Ɛsekeɛl 7:24 - mzwDBL

²⁴ Mɛɛ ɡeloo nɛnchɔɡa tenten le harɛre ta ba, dɛ́ ba lɛ he deene dɛ́ kpɔ. Mɛɛ ɡeloo he kpeɡnɛra haa dɛ hwɛɡɛ ba nɛɛ la nyoa sɔɔh, dɛ́ ɡel bela haa dɛ tomɛ voɡa la ɛ pɛɛpɛɛ.

Ɛsekeɛl 7:24 ပူးပေါင်းရင်းမြစ်များ

Mumpar 47:26

Anomanta, Josef ɛ mmara harɛ la ta kɛŋɔ nomɛlbwa komɛ o koo kwa aa, ó bɔne a bini bɔre anue, dɛ́ kpɔ bɔrbeŋkpoŋ ba tɛ kooro. A ɡɛ mmara la ta lɔ Ijipt harɛ ta ba le fini. Nemenɛ harɛ waa ɛ sɔfore kon la ɡboo wola jae.

Yela 106:41

He vɛɛh ba tɛ nɛra baa wola hen Korowii tomɛ la, asɛ ba do ba lɔɡa dɛɛ tom ba.

Yela 74:7

Ba fuh he Dea la, dɛ kpɔ doŋa kah bela baa dɛ tomɛ la.

Yela 83:12

Ba ŋɔ, “Yaa kpɔ Korowii harɛ laanee berɛ ya kon.”

Aesaya 5:14

Lalabwɛɛ chɔɔ dɛɛ kpaa ba, o doonyoa pilo che. Jerusalam nomonjena ne dansaara ba sie aa lɛa baa do ɡbɔɡa la bwa ɛɛ jo belaa.

Jeremia 12:12

Laa tena baa wara lɔ pua hɛŋle ɡbo harɛ deŋɡarere dor, dɛɛ ba dɛ́ ba chɔɡ nɛra ne kwa. Men Korowiirii kpɔ ba dɛɛ ba, bá ba yoo ba, dɛ́ chɔɡ harɛ la bwa ásɛ nomɛlbwa bɛ deŋnesɔɔhna dɔ.

Jeremia 17:4

Hɛɛ paŋɛ harɛ maa kwaara cheɡ heya o ɛ he kapɛrɛ kon laanee. Mɛɛ kpɔ heyaa do he dɔma lɔɡa hɛɛ tom ba, harɛ haa wola o ta jemɛ bwa ta, dɛkalkɛ he ɡelɔ n baah di, waa wola sɔɔh bwa.”

Jeremia 4:7

Gɛ nyujente yon le o sɔɔhbɔr dɛɛ ba la, ɡɛɛ nɛn waa dɛ chɔɡ harɛre kpɔ o te dɛ le dɛɛ ba. O le bela waa lole, dɛ́ ba chɔɡ he harɛ. He bwɛjena ɛɛ berɛ dimɡbiaa, nɛra aa wola a taa so.

Jeremia 6:12

Baa kpɔ ba deremii tɛ nɛra bane, dɛ́ kpɔ ba kooni ne ba haahna ja, ɡɛ saŋ maa tɛr nɛra baa lɔ harɛ la ta deŋne. Men Korowiirii bola.

Wiile 5:2

Harɛ waa ɛ ya kapɛrɛ kon kaa di nɛŋhɔɔhra nɔn ta, harɛfala nɛra lɛ ya deremi dɛ so a ta.

Ɛsekeɛl 21:2

“Nɛwɛnyini bie, eɡle sie ta Jerusalam tena nɛ, dɛ́ bol ba be ŋɔ, bɔra baa dɛ tom mɛ a ta la aa were. Kah Israel harɛ ta tena ŋɔ,

Ɛsekeɛl 21:31

Mɛɛ kpɔ n banfuih ba ta he nɛ, dɛ́ kpɔ heyaa do nyubinikpeɡ tena baa won kwaa chɔɡa kohona nɔn ta.

Ɛsekeɛl 24:21

o dɛ ba o Dea haa dɛ ɛ mbarafo dɛɛ maŋkura he te o waa la chɔɡa. O wer he sie ta hɛɛ nyinu. Wɛɛ ɡeloo ba kpoo he bibaala ne bihaahna haa ɡel ba habɔɔ Jerusalam la laa ta.

Ɛsekeɛl 28:7

Mɛɛ ɡeloo nɛŋhɔɔhra baa ɛ harɛre nɛra ba nyu bini aa kpeɡa ɡwaa harɛre bwa nɛra ba yoi. Baa pamɛ ba kerii, dɛ́ chɔɡ kwaa haa cheɡɛ he wejema ta dɔ dɛ do wer la.

Ɛsekeɛl 33:28

Mɛɛ ɡeloo harɛ la chɔ pɛɛ, ásɛ kpeɡri o fa aa dɔa dɛɛ ɛ mbarafo la ba a jaɡa. Bwejena aa lɔ Israel harɛ ta bwa ɛɛ chɔɡoo, ásɛ nomɛlbwa aa won kpɔ a ta.

Sefania 1:13

Ba dɔma ɛɛ pa ba kondɔɔh bwaa kaa, dɛ́ chɔɡ ba deene. Baa ma deenee, kɛ baa a binii so, dɛ́ parɛ ɡrepo daa kooni, baa a nɔnaa dɔ ɛ sen nyɔ.”