Ɛsra 5:8 - mzwDBL

⁸ N naa kooro, ya dɛ nyin he jemɛ kɛŋɔ ya la Juu tena harɛ ta, bela Korowii waa kana la Dea aa lole ba berɛ kwaa dɛɛ mao la. Bwejena nee baa mao, dɛ kpɔ dadɛɛɡa dawɛ o danjwɛɛre ta. Ba toma ɛɛ wer, dɛɛ kaa wɔrɔbe nɛ, ɡɛ baa chaɡ ba la.

Ɛsra 5:8 ပူးပေါင်းရင်းမြစ်များ

Ɛsra 2:1

Nɛra Babelɔn Koojen Nebukadnesa aa laɡ ba laa ta kaa bojaŋ harɛ Babelɔn, asɛ ba berɛ won ba Jerusalam ne Juda harɛ ta, dɛ ba so ba bwɛɛre ta laanee teŋa nɔ,

Ɛsra 5:7

Kenii tɔn la bini wa ɛɛ baɡle. “Tɔn nɔ dɛ ba Koojen Dareɔs be, Korowii ɡel he nyiŋi he nɛra nɛɛ deŋnesɔɔhna ne.

Ɛsra 5:9

Ya bɔɔ ba nomonome ŋɔ, ‘Umee tɛ heyaa ŋwɛnɛ ŋɔ he berɛ kwaa ma Korowii Dea nɔɔ?’

Ɛsra 6:10

ɡɛ aa ɛ ásɛ ba won dɛɛ ɛ sarahare aa dɛɛ su Korowii Waa Dɛ Di Kora Nyundua siwi, dɛ́ soŋe tɛ kooro ne o bibaala ɡe.

Ɛsra 6:4

Ba kpɔ bwea atoro ma chɔŋɛ ɛ o danjwɛɛre ta bar aa, dɛ ba kpɔ dola dawɛ a ta. Koodem bela suuɡaa bá kpɔ bɔ a kem.

Ɛsra 7:23

Komɛlbwa Korowii Waa Dɛ Di Kora Nyundua aa baɡla la, hé nyiŋi kɛrɛdɛ dɛ́ ɡel á ɛ ɡɛ aa chɛa tɛo o Dea bela. Ásɛ o baah bɛ n nɛɛ kɛɛ kooro bɛlbwa waa ba di kora n habɔɔ nɛɛ di.

Nehemia 11:3

Nɛra la bini bane baa soɡe bwɛɛre ne bwɛjena ta laanee, Israel tena la bini bane, ne sɔfore ne Lewi dea tena, ne bonɔɔna baa dɛ ɛ toma Korowii Dea. Dɛ Kooro Solomɔn bonɔɔna naanar soɡe Juda bwɛɛre ane ta. Bɛlbwa kaa so o ɡbaɡba bwɛɛ waa le o ta,

Nehemia 7:6

Nɛra Babelɔn Koojen Nebukadnesa aa laɡ ba laa ta kaa bojaŋ harɛ Babelɔn, asɛ ba berɛ won ba Jerusalam ne Juda harɛ ta, dɛ ba so ba bwɛɛre ta laanee teŋa nɔ.

Ɛsta 1:1

Waa aa chiɡ Koojen Sɛksɛs bere saŋ, ɡɛ saŋ waa di kora Pɛɛsea harɛ ta laanee nɔ. Dɛ o dɛ nyiŋi harɛre lafa fifraanɛ dɛ anuanɛ ta, le India harɛ dɛ́ kpoŋe ba kaa Itiopia harɛ ta.

Ɛsta 1:22

O ɡelɔ ba kpɔ mmara la kaa harɛre waa dɛ di kora a ta la bwa ta. Ba chwerɔ tɛ harɛ bɛlbwa tena, ɡɛ ba chwera ne ba wobol aa doa, kɛŋɔ baa bɛlbwa ɛɛ di nomonome o dem.

Yela 145:3

N Naa Korowii, he kan dɛ chɛ kpɛɛra. He kan haa doa ɡwaa nɛwɛnyina liire ta.

Daneɛl 2:47

Kooro la ŋɔ Daneɛl be ŋɔ, “Kasinteŋ, Korowii haa dɛ tomɔ la ɛ Dɔɔranar bwa Dɔɔ, ne Koranar Bwa Kooro dɛ ɡela nɛra won dɛɛ na chaahna dɛ won a mun baɡla, dɛkalkɛ he wono baɡle waa aa sɔah nɔ mun.”

Daneɛl 3:26

Ate, Kooro Nebukadnesa ka che bɛne fononoo nijena la nyoa bɔr, dɛ kpɔ takpeɡ yerɛ ŋɔ, “Nemenɛ Korowii bonɔɔna Sadrak ne Mesak dɛ Abɛdnɛɡo, hé le nii la ta ba!” Buɡ la ta, ba den le ba che.

Daneɛl 4:2

N sie lɛo kohona kɛŋɔ ń bol nyokpowaa ne we-ɛɛla Nemenɛ Korowii aa ɛa tɛ mɛ.

Daneɛl 6:26

N do mmara harɛ maa dɛ di kora o ta la kɛŋɔ, nomɛlbwa ɛɛ ɔmɛ dɛɛ duu Korowii Daneɛl aa dɛ tomɔ la. O ɛ Korowii waa lole saŋ bɛlbwa, o lole saŋ bɛlbwa dɛɛ la. O kora aa ɡu bwa, o kpeɡri waa dɔa ta jaɡa dɔe.

Mmarare 10:17

Korowii haa dɛ tomɔ nɔ ɡwaa voɡa bwa, onee dɔɔranar bwa Dɔɔ, O kan, o waa do ɔma kohona. Waa nɛn siebɔr nyiŋi, haa won yawɔ sen ɡe.

Mmarare 32:31

He dɔma jemɔ kɛŋɔ he voɡa ta voɡa ɛɛ, a ta doe kɛŋɔ Korowii waa do kɛ Bwetal Israel tena aa dɛ tomɔ nɔ.