Ɛsra 10:18 - mzwDBL

¹⁸ Sɔfore naanar bini, nɛra baa mo harɛfala ta haahna laanee teŋa nɔ. Josadak bibaa Jesua naanar ne o nimanar bini, Maaseya ne Eliesa ne Jarib dɛ Gedalia.

Ɛsra 10:18 ပူးပေါင်းရင်းမြစ်များ

Ɛsra 10:17

korobie atoro ne tela, dɛ ba bol baala baa mo haahna baa wola ba harɛ ta tena ɛɛ la waa tonɛ.

Ɛsra 2:2

Sɛrobabɛl ne Jesua, ne Nehemia ne Seraya, ne Relaya ne Mɔdekae, ne Bilsan ne Mispar, ne Biɡvai ne Rehum, dɛ Baana. Baala baa le Israel harɛ taa teŋa nɔ.

Ɛsra 2:36

Sɔfore baa jaa ɡee nɔ. Jedaya naanar baa le Jesua luɡe ta nɛra lɔ lafraanuanaarɛ fifraanuanɛ dɛ batoro.

Ɛsra 3:2

asɛ Josadak bibaa Jesua ne o bala sɔfore, ne Sealteɛl bibaa Sɛrobabɛl ne o bala baa ja o nɛ, pa mun dɛ berɛ kwaa ma saraha kon tɛ Korowii Israel tena aa dɛ tomɔ, dɛɛ fuh saraha kwaa o ta, ɡɛ baa chwera do Korowii bonɔɔ Mosis Mmara tɔn bini la.

Ɛsra 3:8

Anomanta, bennɛɛte korobinɛɛte ta nɛra la aa le bojaŋ harɛfale ta ba la, dɛ daa la tel bela baa dɛ ba Korowii Dea la doe Jerusalam, asɛ ba pa o mun. Ate, Sealteɛl bibaa Sɛrobabɛl ne Josadak bibaa Jesua, dɛ bwɛɛla la kar ne sɔfore ne Lewi dea tena la bwa kaa ja dɛɛ ɛ toma la. Ba le Lewi dea tena baa di bene fifraanɛ, kɛɛ dɛ ɡwaa la ba ɛ nomonome dɛɛ nyiŋi tom-ɛɛra baa dɛ ma Korowii Dea la nɛ.

Ɛsra 5:2

Ate, Sealteɛl bibaa Sɛrobabɛl ne Josadak bibaa Jesua aa no ba waa la, ba berɛ pa mun dɛɛ do Korowii Dea la Jerusalam ja, asɛ Korowii keamere banɛ la cha ba.

Ɛsra 9:1

Baa ɛ anɔ bwa tonɛ la, nomonome la ba men sɔfo Ɛsra be ŋɔ, “Israel tena ne sɔfore, dɛ Lewi dea tena la ta ba te pere le Keenan ne Hiti ne Pɛrɛs, ne Jebus ne Amɔn ne Moab ne Ijipt, dɛ Amɔre tena we-ɛɛla Korowii aa kia aa wola were la ta.

Ɛsra 9:2

Israel baala la kpɔ harɛre aa bar ba cheme la haahna mo, a che a ta ba ne Korowii nɛra ba wa aa do ɡoroŋ la, ne ba we-ɛɛla aa wola were la koo dɔŋa. Nomonome ne sitɔɔla laanee tɔ ba sie ba ɛ ɡɛ waa nɔ.”

Nehemia 12:10

Jesua lolɛ Joiakim, Joiakim lolɛ Eliasib asɛ Eliasab lolɛ Joiada,

Nehemia 13:28

Dɛ Sɔfonomoa Eliasib bibaa Joiada ɡe bibaa bɛl mo Sanbalat waa le Bɛt Hɔrɔn bihaah. Anomanta, n doŋi o bibaa la le Jerusalam.

Nehemia 8:4

Dɛ ba koh waa la waa dɛ kpɔ daa kwaa komɛl o kaa nyundua, asɛ Ɛsra ka che o ta. Asɛ Matitia ne Sema ne Anaya, ne Uria ne Hilkia dɛ Maaseya che o diɡ pera. Pɛdaya ne Mesael ne Malkija, ne Hasum ne Hasbadana ne Sekaria, dɛ Mɛsolam ɡe cheɡɛ o ɡal ta.

Nehemia 8:7

Ate, nɛra la ir che, asɛ Jesua ne Bani ne Sɛrebea, ne Jamin ne Akub ne Sabetai, ne Hodia ne Maaseya ne Kelita, ne Asaria ne Josabad ne Hanan, dɛ Pɛlaya, baa ɛ Lewi dea tena la baɡle Mmara la bini dɛɛ baɡ ba.

Jeremia 23:10

Jwamane su harɛ la ta, Korowii taahna nomanta, harɛ la chɔɡɔ, a ɡel kondɛɛra dibɔra aa lɔ pua hɛŋle ɡbo harɛ hol. Keamere la kpɔ ŋwɛnɛchɔɡa ta dɛɛ di kpeɡri.

Jeremia 23:11

Korowii ŋɔ, “Keamere la ne sɔfore bwa aa men duu, hale n Dea bela, ba dɛ ɛ wechɔɡa.

Jeremia 23:14

N berɔ na waane aa wola were kwaraa keamere baa lɔ Jerusalam ɡe nɛ. Ba dɛ bɔ jwamane dɛɛ teŋe nyosone. Ba dɛ do wechɔɡ-ɛɛra ɡbemba wechɔɡa ɛɛ ta, a ɡel nomɛlbwa aa charɛ dɛɛ le a ta. Ba wechɔɡa do kɛŋɔ Sodom ne Gomoora tena n be.”

Ɛsekeɛl 44:22

Sɔfo ta chɛ kɛ ó mo luhaah kɛɛ haah o jaa aa vɛoh. Wɛɛ won mo Israel bihaah waa wola baa jemɛ, kɛɛ luhaah sɔfo aa sewa ɡelo.

Lewi Dea Tena 21:7

A ta chɛ kɛ sɔfo mo haah waa bɔ jwamane dɛ kah doŋa kɛɛ haah o jaa aa vɛoh. Dɛkalkɛ sɔfore ɛ nɛra baa do ɡoroŋ.

Haɡae 1:1

Pɛɛsea Koojen Dareɔs kora dii bennɛɛte korobinumɛl tɔpeloɡle habɔɔ la, Korowii cheɡɛ o keame Haɡae nɛ, dɛ bol waa Sealteɛl bibaa Sɛrobabɛl waa dɛ nyiŋi Juda harɛ ta, ne Jehosadak bibaa Sɔfonomoa Josua be.

Haɡae 1:12

Ate, Sɛrobabɛl ne Sɔfonomoa Josua dɛ nɛra baa laɡ ba laa ta kaa Babelɔn harɛ ta ba berɛ ba la bwa, ɛ waa Korowii aa ŋɔa ba ɛ la. Ba ɔmɔ dɛ no waa Korowii baa dɛ tomɔ aa kpɔa tomɛ o keame Haɡae la.

Haɡae 2:4

He bɛlbwa bɛ ɡel o bwara yɔr, hé ɛ toma la, n ja he nɛ.

Sekaria 3:1

Wepila ane ɡe ta, Korowii baɡle men Sekaria Sɔfonomoa Josua o che Korowii nyundua torome bɛl sie. Asɛ Bɔnsam ɡe ba che Josua diɡ ta dɛɛ ba waa kpɔe dawɛ o nɛ.

Sekaria 6:11

Kpɔ suuɡapoŋa ne suuɡaswɛm la kwaa kooɡbɛrɛ, dɛ́ kpɔ pi Jehosadak bibaa Sɔfonomoa Josua.

1 Timoti 3:11

Ba haahna chɛ kɛ baa ɛ waa aa dɔ duure, dɛ bɛ nɛra dɛɛ ŋwalɛ. A chɛ kɛ bá won ba te lawa, dɛ́ kpɔ kasinteŋ dɛɛ ɛ wobɛlbwa.