Ɛsra 3:6 - mzwDBL

⁶ Korobie anuanɛ tɔpeloɡle ta la, ba pa mun fuh kwaa ɛ sarahare tɛ Korowii, a lole kɛŋɔ dɛ ba ta Korowii Dea la mun pae mɔɔ.

Ɛsra 3:6 ပူးပေါင်းရင်းမြစ်များ

Ɛsra 3:5

A habɔɔ la, ba kpɔ kwaa baa fuah dɛɛ ɛ sarahare tɔpere bɛlbwa kɛŋɔ Korobifale ne saraha kwaa baa lea cheɡ tɔpejena aa do ɡoroŋ tɛ Korowii la ne, dɛ anɔ la aa le nɛra bambile ta, ba kpɔ ba ɛ sarahare tɛ Korowii la.

Ɛsra 3:7

Ate, nɛra la tɛ suuɡa baa kpɔ bɔ tom-ɛɛra baa dɛ peɡri bwea ne kapenta tena, dɛ berɛ kpɔ kondikwaa ne sen dɛ ɔleve noo ŋɔ, bá kpɔ ka tɛ bwɛjena Sidon ne Taaya tena, ásɛ ba kpɔ ka charɛ peleme daa le Lɛbanɔn, ásɛ dɛ taɡa kpɔ mpo sie ba Jopa, ɡɛ Pɛɛsea Koojen Saeros aa bola la.

Lewi Dea Tena 23:24

“Korobinuanɛ tɔpere waa tɔ sie ta la, hé onɛ dɛ́ bwa cheme bɛle hoeh ne dɛ́ɛ tomɛ men Korowii.

Lewi Dea Tena 23:25

He bɛ toma bɛlbwa ɛ ásɛ dɛ kpɔ saraha kwaa baa fuah ba tɛ mɛ.”

Nɛra Kura 29:1

Mosis berɔ ŋɔ ba be ŋɔ, “Korobinuanɛ tɔpeloɡle ta, hé cheme dɛ́ tomɛ Korowii dɛ bɛ toma bɛlbwa ɛ. Hé hoh bɛle awola.

Nɛra Kura 29:2

Ásɛ he ɛ saraha dɛ́ fuah, ásɛ a sɔɔh ɛɛ do Korowii som. Hé kpɔ nabale beŋkpoŋ ne pebal dɛ pebali anuanɛ aa dɔ benanyoa, a bɛlbwa aa wola kirihiah bɛlbwa dii.