Ɛsekeɛl 9:4 - mzwDBL

⁴ “Gaaɡe Jerusalam fɔɡbaahna, dɛ́ do nɛra baa na waa maa kia, asɛ baa wi dɛɛ di suna a waa la nso ba tili ta.”

Ɛsekeɛl 9:4 ပူးပေါင်းရင်းမြစ်များ

Wepila 9:4

dɛ ŋɔ a be ŋɔ a bɛ harɛ nɔ ta kpɔɡa kɛɛ papooni kɛɛ daa bɛlbwa chɔɡ, kɛ á dorome nɛra baa wola Korowii nso la dɔe ba tili ta la.

2 Kɔrent 1:22

dɛ do yaa nso aa baɡle kɛ onee dɔ yaa, dɛ tɛ yaa o Domadɛɛɡe la wɛɛ so ya nɛ, ásɛ ya che a ta dɛ́ jemɛ waa bwa waa ɛa cheɡ yaa.

Wepila 14:1

Belaa n nyiŋi dɛ na Pebie la cheɡa Saayɔn Bwejen doa. Asɛ nɛra kaɡboŋa lafa fifraanaarɛ dɛ banaarɛ baa chwerɛ o ne o Mɛɛ la sɔna ba tili ta la che o be.

Wepila 20:4

N na kookane, asɛ nɛra bane so a ta, asɛ Korowii tɛɛ ba ŋwɛnɛ bá won dɛɛ bol nɛra waa dɛ́ɛ pa bole. N na lala ba fa aa teŋɛ Yeesu kasinteŋ waa la ta, dɛ bol Korowii Wa, dɛ vɛh olchɔɡe la ne kon la baa mao la toma. Ba ta ɡelɛ ba do ba o nso la ba tili ne ba nɔɔra ta. Ba koh a waa teŋni ba nyuune. Ba ir seo ta, asɛ ba ne Kristo pɛ dɛɛ di kora bene kaɡboŋ.

2 Timoti 2:19

Kɛ a ɛ wobɛlbwa Korowii Dea waa pa o mun la cheɡɔ kiŋkiŋ ken. Ba chwerɛ o ta ŋɔ, “Korowii jemɛ nɛra baa ɛ o kwa,” dɛ berɛ chwerɛ ŋɔ, “Nomɛlbwa waa ŋɔa o ja Yeesu Kristo nɛra nɛɛ la chɛ kɛŋɔ ó laa o te kpɔ wechɔɡa ta.”

Yela 119:136

N sinii dɛ yɔɔ mɛ kɛŋɔ nenapale ken, dɛkalkɛ nɛra aa he Mmarare ta teŋɛ.

Ɛfesos 4:30

He bɛ ɡel Korowii Domadɛɛɡe la tea bini chɔɡ. Korowiirii kpɔɔ do heyaa nso dɛ́ won jemɛ he banɔ la waa dɛ ba lɛɛ o lɛɛ tɔpere la.

Jeremia 13:17

Kɛ dɛ he vɛh o waa la noe yaa, sɔeh mɛɛ ba sɔeh dɛ́ wi, he mbarafo wa. Mɛɛ wiu kohona siniire yɔɔ mɛ, lawa baa lawɛ Korowii nɛra laa ta kaa bojaŋ harɛ ta la wa.

Kaala 12:13

Chal haa kpɔ ɛ he doonyoo laanee dɛ́ baɡle deene haa soɡe a bini. N teŋo baa kaa dɛ na chal laa, maa heyaa wobɛlbwaa ɛ, mɛɛ ɡale heyaa ta, ásɛ dɛ jo Ijipt tena la deremi dɛ́ tɛr ba deŋne.

Yela 119:53

N nao kɛ nɛnchɔɡa vɛh he Mmarare la ta teŋa aa, dɛ n baah diu.

Kaala 12:7

Ásɛ ba kpɔ a chale la ane ɛ ba doonyoo daa nyundua, ne a keŋkeŋni dem bela baa dɛ ba ola la chwee la.

Aesaya 57:15

Menee dɔ sɔn dɛ ɡwaa komɛlbwa dɛ do ɡoroŋ, dɛ do le saŋ bɛlbwa. N soɡe n kookara waa daŋa ta boɡoroŋ nyundua, dɛ berɛ so nɛra ba tea bini aa chɔɡa ba wechɔɡa wa. Ba pwɛr ba te baah ta, dɛ́ ɡel ba sie sɔɔh, bá dɔ hwɛɡa ja.

Malakae 3:16

Kɛ banɔ la baa dɛ ɔmɛ Korowii bol waa dɔŋa be, asɛ Korowii do deŋne ba be, dɛ no waa bwa baa bola. Nɛra baa dɛ ɔmɔ dɛɛ tɛ o sɔn jirima la, ba chwerɛ ba sɔna do tɔn bini bil o sie, dɛ kpɔ dɛɛ lii ba wa.

Ɛsekeɛl 21:6

Anomanta, Nɛwɛnyini bie, ɡel he bambile chɔɡ he loo ku kohona hɛɛ hime, ásɛ nɛra bwa nae.

Ɛsekeɛl 6:11

Kenii Nemenɛ Korowii ŋɔ, “Ɛsekeɛl, lɔ kpaŋa dɛ́ ɡɔɔ nakpale lɔ harɛ, dɛ́ wi lokua ne, Israel tena kii waa baa ɛa la wa. Baa serewe laa ne lɔr dɛ weechɔɡa taa.

2 Kɔrent 12:21

Maa nyin kɛ ń ba ba he be ásɛ N Naa Korowii koh he wechɔɡa waa dɛ́ ɡel n fɛɡre. N balɔ dɛ wechɔɡ-ɛɛra ta warɛ he bini, ba tea bini ta chɔɡɛ ba charɛ ba liire ba wedoŋa, ne ba jwamane, ne ba pɛlchɔɡa we-ɛɛla baa dɛɛ ɛ ta naa, n tea bini ɛɛ chɔɡoo.

2 Koranar 22:13

“Hé la ka bɔɔ le Korowii be tɛ n ne nɛra baa ka Israel ne Juda, tɔn nɔ baa ɡaaɡa dɛ ka nao nɔ wa. Korowii baah di n ne Juda harɛ nɔ ta nɛra bwa nɛɛ taeh, dɛkalkɛ ya naawa ta waa aa lɔ tɔn nɔ bini nɔ ta teŋɛ.”

Galaasia 6:17

Nomɛlbwa bɛ men yɔna do kpa. Yeesu Kristo toma maa dɛ ɛ la, a ŋwɛra pɛla lɔ n nɛ.

Mumpar 4:15

Anee Korowii ŋɔ, “Gɛ laa, nomɛlbwa waa kpoe la, wɛɛ dɔ he wechɔɡa nɔ kembɔr nɔ bele anuanɛɛ.” Asɛ Korowii do Keen dema, ásɛ a baɡle kɛŋɔ Korowii bɛ on kpo.

Ɛsekeɛl 9:5

N taa dɛ no Korowii be la, o berɔ ŋɔ baala la ɡe be ŋɔ, “Hé teŋɛ o nɛɛ jo bwɛjen la bini, dɛ́ ka kpoo nɛra la. He bɛ bɛlbwa ɡel, he bɛ tedoma dɔ tɛ bɛlbwa.

Ɛsekeɛl 9:6

Hé kpoo banjeni, bonɔɔna ne toli, haahna ne bechale. Kɛ he bɛ banɔ la baa do ba nso la te kpoo. Hé pa mun le n Dea bonɔ.” Anomanta, ba pa mun le nomonome baa lɔ Korowii Dea la sie nɛ.

Emɔs 6:6

He dɛ nyɔ numojena ne sen, dɛ kpɔ konsɔɔhsoma aa wera dɛɛ ɛ he te, kɛ haa chɔɡa Israel aa dɛ ba chɔɡa te waa wi.

Sefania 1:12

A ɡɛ saŋ mɛɛ kpɔ kandeaa ɡaaɡe Jerusalam bwa, dɛ́ tɛr nɛra baa dɛ lii kɛŋɔ wobɛlbwa ta ban hiaeh, ba nyu bini do ba som la deŋne, dɛɛ lii ŋɔ, ‘Wobɛlbwa aa ɛ wedɛɛɡa kɛɛ anchɔɡa la, Korowii waane laa.’

Sefania 3:18

O sie ɛɛ lɛo kɛŋɔ nɛra aa dɛ di tɔpejen bɛl dɛɛ lɛ ba sie la ken.” Korowii ŋɔ, “N ɡelɔ he wenaale la ba a jaɡa, dɛ laa waa aa dɛ do heyaa sihiih ɡe kpɔ.

Kaala 12:23

Korowii dɛ ba harɛ la ta joe, dɛ́ kpo Ijipt tena bibanloɡla bwa. O teŋo baa kaa dɛ na chal la doonyoo daa nyundua ne a keŋkeŋni ɡɛ naa, wɛɛ ɡelaa dɛ́ ba kaa. Waa ɡel Korowii nyundua torome waa dɛ kpoo Ijipt bibanloɡla la jo he deremi ta dɛ́ kpoo heya.