Ɛsra 2:68 - mzwDBL

⁶⁸ Nɛra baa laɡ ba kaa bojaŋ harɛre ta la aa baa tel Korowii Dea waa lɔ Jerusalam la, deene nomonnyuune la bini bane le ba bambile bini tɛ kwaa ba berɛ kpɔ ma Korowii Dea la cheɡ o buɡ bene ta bela.

Ɛsra 2:68 ပူးပေါင်းရင်းမြစ်များ

1 Webena 21:18

Belaa Korowii nyundua torome bɛl ŋɔ Gad be ŋɔ, ó ka ŋɔ Kooro Devid be ŋɔ ó la Jebus te Arauna mea lɔ bɔr bela dɛ́ ka ma kon baa dɛ ɛ saraha o ta tɛ Korowii.

1 Webena 22:1

Belaa Kooro Devid ŋɔ, “Korowii Dea la ne kon Israel tena aa dɛɛ fuh saraha kwaa o ta la chɛ kɛŋɔ ó che bonɔ.”

2 Webena 3:1

Kooro Solomɔn pa mun dɛ ma Korowii Dea la Jerusalam, Moria Bwejen ta. Dɛ Korowii fa kpɔ o te baɡle o mɛɛ Kooro Devid bela ka, Jebus te Arauna mea lɔ bɔr bela Kooro Devid fa aa yawa la.

Ɛsra 2:67

Nyoɡmare ɡe lɔ lafraanaarɛ fifraatoro dɛ anue, ne keeɡore kaɡboŋa anumɛl lafraanuanɛ fifraanɛ.

Ɛsra 2:69

Gɛ bɛlbwa aa wona laanee o tɛ ba kpɔ ɛ toma la. Suuɡaswɛm a tɔɡre aa ɛ kilore lafraanue, ne suuɡapoŋa a tɔɡre aa ɛ kilore kaɡboŋa anɛ lafraanuatoro, dɛ sɔfore batakaani lafa.

Ɛsra 3:3

A lole kɛŋɔ dɛ ba dɛ ɔmɛ nɛra baa bar ba cheme la te, kɛ ba berɔ kwaa ma saraha kon la cheɡ o buɡ bene la ta, dɛ fuh kwaa chɔɔ ne jɔmɔra ɛ sarahare dɛɛ tɛ Korowii o ta.

Ɛsra 9:9

Dɛ ya ɛ yoma, kɛ hen Korowii yaa dɛ tomɛ ta yaa ɡelɛ ya wenaale ta. He baɡle he nyina ya nɛɛ Pɛɛsea harɛ koojena sie. He tɛ yaa mkpafale ya berɛ won kwaa ma hen Korowii yaa dɛ tomɛ Dea waa kuuɡa la, asɛ dɛ tɔ yaa ɡbemɡbe, dɛ ɡel ya dɔ deŋnesɔɔhna Juda harɛ ne Jerusalam bwɛdaa ta.

Yela 110:3

Awola haa yo he dɔma la, he nɛra ɛɛ sɛoh dɛ́ ba teŋɛ he nɛ. He bonɔɔna ɛɛ leo ba he be kɛŋɔ chɔɔlen mɛn ken, he bwe waa do ɡoroŋ la ta.

Kaala 25:2

“Ŋɔ Israel tena la be bɛ́lbwa ɛ saraha tɛ mɛ. Henee chɛ kɛ he lɛ saraha kwaa la ɡɛ bɛlbwa bambile aa lawa kɛ ó kpɔ tɛ mɛ.

Kaala 35:21

asɛ bɛlbwa aa le o bambile ta kɛŋɔ ó kpɔ kwaa ba tɛ Korowii, bá kpɔ kwaa o Dea Cheremibɔr la kpɔ ba, ásɛ ba kpɔ ɛ kwaa baa kpɔ tomɛ Korowii bela, ne laala aa do ɡoroŋ la bwa.

Kaala 35:29

Israel tena haahna ne baala bwaa le ba bambile ta dɛ kpɔ saraha kwaa ba cha Korowii toma ɡɛ waa cheɡɛ Mosis nɛɛ dɛ bol ba be la.

Kaala 36:3

Anee Mosis kpɔ saraha kwaa Israel tena aa kpɔa ba ŋɔ bá kpɔ ɛ Korowii Dea la toma tɛɛ ba. Nɛra ta tea dɛ teŋɛ kpɔ kwaa baa tɛ chɔɔ bɛlbwa bambile bwa ne.

2 Kɔrent 8:12

Dɛ he bambile lawɔ kɛ hɛɛ tɛ suuɡaa yaa, ɡɛ bwa haa dɔa dɛ tɛ la, aa su Korowii siwii. Waa ŋɔ hé tɛ ɡwaa ɡɛ haa dɔa.

2 Kɔrent 8:3

Mɛɛ wonoo ŋɔ ba ta tea tɛ yaa kwaa ɡɛ ba bokpeɡa aa tela, hale ba tɛo ɡwaa ba bokpeɡa del kwara. Ba ɡbaɡba tetooraa ba ɛ ɡɛ, nɛn laa do ba.

2 Kɔrent 9:7

Anomanta, bɛ́lbwa tɛ ɡɛ aa maɡra o bambile ta. Bɛlbwa nao kɛŋɔ o tɛo aa we o nɛɛ yaa, ó ɡel tɛɛ. Bɛl dɛ lii kɛ doe ba doo ŋɔ o tɛ aa, ó ɡel, dɛkalkɛŋɔ nomɛlbwa waa dɛ tɛ kwaa bambile bwa ne la, Korowii sie dɛ lɛ o nɛ.