Ɛsekeɛl 7:19 - mzwDBL

¹⁹ Baa kpɔ ba suuɡapoŋa ne suuɡaswɛmee ta fɔɡbaahna kɛŋɔ chaa. Ba suuɡapoŋa ne suuɡaswɛm la aa won lɛɛ ba le men Korowii bandia tɔpere la ta. Baa won kpɔa yawɛ kwaa di, baa won dia ɡe dɛ́ vaɡɛ, dɛkalkɛ a taa ba lɔ naa dɛ ɛ wechɔɡa.

Ɛsekeɛl 7:19 ပူးပေါင်းရင်းမြစ်များ

2 Koranar 7:15

Ba ti ba ka tel Jɔɔdan Moo nyoa, dɛ Siiria tena pa ba yale ne ba laala ta ŋwɛnɛ ta, warane baa dɛ nyin dɛ chwa kaa nomanta. Asɛ toroma la berɛ ba dɛ ba ŋɔ kooro be.

Sɛɡla 10:2

Wechɔɡa ŋwɛnɛ kpɔe dɛ́ dɔ kondɔɔh ta tɔnɔ bɛlbwa dɔe, kɛ dɛ he waa toɡraa, a dɛ lee seo ta.

Sɛɡla 11:4

Kondɔɔh ta tɔnɔ dɔe seo tɔpere, kɛ he waa toɡrɔ aa, a dɛ lee seo ta.

Wejereme 5:10

Nomɛlbwa o sie aa beɡre suuɡa laa an dɔ kohona, nomɛlbwa waa dɛ nyin kondɔɔh kohona la sie aa a ta lɛ. Anɔ ɡe ɛ wepuu, a do kɛŋɔ nɛn waa dɛ loo vii habɔɔ, dɛ ɡel o bini la ken.

Aesaya 2:20

Nɛra ɛɛ pa ba voɡa baa kpɔ suuɡapoŋa ne suuɡaswɛm ɛa, dɛɛ toma laanee ta a wola tɔpere, ásɛ a berɛ daŋɡboŋre ne jereme kwa.

Aesaya 30:22

Haa he voɡa haa kpɔ suuɡapoŋ ne suuɡaswɛm ɛ a bwara, laanee kpɔ ɛ wobɛlbwa kpa, dɛ́ kpɔa ka ta kɛŋɔ yakwara aa wola were ken, dɛ́ ŋɔ a be ŋɔ, “Hé le ya sie.”

Aesaya 55:2

Bɔkwa waa hɛɛ chɔɡ suuɡa kwaa aa wola kondikwaa ɛɛ ta, dɛɛ koh kwaa aa wola vaɡɛ ta nɔɔ? Hé cheɡ deŋne kɛrɛdɛ dɛɛ no waa maa dɛ baɡle heya, ásɛ dɛ dɔ kondikondɛɛɡa di.

Wiile 4:1

Na ɡɛ ya suuɡaswɛm sie aa chɔɡa, suuɡaswɛm tenten o fa aa dɛ nyɛɡle kohona la, o ta berɛ do ɡɛ kpa. Korowii Dea bwedɛɛɡa a yoɡ aa kpeɡa, peɡrɔ dɛ chɔ fɔɡbaahna.

Ɛsekeɛl 13:5

Baa sie do danjwɛɛre aa peɡra la ta, dɛ́ kwaara, ásɛ dɛ laa dɛ ba naa, ba won lɛ Israel ta, dɛ́ won che Korowii Tɔpere La nyoa.

Ɛsekeɛl 14:7

Dɛ Israel te bɛlbwa kɛɛ hɔɔh bɛlbwa waa soɡe Israel tena bini berɛ habɔɔ kpo mɛ dɛ kpɔ voɡa toma che o bambile ta, dɛ ir la n keame be, dɛ́ ka bɔɔ dɛ́ jemɛ waa maa dɛ ba ɛɛ yaa, n ɡbaɡbaa dɛ́ chaŋe naate waa tɛo.

Ɛsekeɛl 30:3

Tɔpere la telo tonɛ. Tɔpere Korowii aa bol Ijipt harɛ tena waa la telo tonɛ. Baama ɛɛ tɔɔ awola, ásɛ harɛre bwa chɔɡ.

Ɛsekeɛl 44:12

Baa tomɛ voɡa dɛ ɡel Israel tena ɛ wechɔɡa nomanta, n ir nɔn dɛ ŋwɛɛ kɛŋɔ a chɛ kɛ ba dɔ deŋnetɛra ba wechɔɡa la wa. Men Nemenɛ Korowiirii bola.

Sefania 1:18

Korowii bwaawee Tɔpere la, ba suuɡaswɛm kɛɛ suuɡapoŋa aa won lɛɛ ba. O bwaawee dɛ ba harɛ nɔ bwa fuih kɛŋɔ nii ken. Nomɛlbwa waa soɡe harɛ nɔ ta waa ɛɛ ba a jaɡaa buɡ ta.

Sefania 1:3

Mɛɛ chɔɡ nɛwɛnyina ne ola bwaa, ne jumbii aa dɛ ɡah nyundua, ne mpo bini pɛŋa bwa. Nɛnchɔɡa ɛɛ daŋɔɔ chɔ kɛŋɔ dea aa chola chɔ ken, dɛ́ chɔɡ nɛwɛnyina bwa, nomɛlbwa aa wola ka. Men Korowiirii bola.

Matiu 16:26

Dɛ nɛn dɔ harɛ nɔ ta kwaa bwa dɛ nyoɡre o nyu aa, bɔkwa tɔnɔɔ wɛɛ ba dɔe yɔ? Bɔkwaa nɛwɛnyini ɛɛ ba wona kpɔ dɛ́ charɛ o nyu ɔ?

Tɔn Pɔɔl Aa Chwerɛ Rom Tena 11:9

Ya nabaa Devid bolɔ ŋɔ, “Korowii, ɡɛ saŋ baa dɛɛ di kwaa dɛɛ lɛ ba sie la, ɡel siswɛm piɡ ba. Gel waa ba sie aa dɛ lɛ a ta la ɛ kon baa lɔ naa o ta dɛɛ choɡli, dɛ́ ɛ bel dɛɛ laɡ ba, ásɛ ba wa ɛɛ ɡure ba nɛ.