Ɛsra 4:12 - mzwDBL

¹² N naa kooro, ya dɛ nyin he jemɛ kɛŋɔ Juu tena baa le he harɛre ta dɛ ba la kaa Jerusalam, dɛ berɛ ka kwaa dɛɛ ma deŋnekpeɡ ne nyubinikpeɡ tena bwɛjen la ja. Ba kwaarɔ dɛɛ ma o danjwɛɛre, dɛɛ kwaa a mune la ɡe.

Ɛsra 4:12 ပူးပေါင်းရင်းမြစ်များ

2 Koranar 18:20

O ŋɔ, “He dɛ lii kɛŋɔ nyoa wobol do kɛ wejema, ne kpeɡri ba kpɔ dɛɛ yo laa kɛɛ? Ume nɛɛ he kpɔ he te dawɛ, dɛ ɛɛ mɛ dɔm nɔɔ?

2 Koranar 24:1

Kooro Jehoiakim kora dii saŋ, Babelɔn Kooro Nebukadnesa kpɔ o laa tena dɛ ka lɛ Juda harɛ dɔɔh, asɛ Kooro Jehoiakim do o lɔɡa bene atoro dɛɛ tomɔ. Kɛ o berɔ le Kooro Nebukadnesa habɔɔ.

2 Webena 36:13

Kooro Sedekia berɔ ɛ Kooro Nebukadnesa waa ɡela o ŋwɛɛ Korowii sɔn ta ŋɔ, wɛɛ kpɔ o tenee do o lɔɡa la deŋnekpeɡ. O taŋ deŋne, o ta o liire charɛ dɛ ba Korowii Israel tena aa dɛ tomɔ la be.

Ɛsra 4:11

Waa aa teŋa nɔɔ ba chwera do tɔn bini. “Tɔn nɔ dɛ ba Koojen Atasɛksɛs be, dɛ le he bonɔɔna baa soɡe Yufretis Moo wee cholibɔr la be. Ya dɛ nae kohona.

Ɛsra 4:15

ásɛ he nyiŋi koranar baa tɔ he sie di kara la tɔne bini, hɛɛ nao kɛŋɔ Jerusalam ɛ deŋnekpeɡ tena bwɛ, dɛɛ ha ba koranar ne harɛ nomonome. Deŋnekpeɡ tena lɔ o ta le saŋ la bwa. A waa o fa chɔɡ la.

Ɛsra 4:19

N le nɛra ŋɔ bá nyiŋi tɔne bini, asɛ ba na kɛŋɔ, le saŋ la bwaa Jerusalam tena le dɛ le ba koranar habɔɔ, a che a ta deŋnekpeɡ ne wesaɡasaɡare su o ta.

Ɛsra 5:3

Gɛ saŋ la, Tatenai waa ɛ nomoa dɛɛ nyiŋi Yufretis Moo harɛ baŋ ne Sɛta Bosenai, dɛ nɛra baa ja ba nɛɛ la ba ba be, dɛ ka bɔɔ ba ŋɔ, “Umee tɛ heyaa kpeɡri ŋɔ he berɛ kwaa do Korowii Dea nɔ cheɡ o buɡ bene ta nɔ?”

Ɛsra 5:9

Ya bɔɔ ba nomonome ŋɔ, ‘Umee tɛ heyaa ŋwɛnɛ ŋɔ he berɛ kwaa ma Korowii Dea nɔɔ?’

Nehemia 1:3

Anee ba ŋɔ n be ŋɔ, “Banɔ la baa laɡ ba laa ta kaa bojaŋ harɛ ta la balɔ. Ba lɔ wahala ne sihiih ta. Danjwɛɛ waa bar Jerusalam la kuuɡo, asɛ bwɛɛ la doonyojen ɡbeni la ɡe, ba fuah a ɛ tɔɔ.”

Nehemia 6:6

Gɛ o bini waa aa dɛ baɡle laanee nɔ. “Gɛsem ŋɔ men Sanbalat be ŋɔ, harɛre nɛra dɛ bol ŋɔ he ne Juu tena dɛ nyin he pere he te, a waa he berɛ kwaa dɛɛ ma danjwɛɛ la. Anɔ la aa jaa ɡee kɛŋɔ, he berɔ dɛɛ nyin he cheɡ he ɡbaɡba kora ta.

Ɛsta 3:8

Belaa Heeman la ka ŋɔ Kooro Sɛksɛs be ŋɔ, “N naa kooro, nɛra bane perɛ he kora harɛre la ta bobɛlbwa. Ba we-ɛɛla korɛ nɛra bwa we-ɛɛla ta. Baa he kora mmarare ɡe ta teŋɛ, anomanta, dɛ he le ba ne naa, a fe wer.

Jeremia 52:3

Korowii baah di Jerusalam ne Juda harɛ nɛra nɛɛ kohona, anomanta, o doŋ ba le o sie. Kooro Sedekia baa ɛ Babelɔn kooro deŋnekpeɡ.

Daneɛl 3:8

A ɡɛ saŋee, Babelɔn harɛ wejerema bane baa jemɛ weweela waa la Kooro Nebukadnesa be, dɛ ka chɔɡ Juu tena tɛo.

Daneɛl 9:25

Do waa nɔ dɛɛɡɔ dɛ́ jemɛ kɛŋɔ, le ɡɛ saŋ Korowii aa bola ŋɔ bá berɛ kwaa ma Jerusalam la, aa ɛ bene anuanɛ bele anuanɛɛ, ásɛ ba kwaa vɔrɔwe Jerusalam ɡɛ o fa aa doa la, dɛ́ berɛ kwaa o fɔɡbaahna, dɛ́ ma danjwɛkpeɡa baro bene anuanɛ bele fifraanumɛl dɛ anɛ mɔɔ nomoa Korowii aa leo la ba. Aa bao wahala saŋ.

Amanesoma Luk Aa Chwera Tɔn 13:34

Oo, Jerusalam tena! Korowii tomɛ o keamere he be naa, ɡɛɛ he kpoo ba, o tomɛ toroma he be naa, ɡɛɛ he foɡ ba bwea. Saŋ bɛlbwaa mɛɛ nyin kɛ ń kpɔ nɔn tɔ he nɛɛ kɛ jal aa lawɛ o bii dɛɛ do o kena lɔɡre la, kɛ haa nyin kɛ ń lawɛ heyaa pɛ.

We-ɛɛla 24:5

Nɛnchɔɡe bɛlbwa ta baa nɔ tele! O ne bɔpɛo aa somɛ! O toma bwaa kɛ ó valɛ bol waa dɛɛ ir Juu tena bwaawee, ásɛ baa lɛ ɡaeh harɛ bɛlbwa waa la o ta la ta. Nɛra bane baa dɛ teŋɛ Korowii toma ŋwɛnɛfale bɛl waa wola were la ta asɛ baa yer ba Nasarɛt tena la, ba nomoaa on.

1 Tesalonika 5:22

Hé laa he te kpɔ wechɔɡa bɛlbwa ta.