Ɛsra 10:14 - mzwDBL

¹⁴ Hé ɡel ya nomonome so dɛ́ nyiŋi a ta tɛ ya bwɛɛla bwa, ásɛ nomɛlbwa waa mo a ɡɛ haahna nɔ bɛl la, bá yerɔ ó ba tɔpere baa doo ta, dɛ́ kpɔ nomonome ne nɛra baa bol waa dɛɛ pa bole harɛ waa soɡe o ta ja ba. Kenii dɛ́ ɡel waa nɔ Korowii baah aa di ya nɛɛ a waa nɔ le ya nɛ.”

Ɛsra 10:14 ပူးပေါင်းရင်းမြစ်များ

2 Koranar 23:26

Kɛ ane a bwa, Korowii bandichɔɡe waa lɔ Juda harɛ ta tena nɛɛ la, dɛ o ta sɔɔhnɛ, Kooro Manasɛ waa waa ɛa dɛ kpɔ ir o bandia la wa.

2 Webena 28:11

Hé no n be! Hé ɡel he lolanar haa laɡ ba yoma nɔ berɛ kaa, dɛkalkɛ Korowii baah di he nɛɛ kohona.”

2 Webena 29:10

Anomanta, men Kooro Hɛsɛkea kpɔ liire kɛŋɔ n ne Korowii Israel tena aa dɛ tomɔ la fɔwɛ fɔo, ásɛ o baah bɛ ya nɛɛ di kohona.

2 Webena 30:8

He bɛ lwɛmkpeɡ ɛ kɛ ban, dɛ́ kpɔ he te do Korowii haa dɛ tomɔ la lɔɡa. Hé ba o Dea waa ɡela o do ɡoroŋ saŋ bɛlbwa la bini Jerusalam, dɛɛ tomɔ ásɛ o bandia le he nɛ.

Ɛsra 10:13

Kɛ ba berɔ bol ja ŋɔ, “Ya warɛ bonɔ asɛ bwaala ɡe ɛɛ nɛ, anomanta, yaa won che o bini wɛɛ kpo yaa ɡɛ. A ɡɛ waa nɔ ta tɔpebeŋkpoŋ kɛɛ tɔpera anɛ ɡbo waa ɛɛ, dɛkalkɛ ya nɛra yaa di bolchɔɡe ɡɛ waa nɔ ta warɔ.

Ɛsra 10:15

Nɛra la bwa no waa la mun, atane Asahɛl bibaa Jonatan ne Tikva bibaa Jaseya ɡbo. Mɛsolam ne Sabetai baa ɛ Lewi dea tena la ɡe ja ba nɛ.

Yela 78:38

Kɛ Korowii sune o nɛra nɛ, o kpɔ ba wechɔɡa kɛ ba, o ta ban chɔɡɛ. Keraŋwɛnɛ bwaa o lawɛ bambile, dɛ ɡel o bandia nyoa sɔɔh.

Aesaya 12:1

Awola tɔpere la, hɛɛ ɡo yelaa ŋɔ, “Korowii jam kɛ o baah fa aa di n nɛɛ dɛ berɛ sɔɔh dɛɛ larawe n bwara taraken nɔ.

Nɛra Kura 25:4

Korowii ŋɔ Mosis be ŋɔ, “Kpoo ɡɛ Israel nomonome la webaŋa n siwi ta tɛ mɛ, ásɛ n baah bɛ ba nɛɛ di kohona kpa.”

Mmarare 13:17

He bɛ ɡɛ kwaa la bɛlbwa ba kpɔ, ásɛ a ba ɛ musu tɛ heya, ásɛ Korowii baah bɛ hé nɛɛ ba di. Ó na he sum, dɛ́ dɔ tedoma tɛ heya, dɛ́ ɡel he ya kohona ɡɛ waa baɡɛ he naawa nyoa la,

Mmarare 17:9

dɛ́ kpɔ ka bil Lewi dea tena baa ɛ sɔfore la ne nɛn waa bol waa dɛɛ pa bole dɛ do bela ɡɛ saŋ la sie, ásɛ ba pa bole.

Josua 7:26

Ba pa bwea dawɛ Akan nɛɛ a daŋɛ kohona, a ta chɔ le ba le fini. Asɛ Korowii baah waa dia kohona la sɔɔh. A waa baa yerɛ bela Akɔ Fɛlembɔjen saŋ la bwa ba le fini la.