Ɛsekeɛl 8:6 - mzwDBL

⁶ Korowii ŋɔ n be ŋɔ, “Nɛwɛnyini bie, he na waa maa kia Israel tena ɛa bonɔ kenɛ? Waa aa doŋ mɛ le n Dea kaa bojaŋee ba ɛ la. Hɛɛ na anɔ la maa kia kohonaa á ɡwaa anɔ kwara.”

Ɛsekeɛl 8:6 ပူးပေါင်းရင်းမြစ်များ

2 Webena 29:5

dɛ ŋɔ, “Hé Lewi dea tena hé no! Hé tɔ sie le he te cheɡ tɛ Korowii, dɛ́ laa doŋa bɛlbwa kpɔ he nɛɛ dɛ́ do ɡoroŋ, dɛ́ laa doŋa bɛlbwa kpɔ Korowii ya naawa aa tomɔ Dea nɔ ta. Hé laa komɛlbwa aa ɡela o kah doŋa kpɔ o bini.

Yela 78:60

O ɡel o Tɛnte Dea waa lɔ Silo, waa ɡela ba baŋro o ɛ o dobɔr harɛ nɔ ta la.

Sɛɡla 5:14

Asɛ buɡ nɔ ta mɛɛ ba ncho dii, nɛra bwa siwi ta nɔ.”

Jeremia 11:18

Korowii ɡelɔ men Jeremia jemɛ vɔrɔwa n dɔma aa dɛ vɔrɔwe n wa.

Jeremia 23:11

Korowii ŋɔ, “Keamere la ne sɔfore bwa aa men duu, hale n Dea bela, ba dɛ ɛ wechɔɡa.

Jeremia 26:6

Dɛ he ta teŋɔ dɛɛ ɛ deŋnekpeɡ aa, ate waa maa ɛ Silo laanee mɛɛ ba n Dea bonɔ ɛɛ, ásɛ harɛre nɛra bwa kpɔ bwɛjen Jerusalam sɔn ɛ kon baa taahno.”

Jeremia 3:6

Kooro Josia kora dii saŋee Korowii bol men Jeremia be ŋɔ, “He na waa Israel tena ba waa aa wola kasinteŋ dɔe kɛŋɔ hanjwamane aa ɛa kenɛ? Ba la deŋɡarere dor ne dajena mune kaa tomɛ voɡa.

Jeremia 32:34

Hale ba kpɔ voɡa maa kia la ba cheɡ n Dea maa ŋɔa baa tom mɛ o bini la ta, dɛ kpɔ doŋa kaoh.

Jeremia 7:17

Haa ba we-ɛɛla na Juda bwɛjena ne Jerusalam fɔɡbaahna aa?

Jeremia 7:30

Juda tena ɛ wechɔɡa ane. Ba kpɔ ba voɡare maa kia la cheɡ n Dea maa lea cheɡ ŋɔ baa tom mɛ o bini la, dɛ kpɔ doŋa kaoh.

Ɛsekeɛl 10:18

Ate, Korowii jirima le o Dea doonyoa bela dɛ ba che Kerobim la nyundua.

Ɛsekeɛl 10:19

Maa nyiŋa la, n nao kɛ Kerobim la paɡri kena dɛ ir kaa nyundua, a ne saaker nakpale la. A kaa che Korowii Dea wee leebɔr doonyoa la ta, asɛ Korowii Israel tena aa dɛ tomɔ la jirima tɔ a nɛ.

Ɛsekeɛl 11:22

Kerobim la paɡri a kena dɛ ir, asɛ saaker nakpale la ja a nɛ, asɛ Korowii Israel tena aa dɛ tomɔ la jirima chaah kohona dɛ tɔ a nɛ.

Ɛsekeɛl 11:23

Korowii jirima le bwɛjen la ta, dɛ kaa bwejen bɛl waa lɔ o wee leebɔr doa.

Ɛsekeɛl 14:6

Anomanta, ŋɔ Israel tena be ŋɔ, ‘Men Nemenɛ Korowii ŋɔ bá charɛ ba liire le voɡa ne kwaa maa kia baa toma la ta, dɛ́ berɛ ba n be.

Ɛsekeɛl 18:12

dɛɛ faah nyaara, dɛɛ ŋwɛ. O kemɛ nɛn suuɡa dɛ lɛ kon cheɡ naate ta kem la ba bɔe yaa. Waa naate kon kpɔe dɛɛ tɛo. O dɛ tomɛ voɡa maa kia la.

Ɛsekeɛl 43:8

Koranar la kpɔ ba doonyoo ne a daa ba kpaɡɛ n Dea doonyoo kwaa la, asɛ danjwɛɛ teŋe n ne ba baah ta. Ba ɛ waa maa kia, dɛ kpɔ doŋa kah n sɔn waa do ɡoroŋ la, asɛ n baah di n kpoo ba.

Ɛsekeɛl 47:6

O bɔɔ mɛ ŋɔ, “Nɛwɛnyini bie, he na waa nɔ kenɛ?” Asɛ dɛ berɛ tɔ n sie dɛ kpɔ mɛ le ba moo la nyoa.

Ɛsekeɛl 5:11

Anomanta, Nemenɛ Korowii ŋɔ, “N ŋwɛɛrɔ kɛŋɔ, haa kpɔ voɡare ne we-ɛɛla maa kia dɛ kpɔ doŋa ba kah n Dea nɔ, n laa sie kpɔ he nɛ, maa he nɛɛ sune, maa he bwaraa kpɔ kɛ heyaa kpa.

Ɛsekeɛl 8:13

Korowii berɔ ŋɔ, “Hɛɛ na anɔ la maa kia kohona á ɡwaa anɔ.”

Ɛsekeɛl 8:14

Korowii berɔ laɡ mɛ ba o Dea la weekaŋle nyunduabɔr doonyoa la ta, asɛ n na haahna bane baa soɡa dɛɛ wi ba voɡ bɛl baa dɛ yerɔ Taamus la seo.

Ɛsekeɛl 8:7

Asɛ o laɡ mɛ ba dembaah la doonyoa bela. N nyiŋo dɛ na bɔɔ bɛl danjwɛɛ la ta.

Ɛsekeɛl 8:9

Korowii berɔ ŋɔ, “Jo dɛ́ ka na wedoŋa ne kwaa maa kia baa ɛa bela.”

Hosia 5:6

Ba kpɔ ba peera ne nae ɛ saraha dɛɛ nyin men Korowii bɔr aa, baa men na. N laa n te kpɔ ba nɛ.