Ɛsra 10:9 - mzwDBL

⁹ Tɔpera atoro la ne tela la, dɛ baala baa soɡe Juda harɛ ne Bɛnjamen dea harɛ bwa cheme Jerusalam. Asɛ korobie anuanaarɛ tɔpera fifraanɛ ta la, ba ka so Korowii Dea dembaah bela. Dɛ bwaala dɛ nɛ kohona, asɛ ba so o bini dɛɛ chel, dɛkalkɛŋɔ dɛ ba chema la waa hiaoh kohona.

Ɛsra 10:9 ပူးပေါင်းရင်းမြစ်များ

Ɛsra 10:10

Belaa sɔfo Ɛsra ir che, dɛ ŋɔ ba be ŋɔ, “Hé waa ta kasinteŋ dɔe. Harɛfale ta haahnaa he mo, dɛ kpɔ wechɔɡa ba ja bolchɔɡe Israel tena aa dia ta.

Ɛsra 10:3

Hé ɡel ya ne Korowii yaa dɛ tomɔ fɔwɛ fɔo, ásɛ ya doŋi haahna nɔ ne ba bii bwa kaa. Yaa teŋɛ waa he ne nɛra baa dɛ teŋɛ Korowii waa ta aa bola ŋɔ yá ɛ laanee. Yaa ɛa ɡɛ Korowii Mmara aa dɛ baɡle la.

Ɛsra 10:8

Nomɛlbwa waa vɛh a ɡɛ chema nɔ mun bala ka tel tɔpera atoro la, wɛɛ paŋɛ kwaa waa dɔa bwaa, ɡɛ nomonome aa bola la, ásɛ ba berɛ doŋu le o harɛ waa soɡe o ta la ta.

Ɛsra 9:4

Nomɛlbwa waa no waa Korowii Israel tena aa dɛ tomɔ aa bola la baa bar mɛ cheme dɛɛ chel, dɛkalkɛ nɛra baa le bojaŋ harɛfale ta dɛ ba la waa ta kasinteŋ dɔe. Asɛ n so bela dɛɛ di suna ka tel kɛŋɔ jɔmɔr saraha ɛɛ aa tela.

Ɛsta 2:16

Kooro Sɛksɛs kora dii bene anuanɛ Tɛbɛt korobie taa a tel kɛŋɔ Ɛsta la kooro be o koodem.

Jeremia 10:10

Kɛ hen N Naa Korowii, he waa dɔ kasinteŋ, henee kooro haa lole saŋ bɛlbwa. He baah diu waa, harɛ bwa dɛ chel, harɛre nɛra aa won che he bandia nyoa.

Jeremia 10:13

O bol wa aa, bwaala dɛ nɛ dɛɛ kɔɡre nyundujaɡla, o ɡelɔ baama aa dɛ nɛ bwaala ir dɛɛ le harɛ jaɡa. O ɡelɔ bwaala ɛɛ nɛ dɛɛ nyɛɡle, asɛ dɛ ɡel peu ta le bela waa lole.

Jeremia 36:22

Dɛ waa saŋee, asɛ kooro so o koodem baŋ bɛl, dɛɛ ŋwee nii koropɔɔto ta.