Ɛsekeɛl 9:6 - mzwDBL

⁶ Hé kpoo banjeni, bonɔɔna ne toli, haahna ne bechale. Kɛ he bɛ banɔ la baa do ba nso la te kpoo. Hé pa mun le n Dea bonɔ.” Anomanta, ba pa mun le nomonome baa lɔ Korowii Dea la sie nɛ.

Ɛsekeɛl 9:6 ပူးပေါင်းရင်းမြစ်များ

Mumpar 4:15

Anee Korowii ŋɔ, “Gɛ laa, nomɛlbwa waa kpoe la, wɛɛ dɔ he wechɔɡa nɔ kembɔr nɔ bele anuanɛɛ.” Asɛ Korowii do Keen dema, ásɛ a baɡle kɛŋɔ Korowii bɛ on kpo.

2 Webena 36:17

Anomanta, Korowii ɡelɔ Babelɔn Kooro Nebukadnesa ba yoo ba, dɛ kpo bonɔmbie baa lɔ Korowii Dea keri ne. Ba ta bonɔɔ kɛɛ tolo, banjena kɛɛ nomɛlbwa waa hwɛɛhra ɡelɛ. O kpɔ ba bwa do Kooro Nebukadnesa nɔn ta.

Kaala 12:23

Korowii dɛ ba harɛ la ta joe, dɛ́ kpo Ijipt tena bibanloɡla bwa. O teŋo baa kaa dɛ na chal la doonyoo daa nyundua ne a keŋkeŋni ɡɛ naa, wɛɛ ɡelaa dɛ́ ba kaa. Waa ɡel Korowii nyundua torome waa dɛ kpoo Ijipt bibanloɡla la jo he deremi ta dɛ́ kpoo heya.

Jeremia 16:6

Suuɡa tena ne nyaara bwaa dɛɛ ba serewa he harɛ nɔ ta. Nomɛlbwa aa ban huɡe kɛɛ dɛ́ wii ba. Bɛlbwa aa konee kpɔ mɔn o te kɛɛ dɛ́ fonɛ o nyu, á baɡle kɛ o dɛ di suna.

Jeremia 25:29

Mɛɛ kpɔ wenaalee ba ta bwɛjen n ɡbabir sɔn aa dawɛ o ta. Ba dɛ lii kɛŋɔ ba tenee wola deŋnetɛraa dɔ aa? Akai, baa won le a nyoa, dɛkalkɛ n dɛ ba laa ne ba ta harɛ nɔ nɛra bwa nɛ. Men Koranar Bwa Kooroo bola.

Jeremia 44:7

Anomanta, men Korowii Maa Ɛ Koranar Bwa Kooro, Israel tena aa dɛ tom mɛ la dɛ bɔɔ heyaa ɡɛ aa ɛa hɛɛ ɛ ɡɛ wechɔɡa nɔ aa ɡure he nɛɛ nɔ. He dɛ nyin he ba chɔɡ baala ne haahna, bechale ne bechasɔɔhne ásɛ nomɛlbwa aa ka kpa kɛɛ?

Jeremia 44:8

Ɛrɛɛ hɛɛ do mɛ bandia, dɛɛ tomɛ voɡare dɛ ɛ sarahare dɛɛ tɛ voɡare aa lɔ Ijipt harɛ ta bonɔ haa baa so nɔɔ? He dɛ ɛ ɡɛ dɛ́ chɔɡ he te, ásɛ harɛre nɛra bwa ɛɛ nyiŋi he nyubaah, dɛ́ɛ taah heya kɛɛ?

Jeremia 6:11

He bandia waa lɔ ba nɛɛ la dɛ we n bambile maa wola won kpoŋa kpa.” Belaa Korowii ŋɔ n be ŋɔ, “Kpɔ n bandia ba bechale nɛɛ fɔɡbaahna, ne bela bonɔɔnaa aa dɛ cheme, ne baala ne ba haahna bwa nɛ, hale banɔ la baa hwɛɛhra bwa.

Jeremia 9:21

Seo do kɛŋɔ nɛnchɔɡe dɛ che ya tokorore ta jo ya deremi. Bechale serewɔ chɔ fɔɡbaahna, asɛ bonɔɔna ɡe serewe chɔ cheremibɔra.

Ɛsekeɛl 11:1

Korowii Doma la ɡɔɔ men Ɛsekeɛl kaa nyundua, dɛ kpɔ mɛ ba Jerusalam Korowii Dea wee leebɔr doonyoa la ta. Belaa n na baala fifraanɛ dɛ banue, dɛ Asuur bibaa Jaasania, ne Bɛnaya bibaa Pɛlatea baa ɛ Israel harɛ nomonome ja ba nɛ.

Ɛsekeɛl 9:4

“Gaaɡe Jerusalam fɔɡbaahna, dɛ́ do nɛra baa na waa maa kia, asɛ baa wi dɛɛ di suna a waa la nso ba tili ta.”

Ɛsekeɛl 9:5

N taa dɛ no Korowii be la, o berɔ ŋɔ baala la ɡe be ŋɔ, “Hé teŋɛ o nɛɛ jo bwɛjen la bini, dɛ́ ka kpoo nɛra la. He bɛ bɛlbwa ɡel, he bɛ tedoma dɔ tɛ bɛlbwa.

Emɔs 3:2

He ɡboo ɛ nɛra maa le heya tɛ n te harɛre nɛra bwa bini, a waa a chɛ kɛ ń tɛr he deŋne he wechɔɡa bwa waa la.”

Amanesoma Luk Aa Chwera Tɔn 12:47

Bonɔɔ waa jemɛ ɡɛ o dɔɔ aa dɛ nyin, kɛ dɛ vɛh o te kpɔe dɛ ɛ ɡɛ tɛo la, o dɔɔ ɛɛ ɡeloo ba lɔɔro taeh.

Mmarare 2:34

Ya lɛ o bwɛɛre bwa dɛ chɔɡa, dɛ kpoo baala ne haahna dɛ bechale bwa. Ya ta ɡelɛ nomɛlbwa won dɔ bɔr chwa.

Mmarare 3:6

Ya chɔɡ a ɡɛ bwɛɛre la bwa, dɛ kpoo baala ne haahna dɛ bechale bwa kwaraa, ɡɛ yaa ɛ Hɛsbɔn Kooro Sihon harɛ ta la.

Mmarare 32:23

Mɛɛ kpɔ wahala kohonaa ta he nɛ, mɛɛ kpɔ n hɛma bwaa ta heya.

2 Timoti 2:19

Kɛ a ɛ wobɛlbwa Korowii Dea waa pa o mun la cheɡɔ kiŋkiŋ ken. Ba chwerɛ o ta ŋɔ, “Korowii jemɛ nɛra baa ɛ o kwa,” dɛ berɛ chwerɛ ŋɔ, “Nomɛlbwa waa ŋɔa o ja Yeesu Kristo nɛra nɛɛ la chɛ kɛŋɔ ó laa o te kpɔ wechɔɡa ta.”

Wepila 14:4

Gɛ nɛra nɔ do kɛŋɔ baala baa wola haah jemɛ, dɛkalkɛŋɔ ba lawɛ ba te dɛ do kaih. Ba dɛ teŋɛ Pebie la nɛɛ bobɛlbwa waa dɛ la. Banee nɛnloɡla Korowii aa lɛɛ ba nɛra waa dɛ ba ba lɛɛ la bwa bini, dɛ́ kpɔ ba tɛ o te ne Pebie la.

Wepila 7:3

“Hé ɡel harɛ ne mpo ne daa la chɔɡa ka tel kɛŋɔ, yaa do Korowii bonɔɔna ne toli nso ba tili ta tonɛ mɔɔ.”

Wepila 9:4

dɛ ŋɔ a be ŋɔ a bɛ harɛ nɔ ta kpɔɡa kɛɛ papooni kɛɛ daa bɛlbwa chɔɡ, kɛ á dorome nɛra baa wola Korowii nso la dɔe ba tili ta la.

1 Samoɛl 15:3

Hé kaa taraken dɛ́ ka yo Amalɛk tena la, dɛ́ chɔɡ kwaa baa dɔa bwa kwaraa. He bɛ ba sum na, hé kpoo baala ne haahna, ne bechale ne bechasɔɔhne, ne nae ne peera dɛ ba nyoɡmare ne keeɡore bwa.’ ”