Ɛsra 3:10 - mzwDBL

¹⁰ Mamaala la aa pa Korowii Dea la mun la, sɔfore do ba laala dɛ ka che ba chebɔra dɛ kpoŋe bɛle, asɛ Lewi dea tena baa ɛ Asaf bibaala kpoŋe kwaa anɛ ane baa kpɔ ayaawa ɛa dɛɛ hɛlɛ, dɛ ka che ba chebɔra, dɛ lɔ dɛɛ kpɛɛ Korowii, ɡɛ Israel Kooro Devid fa aa do Israel tena la.

Ɛsra 3:10 ပူးပေါင်းရင်းမြစ်များ

1 Webena 15:24

Sebania ne Josafat ne Nɛtanɛl, ne Amasae ne Sekaria ne Bɛnaya, dɛ Eliesa baa ɛ sɔfore laanee, dɛ́ tɔ Korowii Ne Nɛwɛnyina Fɔo Daka la sie dɛɛ hoh bɛle. Ɔbɛd Edom ne Jehia ɡe ja dɛɛ daah Daka la.

1 Webena 15:27

Dɛ Kooro Devid do batakaarejaŋ baa kpɔ yapondɛɛɡe nyarɔ, ɡɛɛ Lewi dea tena baa cheɡɛ Daka la ne yelɡoola la, ne Kenania waa chɔ yelɡoola nyoa la ɡe do ane. Dɛ Kooro Devid berɔ do sɔfo batakaarebora efɔd baa kpɔ yapondɛɛɡe nyarɔ.

1 Webena 16:37

Kooro Devid ɡelɔ Asaf ne nɛra baa ja o nɛɛ do Korowii Ne Nɛwɛnyina Fɔo Daka la sie bela, baa ɛ toma ɡɛ aa chɛa tɔpere bɛlbwa.

1 Webena 16:42

Heman ne Jedutun chɔ bɛle hoeh ne kwaa anɛ ane baa kpɔ ayaawa ɛa dɛɛ hɛlɛ, dɛ anɔ la aa jaa ba kpɔ ɡo yela dɛɛ kpɛɛ Korowii la nyoa. Jedutun bibaala la te, doonyoa belaa ba ɡel ba so dɛɛ daah bela.

1 Webena 23:5

Ba bini kaɡboŋa banaarɛ ɛɛ daah doonyoo la, ásɛ kaɡboŋa banaarɛ ɡe kpɔ kwaa baa dɛ hɛlɛ ane ɡo yela dɛɛ kpɛɛ Korowii. N nyin a bwa, bá kpɔ ɛ toma nɔ.”

1 Webena 25:25

fi dɛ anuatoro lawɛ Hanani, o ɡe ne o bibaala dɛ o lolanar,

2 Webena 35:14

Anɔ habɔɔ, Lewi dea tena la yon kpɔ ola la ane, dɛ tɛ sɔfore baa ɛ Arɔn naanar sɔfore la ɡe, dɛkalkɛ jwaana bwaa sɔfore la yon so dɛɛ fuh saraha kwaa ne a noorare bɔra la. Gɛɛ Lewi dea tena la yon laa ba dibɔr kpɔ, dɛ laa anɔ la ɡe aa ɛ sɔfore baa le Arɔn luɡe ta dibɔr kpɔ tɛɛ ba.

2 Webena 35:15

Asaf naanar bane baa ɛ yelɡoola, yon ka che ba chebɔra, ɡɛ Kooro Devid ne Asaf ne Heman, dɛ kooro keame Jedutun aa do ba la. Nɛra baa dɛ daah doonyoo la ta chɛ kɛ bɛlbwa le kɛrɛ, dɛkalkɛ ba bala Lewi dea tena la daa Galekaa Tɔpejen kondikwaa la ane baa tɛɛ ba.

2 Webena 5:12

Dɛ Lewi dea yelɡoola baa ɛ Asaf ne Heman ne Jedutun nɛra, ne ba bibaala dɛ lolanar cheɡɛ saraha kon la wee leebɔr pera. Dɛ do laala baa kpɔ yapondɛɛɡa nyara, dɛɛ lɔ kwaa anɛ ane baa kpɔ ayaawa ɛa dɛɛ hɛlɛ ne janjelare, asɛ sɔfore lafa fifraanɛ ja ba nɛɛ dɛɛ hoh bɛle.

Ɛsra 2:41

Yelɡoola baa jaa ɡee nɔ. Asaf naanar lɔ lafa fifraanɛ dɛ banuatoro.

Ɛsra 5:16

Anomanta, Sɛsbasa balɔ dɛ ba pa Korowii Dea la mun Jerusalam. Nɛra ta lɔ o ta dɛɛ ɛ toma baa wola tonɛ mɔɔ.’

Yela 150:5

Hé lɔ ɡboŋri kpɛɛro. Hé kpɔ ayaawa kwaa anɛ dɛ́ɛ lɔ dɔŋa, dɛ́ɛ hɛlɛ kohona.

Haɡae 2:15

Korowii ŋɔ, “He ta waa aa pu heyaa nɔ nae yaa? Mɔɔ he pa mun dɛ́ do n Dea la,

Sekaria 4:10

Bame waa nyiŋi Korowii Dea la mumpar toma la dɛɛ vaɔh? Ba sie ɛɛ lɛo kɛŋɔ ŋwɛn baa kpɔa dɛɛ maɡɛ danjwɛɛ la aa lɔ Sɛrobabɛl nɔn ta, ba berɛ dɛɛ pa Dea la mun.” Korowii nyundua torome la ŋɔ, “Kandere anuanɛ nɔ cheɡɔ tɛ Korowii sibie anuanɛ waa kpɔa dɛɛ nyiŋi harɛ nɔ bwa.”

Sekaria 4:6

Korowii nyundua torome la ŋɔ n be ŋɔ ń bol Korowii waa Sɛrobabɛl be ŋɔ, “He wobɛlbwa ɛɛ do werii, he kpeɡri ne laa yoi ne laa, kɛ n Doma kpeɡri taa. Men Koranar Bwa Kooroo bola.

Sekaria 4:7

Wobɛlbwa aa kana dɛ do kɛŋɔ bwejen aa won tɔ hen Sɛrobabɛl ŋwɛnɛ. Hɛɛ kpɔ bwe la mamaala aa kpɔa do n Dea o lawɔ kpoŋe laanee ba, ásɛ nɛra moo dɛ́ ŋɔ, ‘O wer, o wer!’ ”

Sekaria 6:12

Bol o be ŋɔ men Koranar Bwa Kooro ŋɔ, ‘N bonɔɔ waa do kɛ Daa Kpale la ɛɛ ta kpalee le bela waa lole, dɛ́ berɛ ba kwaa ma men Korowii Dea la.

Sekaria 7:3

dɛ́ bɔɔ sɔfore baa lɔ bela ne Korowii keamere ŋɔ, “A chɛ kɛ yá wi chɔɡa baa chɔɡ Korowii Dea la, dɛ́ vɔwɛ nyoa korobinuete la ta ɡɛ yaa ɛa bene aa baa kaa bwa ta la aa?”

1 Samoɛl 22:18

Ate, kooro berɛ ŋɔ Doeɡ waa le Edom la be ŋɔ, “Berɛ he te, dɛ́ kpoo sɔfore nɔ.” Anomanta, o berɛ o te dɛ kpoo ba. O kpoo sɔfore fifraanuatoro dɛ banue baa do sɔfo batakaarebori efɔd baa kpɔ yapondɛɛɡa ɛa.