Ɛsra 4:6 - mzwDBL

⁶ Koojen Sɛksɛs kora dii mumpar la, ba dɔma la chwerɛ waa yaɡɛ Juda ne Jerusalam tena.

Ɛsra 4:6 ပူးပေါင်းရင်းမြစ်များ

Mumpar 26:21

Belaa ba berɛ kwi onfale, asɛ ba yo o ɡe waa ja. Anee o pa o sɔn Sitna. O munii nɛn nɛɛ cheɡa.

Ɛsra 4:5

Ba yawɛ Pɛɛsea harɛ nomonome sen ŋɔ bá chɔɡ vɔrɔwa bɛlbwa baa dɛ vɔrɔwe Dea la toma wa, dɛ le Pɛɛsea Koojena Saeros ne Dareɔs kora dii saŋ bwa.

Ɛsta 1:1

Waa aa chiɡ Koojen Sɛksɛs bere saŋ, ɡɛ saŋ waa di kora Pɛɛsea harɛ ta laanee nɔ. Dɛ o dɛ nyiŋi harɛre lafa fifraanɛ dɛ anuanɛ ta, le India harɛ dɛ́ kpoŋe ba kaa Itiopia harɛ ta.

Ɛsta 1:10

Tɔpenuanɛ wee kooro aa nyɔ sen dɛ dɛɛ la, o yerɛ o bonɔɔna baa fɔɡɛ ba lure baa tomɔ la cheme. Banee, Mehuman ne Bista ne Haabona, ne Biɡta ne Abaɡta ne Sɛta, dɛ Kaakas.

Ɛsta 2:16

Kooro Sɛksɛs kora dii bene anuanɛ Tɛbɛt korobie taa a tel kɛŋɔ Ɛsta la kooro be o koodem.

Ɛsta 3:8

Belaa Heeman la ka ŋɔ Kooro Sɛksɛs be ŋɔ, “N naa kooro, nɛra bane perɛ he kora harɛre la ta bobɛlbwa. Ba we-ɛɛla korɛ nɛra bwa we-ɛɛla ta. Baa he kora mmarare ɡe ta teŋɛ, anomanta, dɛ he le ba ne naa, a fe wer.

Daneɛl 11:2

Nyundua torome Maekel waa dɛ daah Israel harɛ la ŋɔ, “Namee mɛɛ ba kasinteŋ la he be bola. Koranar batoro ɛɛ ir Pɛɛsea harɛ taa, ásɛ naarɛte ɡe ba dɛ́ ba dɔ suuɡa ɡwaa banɔ la bwa. O baa dɔ kpeɡri dɛ le o kondɔɔh la ta naa, wɛɛ di nomɛlbwa liiree ba yo Grik tena harɛ kooro.

Daneɛl 9:1

Kooro Dareɔs waa ɛ Midia te, di kora Babelɔn harɛ ta. Dɛ o mɛɛ sɔne Sɛksɛs.

Matiu 27:37

Ba chwerɛ o wechɔɡa waa ɛa ba koh a waa kpoo la pɛl o daɡaɡre la ta o nyundua. A ɡɛ waa laanee, yeesu, juu tena kooroo nɔ.

We-ɛɛla 24:13

Ba ta danseɛ bɛlbwa dɔe dɛ́ chaɡle kɛ n ɛ waa nɔ bɛlbwa baa kpɔa dɛɛ daɡ mɛ nɔ.

We-ɛɛla 25:7

Pɔɔl aa bala la, Juu tena baa le Jerusalam la baa che o jwɛɛh dɛ bol waa aa wola were dawɛ o nɛ. Kɛ ane a bwa, ba ta wone dɔ wobɛlbwa dɛ chaɡle kɛ ba waa la ɛ kasinteŋ.

Wepila 12:10

N berɔ no takpeɡ bɛl Korowii doa o ŋɔ, “Taraken N Naa Korowii lɛɛ waa dɛ ba dɛ́ ba lɛ nɛra la telo. O kpeɡri ne o kora dii saŋ telo. Taraken o Kristo waa tomɔ ó ba lɛ yaa la lɛ kpeɡri dɛɛ di, dɛkalkɛŋɔ naate waa chɔɡ yabala dɛɛ tɛ Korowii saŋ bɛlbwa la, Korowii kpɔɔ ta.