Ɛsra 3:11 - mzwDBL

¹¹ Ba ɡo yela kpɛɛ Korowii dɛ jaamo ŋɔ, “Korowii wer, o nyina waa dɛ nyin Israel tena lole saŋ bɛlbwa dɛɛ la.” Asɛ nɛra la bwa moo kohona dɛ jam Korowii, dɛkalkɛ ba pa Korowii Dea la mun.

Ɛsra 3:11 ပူးပေါင်းရင်းမြစ်များ

1 Webena 16:34

Hé kpɛɛ Korowii! Hé kpɔ jam tɛ Korowii dɛkalkɛ o wer, o nyina waa dɛ nyin yaa ta jaɡa dɔe.

1 Webena 16:41

Nɛra baa ja ba nɛɛ laanee, Heman ne Jedutun, dɛ banɔ la bwa baa lee ba cheɡ ŋɔ bá ɡo yela dɛɛ jam Korowii, dɛkalkɛ o nyina lole saŋ bɛlbwa dɛɛ la.

2 Webena 5:13

Bɛlhoohla la ne yelɡoola la bwa pɛo, dɛ kpɔ tabeŋkpoŋ ɡo yela kpɛɛ dɛɛ jam Korowii. Asɛ bɛlhoohla ne nɛra baa dɛ lɔ kwaa anɛ ane baa kpɔ ayaawa ɛa dɛɛ hɛlɛ, dɛ kwaa bwa soo siwi ɡe kpɔ ɡo yela kpɛɛ Korowii ŋɔ, “Korowii wer, o nyina waa dɛ nyin yaa lole saŋ bɛlbwa dɛɛ la.” Ate, bam ba tɔ Korowii Dea la ta ɡɛ saŋ sɔfore la aa dɛ le bela la.

2 Webena 7:3

Israel tena la bwa aa na nii la ne Korowii jirima la, ba ɡuŋo, dɛ kpɔ sie pi harɛ bobɛl baa mao bwea ne o ir nyundua, dɛɛ kpɛɛ Korowii ŋɔ, “Korowii wer, o nyina waa dɛ nyin yaa lole saŋ bɛlbwa dɛɛ la.”

Nehemia 12:24

Dɛ Lewi dea tena nomonome laanee, Hasabia ne Sɛrebea dɛ Kadmiel bibaa Jesua, dɛ ba bala baa ja ba nɛ. Ba bɔne ba bini kuore anɛ, beŋkpoŋ dɛ ɡo yela asɛ beŋkpoŋ ɡe ɛɛ sɛh ba nyoa. Ba bwa pɛo dɛ ɡo yela dɛɛ kpɛɛ dɛɛ jam Korowii, ɡɛ Korowii nɛn Kooro Devid aa baɡla la.

Nehemia 12:40

Kuore anɛ baa ɡo yela jam Korowii la bwa kaa che ba chebɔra Korowii Dea bela, asɛ n ɡe ka che, n ne nomonome baa ja n nɛɛ la bwa,

Yela 100:5

Korowii waa wer, o nyina waa dɛ nyin yaa ne o kasinteŋ lole saŋ bɛlbwa dɛɛ la.

Yela 103:17

Nɛra baa dɛ ɔmɛ Korowii la te, o nyina lɔ ba nɛɛ saŋ bɛlbwa dɛɛ la, asɛ dɛɛ ɛ ba bii ne ba naanar andɛɛɡa saŋ bɛlbwa dɛɛ la.

Yela 106:1

Hé kpɛɛ Korowii! Hé kpɔ jam tɛ Korowii dɛkalkɛ o wer, o nyina waa dɛ nyin yaa ta jaɡa dɔe.

Yela 107:1

Hé kpɔ jam tɛ Korowii, dɛkalkɛ o waa wer, o nyina waa dɛ nyin yaa lole saŋ bɛlbwa dɛɛ la.

Yela 118:1

Hé kpɔ jam tɛ Korowii, dɛkalkɛ o waa wer. O nyina waa dɛ nyin yaa lole saŋ bɛlbwa dɛɛ la.

Yela 131:1

N Naa Korowii, n ɡel mbarafo ɛɛ, maa n te ɡɔɔ kpa. N liire toole wejena kɛɛ nyokpowa aa ɡwaa n nɛɛ ta.

Yela 135:3

Hé kpɛɛro, o wer waa doa wa, hé ɡo yela kpɛɛ o sɔn, dɛkalkɛ o wer.

Yela 47:1

Harɛre bwa nɛra, hé lɔ kpaŋa, á baɡle kɛ he sie lɛo, hé do lɔŋɔre kpɛɛ Korowii silɛɛ yela ne.

Yela 47:5

Korowii iro dɛɛ la ka so o kookara ta, nɛra hoh bɛle silɛɛ ne dɛɛ moo.

Kaala 15:21

Asɛ Miriam ɡo yel dɛ ŋɔ, “Hé ɡo yela kpɛɛ Korowii. O lɛ sɔn kohona ɡa. O kpɔ jaɡre ne nɛra baa soɡe a ta bwa ka ta mpo bini.”

Aesaya 12:6

Saayɔn tena, hé hɛɡre dɛ́ ɡo yela kohona. Israel Nɛŋɡoroŋ la kan kohona! O ne o nɛra so.”

Aesaya 44:23

Kwaa aa lɔ nyundua, hé ɡo silɛɛ yela. Komɛlbwa aa lɔ harɛ ta ɡe, hé ɡo hɛɡra yela, hale bwejena ne kɔr bini daa bwa. Dɛkalkɛŋɔ Korowii lɛ Israel tena, dɛ baɡle o jirima waa dɔa.

Aesaya 6:3

Asɛ a bini bɛlbwa ɛɛ ŋɔ o dɔŋ be ŋɔ, “Koranar Bwa Kooro do ɡoroŋ, o do ɡoroŋ kɛrɛdɛ. O jirima su harɛ nɔ bwa ta.”

Jeremia 33:11

silɛɛ ne hɛɡra lɔŋɔre dɛ hanfalwaa mune ɡbɔɡa. Hɛɛ noo nɛra ɡo yela dɛ́ kpɔ jam sarahare dɛɛ ba n Dea, dɛɛ ŋɔ, ‘Hé kpɔ jam tɛ Koranar Bwa Kooro! O waa wer, o nyina waa dɛ nyin yaa lole saŋ bɛlbwa dɛɛ la.’ Mɛɛ ɡeloo harɛ nɔ berɛ do wer ɡɛ o fa aa doa wubwa la. Men Korowiirii bola.”

Haɡae 2:3

“Umee ta kaa dɛ́ lii n Dea nɔ jirima o fa aa dɔa ɔ? Taraken, ɛrɛɛ hɛɛ nao wɔ? O berɛ kompɛɛ bɛl he siwi ta naa?

Sekaria 4:7

Wobɛlbwa aa kana dɛ do kɛŋɔ bwejen aa won tɔ hen Sɛrobabɛl ŋwɛnɛ. Hɛɛ kpɔ bwe la mamaala aa kpɔa do n Dea o lawɔ kpoŋe laanee ba, ásɛ nɛra moo dɛ́ ŋɔ, ‘O wer, o wer!’ ”

Sekaria 9:9

Saayɔn tena, hé hɛɡre kohona, Jerusalam tena, hé moo ɡa. Hé nyiŋi na! He kooro dɛ ba he be, o waa toɡrɔ dɛ won nɛra lɛɛ, o pwɛre, o soɡe keeɡo bie ta, keeɡo bale taa o so.

Amanesoma Luk Aa Chwera Tɔn 1:50

Nɛra te bwa baa dɛ ɔmɔ la, o dɛ na ba sum, dɛɛ na ba biirere sum, dɛɛ na ba ɡe biirere ne ba naanar bwa sum.

Josua 6:10

Dɛ Josua kah ba ŋɔ, “He bɛ lɔŋɔre do, hé hel, hɛ́ɛ berɛ wobɛlbwa bola ka tel kɛŋɔ tɔpere maa ŋɔ he be ŋɔ hé do lɔŋɔre mɔɔ he do!”

Josua 6:16

Baa bara kera anuanɛ ta la, sɔfore la hoh ba bɛle la, asɛ Josua ŋɔ nɛra la be ŋɔ, “Hé do lɔŋɔre! Korowii kpɔ bwɛjen nɔ do he nɔn ta!

Josua 6:5

Bɛlhoohla la ɛ dɛ́ hoh ba bɛle la kohona, ásɛ nɛra la bwa ɛɛ dooɡe lɔŋɔre kohona. Danjwɛɛ baa mao bar bwɛɛ la ɛɛ choɡluu, ásɛ nomɛlbwa den jo bwɛjen la ta.”