Ɛsra 4:11 - mzwDBL

¹¹ Waa aa teŋa nɔɔ ba chwera do tɔn bini. “Tɔn nɔ dɛ ba Koojen Atasɛksɛs be, dɛ le he bonɔɔna baa soɡe Yufretis Moo wee cholibɔr la be. Ya dɛ nae kohona.

Ɛsra 4:11 ပူးပေါင်းရင်းမြစ်များ

1 Koranar 21:8

Jɛsɛbɛl kpɔ Kooro Ahab sɔn chwerɛ tɔne asɛ o kpɔ o noniseɡ ɛɡre a ta, dɛ tomɛ ba kpɔ ka tɛ nomonome ne banɔ la baa soɡe nomombɔra Jesreel bela Nabɔt aa lole la.

Ɛsra 3:3

A lole kɛŋɔ dɛ ba dɛ ɔmɛ nɛra baa bar ba cheme la te, kɛ ba berɔ kwaa ma saraha kon la cheɡ o buɡ bene la ta, dɛ fuh kwaa chɔɔ ne jɔmɔra ɛ sarahare dɛɛ tɛ Korowii o ta.

Ɛsra 4:10

dɛ nɛra bane Koojen Asubanipal waa dɛ di kpeɡri dɛ dɔ jirima kohona, aa doŋ ba le ba deremi ba so bwɛjen Samaria, dɛ Yufretis Moo wee cholibɔr harɛre ta la be.”

Ɛsra 4:12

N naa kooro, ya dɛ nyin he jemɛ kɛŋɔ Juu tena baa le he harɛre ta dɛ ba la kaa Jerusalam, dɛ berɛ ka kwaa dɛɛ ma deŋnekpeɡ ne nyubinikpeɡ tena bwɛjen la ja. Ba kwaarɔ dɛɛ ma o danjwɛɛre, dɛɛ kwaa a mune la ɡe.

Ɛsra 5:6

Tatenai ne Sɛta Bosenai dɛ nɛra baa ja ba nɛɛ bwa chwerɛ tɔn ka tɛ Kooro Dareɔs.

Ɛsra 7:11

Koojen Atasɛksɛs chwerɛ waa aa teŋa nɔ tɛ sɔfo Ɛsra waa bera ɛ chicha dɛ jemɛ Korowii Mmarare ne waa waa do Israel tena a ta la bini kɛrɛdɛ.

Amanesoma Jɔn Aa Chwera Tɔn 4:9

Belaa haah la nyoa kpo, o chaŋo ŋɔ, “Fini te Juu te dɛ soŋe Samaria haah ne aa?” Dɛ Juu tena dɛ kɔɡɛ Samaria tena taeh, dɛ baa sɛh ba ne baa pɛ numoli ne loɡa kwara.