Ɛsra 2:63 - mzwDBL

⁶³ Asɛ Juda harɛ nomoa ŋɔ ba be ŋɔ, baa won di kondikwaa aa do ɡoroŋ bɛlbwa baa kpɔa ba tɛ Korowii la, atane sɔfo bɛl lɔ bela dɛ́ do batakaare baa sɔh Urim ne Tumim dawɛ o ta, dɛ́ che a ta bɔɔ waa Korowii aa dɛ nyin la mɔɔ.

Ɛsra 2:63 ပူးပေါင်းရင်းမြစ်များ

Ɛsra 2:64

A ɡɛ nɛra nɔ bwa lɔ kaɡboŋa fifraanaarɛ dɛ banɛ, lafraatoro fifraanumɛl.

Nehemia 10:1

Nɛra baa kpɔ ba nɔɔra ɛɡre do nyoa baa baɡa dɛ chwera la lɔɡa laanee, men Hakalia bibaa Nehemia maa ɛ harɛ la ta nomoa, ne Sedekia,

Nehemia 10:2

ne Seraya ne Asaria dɛ Jeremia,

Nehemia 7:65

Asɛ Juda harɛ nomoa ŋɔ ba be ŋɔ baa won di kondikwaa aa do ɡoroŋ bɛlbwa baa kpɔa ba tɛ Korowii laa, atane sɔfo bɛl lɔ bela, dɛ́ do batakaare baa sɔh Urim ne Tumim dawɛ o ta ó che a ta bɔɔ waa Korowii aa dɛ nyin la mɔɔ.

Nehemia 8:9

Ate, Nehemia waa ɛ harɛ la ta nomoa, ne sɔfo Ɛsra waa ɛ tɔnjereme, dɛ Lewi dea tena baa baɡle waa la bini tɛ nɛra la ŋɔ, “Fini tɔpere do ɡoroŋ tɛ Korowii haa dɛ tomɔ, he bɛ wi.” Dɛkalkɛ nɛra la aa dɛ no waa la, dɛ ba dɛ wi.

Kaala 28:30

Berɛ kpɔ Urim ne Tumim la do kon waa dawɛ Arɔn bambile ta la bini saŋ bɛlbwa waa dɛɛ ba men Korowii sie. Gɛɛ Arɔn ɛɛ ba ɛɛ saŋ bɛlbwa waa dɛɛ ba men Korowii sie.

Lewi Dea Tena 2:10

Men baa kpɔa ba ɛ saraha la kar ɛ Arɔn ne o bibaala kwa. A do ɡoroŋ kohona dɛ ɛ kwaa baa kpɔa ɛ saraha dɛ fuh tɛ mɛ.

Lewi Dea Tena 2:3

Men baa kpɔa ba ɛ saraha kar la ɛ Arɔn ne o bibaala kwa. A do ɡoroŋ kohona dɛ ɛ kwaa baa kpɔa ba ɛ saraha dɛ tɛ mɛ la bini ane.

Lewi Dea Tena 22:10

Nomɛlbwa waa wola sɔfore dea leɛ la ta ŋwɛnɛ dɔe kɛ ó di saraha kwaa aa do ɡoroŋ nɔ. Hɔɔh waa baa choɡo, kɛɛ nɛn waa lɔ o be dɛɛ ɛ toma wɛɛ bɔɔ kem ɡe ta ŋwɛnɛ dɔe kɛŋɔ ó di.

Lewi Dea Tena 22:13

Kɛ sɔfo bɛlbwa bihaah o jaa aa sewa kɛɛ dɛ vɛoh dɛ o ta bii dɔe, asɛ dɛ berɛ ba so o mɛɛ be wɛɛ nyiŋu kɛ o bechale saŋ la, o dɔ ŋwɛnɛ kɛ ó di kondikwaa bɛlbwa aa ɛ o mɛɛ kwaa la. Kɛ nɛmpɛɛ waa wola ŋwɛnɛ dɔe la te ta chɛ kɛŋɔ ó dia.

Lewi Dea Tena 6:17

Anee n kpɔ tɛ sɔfore kɛŋɔ ba dibɔr dɛ le saraha kwaa baa fuah dɛɛ tɛ mɛ la ta. A do ɡoroŋ kɛrɛdɛ kɛŋɔ wechɔɡa kpɔe dɛ kɛ saraha, ne bolchɔɡe dii saraha ken.

Lewi Dea Tena 6:29

Baa bɛlbwa waa le sɔfore dea la dɔ ŋwɛnɛ kɛŋɔ o di ane. A do ɡoroŋ kɛrɛdɛ.

Lewi Dea Tena 7:16

Kɛɛ dɛ saraha la ɛ nyobaɡa saraha kɛɛ o ɡbabir bambile ta saraha aa, bá dia awola tenten. Dɛ ane kao tɔɔ per a ta naa, ba won a dii.

Lewi Dea Tena 8:8

O berɔ kpɔ kon baa dɛ dawɔ bambile ta la do Arɔn, asɛ dɛ kpɔ Urim ne Tumim la do o bini.

Nɛra Kura 18:19

Saraha kwaa aa do ɡoroŋ bwa Israel tena aa kpɔa baa tɛ mɛ he yon le ane cheɡ la, n kpɔɔ tɛ he ne he bibaala ne bihaahna á ɛ he dibɔr saŋ bɛlbwa. A ɛ fɔo dɛ chɔ le waa wola chɔɡ bwa dɛ tɛ n ne hen ne he naanar bwa.”

Nɛra Kura 18:32

Dɛ he pɛne a bini andɛɛɡa ba tɛ men Korowii aa, haa bolchɔɡee di a bɔr. Haa doŋaa kpɔ kah kwaa aa do ɡoroŋ Israel tena aa kpɔa ba ɛ saraha la, ásɛ dɛ bɛ serewe.’ ”

Nɛra Kura 27:21

Josua chɛ kɛŋɔ ó kpɔ o te dawɛ sɔfo Eliasa nɛ, dɛ́ che kwaa baa dɛ yera Urim ne Tumim ta, dɛ́ jemɛ waa men Korowii aa dɛ nyin kɛ wɛɛ ɛ. A ɡɛ taa sɔfo Eliasa ne Israel tena nɔ ɛɛ ba cheɡa, dɛ́ na ɡɛ baa dɛɛ ɛ.”

Mmarare 33:8

O bol Lewi dea tena ɡe waa ŋɔ, ‘N Naa Korowii, he cheɡɛ he nɛndɛɛɡa Lewi dea tena nɛ Urim ne Tumim ta, dɛ pili ɡɛ haa dɛ nyin baɡ ba, dɛ daah ba na Maasa, asɛ dɛ baɡle kɛŋɔ ba ɛ kasinteŋ tena Mɛreba nee ta.

1 Samoɛl 28:6

O bɔɔrɔ le Korowii be dɛ na ɡɛ o fe aa ɛ, kɛ Korowii ta on chaŋɛ deera ta kɛɛ Urim ne Tumim waa ɛ komɛl baa cheɡɛ o ta dɛɛ jemɛ waa aa wera Korowii be, kɛɛ Korowii keamere be.