Ɛsekeɛl 7:26 - mzwDBL

²⁶ Harɛchɔɡ ɛɛ teŋɛ dɔŋa nɛɛ dɛɛ ba, waa aa wola kasinteŋ ɛɛ la ɡe ɛɛ warɔɔ saŋ bɛlbwa. Hɛɛ dɛɛ nyinuu kɛ he no wepila waa le n keamere be. N waa la nyoɡre sɔfore liire ta, baa won bola kpa. Nomonome ɡe aa won jemɛ ja nɛra kpa.

Ɛsekeɛl 7:26 ပူးပေါင်းရင်းမြစ်များ

Yela 74:9

Korowii keamere toole kpa, ásɛ ya na he nyokpowe-ɛɛla. Nomɛlbwa ɡe aa jemɛ saŋ ya wenaale aa ba a jaɡa.

Aesaya 47:11

Wekpeɡa ɛɛ pui, he bebee waa bwa aa won sɔɔh a nyoa. Siswɛm waa ɛɛ pui, waa haa wola a waa deere bwa piɡri.

Jeremia 18:18

Asɛ nɛra la bane ŋɔ, “Hé ba ya vɔrɔwe Jeremia vɔrɔwa, dɛkalkɛ sɔfore waa baa dɛ bol la ɛɛ do lee, wejerema ɡe webaɡla aa tonɛ, ɡɛɛ Korowii keamere ɡe waa la ɛɛ ba cheɡa. Anomanta, hé ɡel ya nyin waane dawɛ o nɛ, dɛ́ ɡel waa waa dɛ bol la noe.”

Jeremia 21:2

“Bɔɔ le Korowii be tɛ yaa, dɛkalkɛ Babelɔn Kooro Nebukadnesa dɛ ba ba yo yaa. Korowii ken ɛɛ ɛ nyokpo waanee tɛ yaa kɛ saŋ la, ásɛ o berɛ habɔɔ kaa.”

Jeremia 37:17

A habɔɔ la, Kooro Sedekia tomɔ ba ba yer mɛ ba o be koodem. Asɛ o bɔɔ mɛ bokɛre ŋɔ, “Waane lole dɛ le Korowii be tɛ yaa kɛɛ?” Anee n chaŋe ŋɔ, “Waane lole, baa lawɛɛ tɛ Babelɔn kooro.”

Jeremia 4:20

Wekpeɡa ane balaa, dɛ ane teŋɔ, harɛ la bwa berɛ dimɡbia. Kerabeŋkpoŋ dɛ n tɛnte deene maa soɡe a ta bwa chɔɡɔ.

Wiile 2:9

Bwɛjen la doonyojena choɡlo dɛ huɡe harɛ, bune baa kpɔa dɛɛ kaɡra ɡe kuuɡi dɛ chɔɡ. Ba lawɛ o koranar ne nomonjena bwa laa ta kaa harɛfala ta. Sɔfore aa nɛra Korowii waa baɡle, asɛ Korowii keamere ɡe aa won wepila na dɛɛ le Korowii be kpa.

Ɛsekeɛl 11:2

Ate, Korowii ŋɔ n be ŋɔ, “Nɛwɛnyini bie, baala nɔɔ dɔ liichɔɡa dɛɛ do nɛra baa ɛ wechɔɡa bwɛjen nɔ ta la.

Ɛsekeɛl 12:22

“Nɛwɛnyini bie, sɛɡla Israel tena aa dɛ sɛɡle ŋɔ, ‘A dɛ biɡri, yaa wepila Korowii keamere aa dɛ baɡle ŋɔ aa bao la ɡe na.’

Ɛsekeɛl 14:1

Israel nomonome la bane ba men Ɛsekeɛl be, dɛ ba bɔɔ mɛ waa Korowii aa dɛ nyin.

Ɛsekeɛl 21:7

Dɛ ba bɔɔre ŋɔ, ‘Ɛrɛɛ he bambile chɔɡ hɛɛ hime kohona naa’, ŋɔ ba be ŋɔ, ‘Waa a taa lɔ sie dɛɛ ba bala waa. Ɔmee ɛɛ lawɛ nomɛlbwa kohonaa ba bwara ɛɛ sa, ba bambile chɔɡ, ba bwara yɔr.’ A dɛ ba bala. Aa bao ɡe. Men Nemenɛ Korowiirii bola.”

Ɛsekeɛl 22:26

Sɔfore ɡe vɛh me Mmarare ta teŋa. Baa waa aa do ɡoroŋ, ne anɔ la aa wola ɡoroŋ bini peɡri. Baa waa aa wera, ne anɔ la aa wola were ɡe baɡle, dɛ ɡel n Ona Tɔpera ɡe dii, a che a ta Israel tena vɛɛh mɛ.

Ɛsekeɛl 33:31

Gɛɛ ba yon dɛɛ ba he be saŋ bɛlbwa, dɛ́ ba so dɛɛ no waa haa dɛ bol, kɛ baa an kpɔe dɛɛ ɛ ɡɛ aa dɛ baɡle. Ba nyoo ɡboo ba kpɔ dɛɛ baɡle kɛŋɔ ba ɛ nɛndɛɛɡa, kɛ anɔ la baa dɔ ɡbo taa ba liire do.

Ɛsekeɛl 8:1

Baa lawɛ yaa kaa harɛfale ta bene anumɛl korobinumɛl tɔpenue ta la, dɛ men Ɛsekeɛl soɡe n dem, asɛ Juda tena nomonome la cheme n sie, asɛ Nemenɛ Korowii Doma den ba so n nɛ.

Lewi Dea Tena 26:18

Hale anɔ bwa habɔɔ dɛ haa n be no aa, mɛɛ berɔ ja he deŋnetɛra ta bele anuanɛ.

Lewi Dea Tena 26:21

He ta teŋɛ he deŋnekpeɡ la ta haa n waa ta teŋaa, mɛɛ berɔɔ ja he deŋnetɛra la ta bele anuanɛ.

Lewi Dea Tena 26:24

n ɡbabir ɛɛ beɡre sie he nɛɛ, dɛ́ tɛr he deŋne kohona a ɡwaa loɡla kwaa la bele anuanɛ ja.

Lewi Dea Tena 26:28

ate mɛɛ kpɔ n bandia kohonaa ba ta he nɛ, dɛ́ tɛr he deŋne bele anuanɛ ɡwa wubwa la.

Maeka 3:6

Anomanta, keame nyosonteŋna, a dɛ ba doe kɛŋɔ bɔr aa joa ta he nɛ, haa won dɛɛ na chaahna kɛɛ dɛɛ voɡɛ ɡe kpa.

Malakae 2:7

A chɛ kɛ sɔfo bɛlbwa dɔ wejema kɛrɛdɛ le men Korowii be, dɛ́ kpɔ dɛɛ baɡle nɛra wa, ásɛ nɛra la ba be kaa hweli n waa la. Banee men Koranar Bwa Kooro tomɛ.

Malakae 2:9

Anomanta, n ɡelɔ haa jirimaa dɔ, ásɛ sihiih kpo heyaa Israel tena siwi ta, dɛkalkɛ he ta n waa ta teŋɛ. Nɛra siebɔraa he nyiŋi dɛɛ bol wa.”

Mmarare 32:23

Mɛɛ kpɔ wahala kohonaa ta he nɛ, mɛɛ kpɔ n hɛma bwaa ta heya.

1 Samoɛl 3:1

Samoɛl lɔ sɔfo Eli sie dɛɛ ɛ Korowii toma. Gɛ saŋ dɛ Korowii waa waa cheɡɛ nɛra nɛɛ dɛɛ bol la ta warɛ. Dɛ waa nae chaahna ta ɡe aa kanɛ.