Ɛsekeɛl 7:23 - mzwDBL

²³ Hé nyin jɔɡrɔre cheɡ, nɛŋkpoa ɡboo harɛ la bwa, yoi ɡboo bwɛjen la bwa.

Ɛsekeɛl 7:23 ပူးပေါင်းရင်းမြစ်များ

2 Koranar 21:16

Kooro Manasɛ kpoo nɛra baa wola wechɔɡa bɛlbwa ɛɛ dɛ warɛ taeh, asɛ ba chale ɛɛ palɛ Jerusalam fɔɡbaahna bwa. O berɔ ɡel Juda harɛ tena jo voɡa toma ta, dɛ ɛ wechɔɡa jo Korowii nɛ.

2 Koranar 24:4

ne nɛra baa wola wobɛlbwa ɛɛ o kpoo ba warɛ Jerusalam la wa. Dɛ Korowii aa nyin kɛ ó kpɔ kɛo.

Aesaya 1:15

He ir nɔɔra dɛɛ soŋ mɛ naa, mɛɛ laa sie kpɔ he nɛ. Hale he soŋ mɛ ɡɛ bɛlbwa kwaraa noo, maa no. Nɛra haa kpoora chal maa he nɔɔra bwa.

Aesaya 59:3

Nɛŋkpoa ne wedoŋa ɡboo su he bwa. Waa aa dɛ le he nyoo ɛ nyosone, hɛɛ lii nyubinikpeɡ we-ɛɛla.

Aesaya 59:7

He ɡbaŋre wechɔɡa ɛɛ ne nɛn waa wola wechɔɡa ɛɛ kpoe ta. Wechɔɡa lɛ he liire bwa, dɛɛ chɔɡ kwaa bobɛlbwa haa dɛ la.

Jeremia 2:34

Nyaara baa wola wechɔɡa bɛlbwa ɛɛ he kpoo ba la chal ka he laala ta nɛra ɛɛ naa, a lole kɛŋɔ he ta ban lawɛ kɛŋɔ ŋwɛɛra ba jo he be. Kɛ ane a bwa,

Jeremia 22:17

Kɛ he sie beɡre anɔ la he ɡbo aa dɔ ta, dɛɛ kpoo nɛra baa wola wechɔɡa bɛlbwa ɛɛ, dɛɛ fiɡ ba, dɛ ɛɡ ba dɛɛ lɛ ba kwa. Men Korowiirii bola.”

Jeremia 27:2

ń kpɔ oltɔn ŋwɛɛra vɔwɛ da, dɛ́ kpɔ dawɛ n baŋa ta kɛŋɔ ba yon kpɔ daa dawɛ nae nɛ aa parɛ la.

Jeremia 40:1

Korowii bol waa men Jeremia be, ɡɛ saŋ Nebusaradan waa chɔ kooro laa tena baa dɛ daahno nyoa, aa lee mɛ dea baa do mɛ Rama la. Dɛ ba laɡ mɛ dɛ do mɛ jɔɡrɔre, dɛ kpɔ n ne Jerusalam dɛ Juda tena baa lawɛ yaa laa ta la kaa Babelɔn harɛ ta.

Jeremia 6:7

Gɛ nee yon bule dɛɛ le bule ta la, ɡɛɛ wechɔɡa le Jerusalam dɛɛ ba. Kwaa chɔɡa ne yoi ɡbɔɡa su o ta. Weela ne dɔŋa bola doe ɡboo mɛɛ na bobɛlbwa.

Jeremia 7:6

Hé ɡel hɔɔhra ne bilalbii dɛ luhaahna fiiɡa. Hé ɡel nɛra baa wola wechɔɡa bɛlbwa ɛɛ dɛ so he bini la kpoora, dɛ́ ɡel voɡare ɡe toma, a ɡɛ ɛɛ won chɔɡ heya.

Wiile 3:7

O vɔɡ mɛ jɔɡrɔre ne, n do kɛŋɔ nɛn baa lawɔ do dea, n ta hwɛɡa bɛlbwa dɔe dɛ́ won lɛ n te.

Ɛsekeɛl 11:6

He kpoo nɛra bwɛjen nɔ ta warɛ ɡa, ba lala perɛ fɔɡbaahna bobɛlbwa.

Ɛsekeɛl 12:19

Ŋɔ harɛ la ta nɛra be ŋɔ, ‘Men Nemenɛ Korowii dɛ bol nɛra baa lɔ Jerusalam ne Israel harɛ la ta nɛra be kɛŋɔ, báa di kwaa bochela nee, dɛ́ nyɔ nee ɔmee ne sibeɡra ne. Harɛ la bwa dɛ ba chɔɡa dɛ́ chɔ pɛɛ, deŋnekpeɡ ne naɡrenyin we-ɛɛla aa lɔ bela la wa.

Ɛsekeɛl 18:12

dɛɛ faah nyaara, dɛɛ ŋwɛ. O kemɛ nɛn suuɡa dɛ lɛ kon cheɡ naate ta kem la ba bɔe yaa. Waa naate kon kpɔe dɛɛ tɛo. O dɛ tomɛ voɡa maa kia la.

Ɛsekeɛl 22:13

Mɛɛ lɔ kpaŋa bandia nee dɛ kooɡa ta ba nɛ, ŋwɛɛ ne nɛŋkpoa la wa.

Ɛsekeɛl 22:27

Israel nomonome do kɛŋɔ ɡboli dɛɛ peeɡe ola aa kpoora la. Nɛŋkpoa taa ba che dɛɛ nyin kondɔɔh.

Ɛsekeɛl 22:9

Ba bini bane teŋe nyosone dɛ ɡel baa kpoo ba bala, bane ɡe ɛɛ di voɡa kwaa deŋɡarere ta, bane ɛɛ bɔ jwamane.

Ɛsekeɛl 45:9

Nemenɛ Korowii ŋɔ, “Israel koranar, he wechɔɡa la ɡwaalɔ to. Hé ɡel naɡrenyin, ne fiiɡa haa dɛ fiiɡi nɛra la, dɛɛ ɛ anɔ la aa wera dɛ toɡre. He bɛ n nɛra doŋi le ba harɛ ta dɛ́ kpɔ ɛ he kon. Men Korowiirii bola.

Ɛsekeɛl 8:16

O berɔ kpɔ mɛ ba o Dea la dembaah bela, doonyoa bela pato la ne kon baa dɛ ɛ saraha o ta la baah ta, dɛ baala fifraanɛ dɛ banue lɔ bela. Ba habɔɔ chaɡɛ Korowii Dea la, asɛ ba sie chaɡɛ wee leebɔr pera baa tomɛ wee.

Ɛsekeɛl 8:17

Korowii berɔ ŋɔ n be ŋɔ, “Nɛwɛnyini bie, he na anɔ kenɛ? Juda tena dɛ ɛ waa maa kia la, a ɡbo ta ba ne maɡrɛ, ba berɔ kpɔ naɡrenyin we-ɛɛla perɛ bwɛɛre la bwa, dɛɛ muɡli n baah, dɛɛ chɛɡ mɛ kohona.

Ɛsekeɛl 9:9

Korowii chaŋ mɛ ŋɔ, “Israel ne Juda tena wechɔɡa ɡwaalɔ kohona, nɛŋkpoa ɡboo harɛ la bwa, kasinteŋ toole Jerusalam kpa. Ba dɛ bol ŋɔ, ‘Korowii vɛh ya harɛ nɔ, waa yaa na.’

Hosia 4:2

Taahna wobol ɡboo lɔ he nyoo, he dɛ teŋe nyosone, dɛɛ kpoo dɔŋa, dɛɛ ŋwɛ, dɛɛ chɔɡ yal, dɛɛ ɛ anɔ la aa wola were bwa dɛɛ ja. Nɛŋkpoa ɡboo harɛ nɔ ta bwa.

Maeka 2:2

Ba dɛ nyin nɛra kooni kɛɛ deene aa, ba dɛ lɛa kpeɡri ne. Ba won nɛra deremi, kɛɛ ba kapɛrɛ kwaa ɡe lɛɛ neɡra ŋwɛnɛ ta.

Maeka 7:2

Ba doŋi nɛra baa dɛ duu Korowii bwa le harɛ la ta, nomɛlbwa ta kae o waa toɡre kpa. Nɛra bwa chɔɔ dɛɛ kpa kɛŋɔ bá kpoo nɛra, bɛlbwa dɛ harɛ o dɔŋ bel dɛ́ dɔɔ lawɛ.

Neehum 3:10

Kɛ ba wono ba yo he nɛra, dɛ laɡ ba kaa harɛfale bɛl ta. Ba lawɛ bechale dɛ kpɔ ba cha harɛ ba bini toɡri chɔ fɔɡbaahna. Ba lawɛ nomonjena dɛ bil daa ba nyuune ta, dɛ kpɔ jɔɡrɔre do sitɔɔla.