Ɛsra 4:23 - mzwDBL

²³ Baa kure Kooro Atasɛksɛs tɔn la waa baɡle Rehum ne Simsai dɛ nɛra baa ja o nɛɛ la, ba ɛ warane la Jerusalam dɛ ka ŋɔ Juu tena la be ŋɔ bá ɡel Dea la toma ɛɛ.

Ɛsra 4:23 ပူးပေါင်းရင်းမြစ်များ

Ɛsra 4:17

Ate, koojen la chaŋe ŋɔ, “Tɔn nɔ dɛ ba Rehum waa ɛ nomoa dɛɛ nyiŋi harɛ la bampera, ne Simsai waa ɛ karake dɛ chwerɛ waa dɛɛ bil, dɛ nɛra baa ja ba nɛ, dɛ so bwɛjen Samaria ne Yufretis Moo wee cholibɔr baŋ pera bobɛlbwa kɛŋɔ, n dɛ na ba.

Ɛsra 4:22

Nyiŋi kɛrɛdɛ dɛ bɛ waa nɔ vɛh, ásɛ a ba chɔɡ n liire maa dɔa Jerusalam tena nɛɛ la ta.”

Ɛsra 4:24

Anomanta, ba ɡelɔ Korowii Dea la toma ka che, ka tel kɛŋɔ Koojen Dareɔs aa baa di kora Pɛɛsea harɛ bene anɛ ta.

Ɛsra 4:7

A habɔɔ, Koojen Atasɛksɛs aa baa di kora Pɛɛsea harɛ ta la, baala bane baa dɛ yer ba Bislam ne Mitredat, ne Tabeel dɛ nɛra baa ja ba nɛ chwerɛ tɔn ka tɛ Koojen Atasɛksɛs. Aram tena wobol taa ba chwera, asɛ nɛn waa kure la, ó baɡle a mun.

Sɛɡla 4:16

Gɛ nɛra la aa won chɔ, dɛ ba ta wechɔɡa ɛɛ, baa won haŋre, dɛ ba ta wechɔɡa dii.

Maeka 2:1

Nɛra baa dɛ vɔrɔwe wechɔɡa, dɛ chɔ ba chɔɔbɔra dɛɛ vɔrɔwe wedoŋa la, bá bwɛɛlɛ. Tɔɔ perɔ chɔɔ aa, dɛ ba ɛ ba wechɔɡa la, dɛkalkɛ kpeɡri baa dɔa nomanta, bɛlbwa aa won tɔ ba ŋwɛnɛ.

Tɔn Pɔɔl Aa Chwerɛ Rom Tena 3:15

Ba ɡbaŋre nɛŋkpoa waa ta.