooro Solomɔn ne Israel tena bwa ɛ dɛ kpɔ Dea la do Korowii nɔn ta.

Felepae 4:4

Hé che pɛɛ he ne ya Dɔɔ aa pɛa la ta dɛ́ ɡel he sie lɛ. Kasinteŋ, hé ɡel he sie lɛ.

Amanesoma Jɔn Aa Chwera Tɔn 10:22

Dɛ alalawo saŋee, asɛ baa di tɔpejen bɛl ba kpɔ Korowii Dea dɛɛ do o nɔn ta Jerusalam.

Yela 122:1

N sie lɛo kɛ baa ŋɔ n be ŋɔ, “Ir ya la Korowii Dea.”

Ɛsra 6:22

Ba di Paanoo Iisi Aa Wola Toole A Ta Tɔpejen tɔpera anuanɛ silɛɛ ne, dɛkalkɛŋɔ Korowii charɛ Asiiria koojen liire, o won cha ba ba ma Korowii Israel tena aa dɛ tomɔ Dea la.

Nehemia 7:73

Sɔfore ne Lewi dea tena ne nɛra baa dɛ daah Korowii Dea doonyoo, ne yelɡoola ne bonɔɔna baa dɛ ɛ toma Korowii Dea, ne nɛra la bane, dɛ Israel tena baa kaa la bwa kaa so ba bwɛɛre ta.

Ɛsra 4:1

Juda ne Bɛnjamen tena dɔma noɔ kɛŋɔ Israel tena baa laɡ ba kaa bojaŋ harɛfale ta la berɔ ba, dɛ berɛ baa do Korowii Israel tena aa dɛ tomɔ la Korowii Dea.

2 Webena 30:26

Silɛɛ kohona ba Jerusalam, dɛkalkɛ, le Kooro Devid bibaa Kooro Solomɔn aa di kora Israel harɛ ta bwa, a ɡɛ waa nɔ dɔŋa ta chiɡe bwa.

2 Webena 30:23

Nɛra la bwa sɛoh kɛŋɔ ba berɛ di tɔpejen la tɔpera anuanɛ ja. Anomanta, ba berɔ di tɔpejen la tɔpera anuanɛ silɛɛ ne ja.

1 Webena 15:28

Gɛɛ Israel tena bwa kpɔ silɛɛ lɔŋɔre teŋɛ Korowii Ne Nɛwɛnyina Fɔo Daka la nɛɛ ba Jerusalam. Dɛɛ hoh pebal nyeɡle bɛle, ne bɛle tenten ne kwaa anɛ ane baa kpɔ ayaawa ɛa dɛɛ hɛlɛ, dɛ janjelare dɛɛ lɔ yela.

1 Webena 9:2

Nɛra baa tɔ sie dɛ berɛ ba so ba ɡbaɡba deremi ta ne ba bwɛɛre ta laanee, Israel tena la bini bane ne sɔfore ne Lewi dea tena, dɛ bonɔɔna baa dɛ ɛ Korowii Dea toma.

Mmarare 12:7

Korowii sie belaa he ne he dem tena ɛɛ ba kwaa dii, dɛ́ɛ lɛ sie toma haa dɛ tomɔ nɔ wa.

Nehemia 12:43

Awola tɔpere la, ba kpoo kwaa warɛ ɛ sarahare, dɛɛ hɛɡre, dɛkalkɛŋɔ Korowii ɡelɔ ba dɔ silɛɛ kohona. Haahna ne bechale ɡe sie lɛo, nɛra la silɛɛ ɡbɔɡa ɛɛ la bojaŋa bwa.

Nehemia 8:10

Nehemia ŋɔ nɛra la be ŋɔ, “Hé kaa dem, dɛ́ ka di he silɛɛ kondikwa, dɛ́ nyɔ sensoma, ásɛ dɛ kpɔ ane ka tɛ banɔ la baa wola ane dɔe. Fini tɔpere nɔ do ɡoroŋ tɛ Korowii yaa dɛ tomɔ. He bɛ suna di, dɛkalkɛ silɛɛ Korowii aa tɛ heyaa la ɛɛ ɡeloo he dɔ bokpeɡa.”

1 Koranar 8:62

Belaa Kooro Solomɔn ne Israel tena baa ja o nɛɛ la bwa ɛ deŋnesɔɔhna sarahare Korowii sie bela.

Daneɛl 5:13

Anomanta, ba laŋɔ ka kpɔ Daneɛl ba kooro sie, asɛ o pɛɛro ŋɔ, “Henee Daneɛl, haa ja nɛra n mɛɛ Kooro Nebukadnesa aa laɡ ba le Juda harɛ ta dɛ ba Babelɔn nɛɛ la aa?

2 Webena 29:30

Kooro Hɛsɛkea ne o nomonome ŋɔ Lewi dea tena be ŋɔ, bá kpɔ yela Kooro Devid ne o keame Asaf waa dɛ na chaahna aa chwera la kpɛɛ Korowii. Anomanta, ba ɡo kpɛɛra yela silɛɛ ne, dɛ ɡuŋi tomɛ Korowii.

Nehemia 12:27

Baa dɛ ba bwɛjen Jerusalam danjwɛɛ baa maa baro kpɔe dɛ́ do Korowii nɔn ta la, ba yerɛ Lewi dea tena le bobɛlbwa baa soɡa ba. Asɛ ba ba ja, dɛ ɡo jam yela, dɛ kpɔ kwaa bwa soo siwi baa kpɔa dɛɛ hɛlɛ lɔ yela lɛ ba sie.