Ɛsra 4:15 - mzwDBL

¹⁵ ásɛ he nyiŋi koranar baa tɔ he sie di kara la tɔne bini, hɛɛ nao kɛŋɔ Jerusalam ɛ deŋnekpeɡ tena bwɛ, dɛɛ ha ba koranar ne harɛ nomonome. Deŋnekpeɡ tena lɔ o ta le saŋ la bwa. A waa o fa chɔɡ la.

Ɛsra 4:15 ပူးပေါင်းရင်းမြစ်များ

2 Koranar 24:20

Korowii baah di Jerusalam ne Juda harɛ nɛra nɛɛ kohona, anomanta, o doŋ ba le o sie. Kooro Sedekia baa ɛ Babelɔn kooro deŋnekpeɡ.

2 Koranar 25:4

Babelɔn laa tena la kuuɡi danjwɛɛ waa bar Jerusalam la. Kooro Sedekia ne Jerusalam laa tena kpɔ doonyoa bɛl waa chɔ danjwɛɛre anɛ baah ta, ba kpɔ bela dɛɛ kaa kooro bodɛɛɡe waa du daa ta, dɛ le kpɔ sie chaɡɛ kaa Jɔɔdan Fɛlembɔjen ta jwaana,

Ɛsra 4:12

N naa kooro, ya dɛ nyin he jemɛ kɛŋɔ Juu tena baa le he harɛre ta dɛ ba la kaa Jerusalam, dɛ berɛ ka kwaa dɛɛ ma deŋnekpeɡ ne nyubinikpeɡ tena bwɛjen la ja. Ba kwaarɔ dɛɛ ma o danjwɛɛre, dɛɛ kwaa a mune la ɡe.

Ɛsra 4:14

Yaa lɔ he lɔɡa nɔ, yaa nyin kɛŋɔ sihiih ba kpoe haa wola duuree dɔ, anomanta, ya kpɔ kala nɔ dɛɛ tɛɛ,

Ɛsra 4:16

Ya ɡelɔ hɛɛ jemɛ kɛŋɔ, dɛ ba wono ma bwɛjen nɔ ne o danjwɛɛre tonaa, haa won di kpeɡri bɛlbwa harɛre aa chɔ Yufretis Moo wee cholibɔr harɛre nɛra nɛɛ kpa.”

Nehemia 2:19

Asɛ Sanbalat waa ɛ Hɔrɔn te, ne Tobia waa ɛ Amɔn tena nomonome la bini bɛl, dɛ Gɛsem o ɡe aa ɛ Arab te noɔ, asɛ ba mamɛ dɛɛ muɡli ya baah ŋɔ, “Bɔkwa waa hɛɛ ɛ nɔɔ? Koojenii hɛɛ ba deŋnekpeɡ ɛɛ la.”

Nehemia 6:6

Gɛ o bini waa aa dɛ baɡle laanee nɔ. “Gɛsem ŋɔ men Sanbalat be ŋɔ, harɛre nɛra dɛ bol ŋɔ he ne Juu tena dɛ nyin he pere he te, a waa he berɛ kwaa dɛɛ ma danjwɛɛ la. Anɔ la aa jaa ɡee kɛŋɔ, he berɔ dɛɛ nyin he cheɡ he ɡbaɡba kora ta.

Ɛsta 2:23

Kooro ɡelɔ ba nyiŋi waa la bini, asɛ dɛ na kɛŋɔ a ɛ kasinteŋ, dɛ ɡel ba saɡɛ ɡɛ nɛra banɛ la. O ɡelɔ ba chwerɛ ɡɛ waa la do Koojen Sɛksɛs harɛ waa dɛ di kora o ta la waa tɔn bini.