Ɛsekeɛl 7:16 - mzwDBL

¹⁶ Banɔ la baa dɔ ba nyu dɛ chwa la ɛɛ ka so bwejena doree, dɛɛ wi kɛŋɔ fɛlembɔjena bini kwehre ken, bɛlbwa wechɔɡa waa ɛa wa.

Ɛsekeɛl 7:16 ပူးပေါင်းရင်းမြစ်များ

Ɛsra 9:15

N Naa Korowii Israel tena aa dɛ tomɛ, he waa toɡrɔ kohona! He ɡelɔ ya bini bane ta so le. Ya di bolchɔɡe dɛ kpɔ ya wechɔɡa dɛɛ bil he sie, anomanta, ya bini bɛlbwa toole dɛ́ won ba che he sie.”

Yela 55:2

no n be dɛ́ chaŋ mɛ, n liire chɔɡ waa aa dɛ ha mɛ ta,

Aesaya 1:9

Dɛ Koranar Bwa Kooro fe ta ya nɛn tamaa bane ɡelaa, ya bwa fe serewɔ kwaraa kɛŋɔ Sodom ne Gomoora tena ken.

Aesaya 37:31

Nɛra baa ka, dɛ́ le Juda dea la ɛɛ doo kɛŋɔ, daa waa ta lune kaa bini, dɛ won nɔna la ken.

Aesaya 38:14

N wio n taa do jeɡaa kɛŋɔ kweah aa dɛ si ken. N ha sie nyiŋi nyundua dɛ ba koh. N Naa Korowii, ba lɛɛ mɛ le n wenaale bwa maa dɛ na nɔ ta.

Aesaya 59:11

Ɔmee chole ya nɛɛ ya wi dɛɛ di suna. Ya dɛ nyiŋi kɛŋɔ, Korowii ba lɛ yaa le nɛra baa dɛ fiiɡi yaa nɔn ta, kɛ yaa wobɛlbwa na.

Aesaya 59:12

N Naa Korowii, ya wechɔɡa kan kohona he sie, ya wechɔɡa ɡba di danseɛ. Ya jemɛ ya wechɔɡa bwa.

Jeremia 3:21

Lɔŋɔre dɛ le bwejena aa chɔ pɛɛ dor, Israel tena wii baa dɛ wi dɛɛ soŋe ba wechɔɡa baa lɔ a ta wa, dɛkalkɛ ba soh Korowii baa dɛ tomɔ wa.

Jeremia 31:9

Baa ba wii nee, dɛɛ soŋe men Korowii, ɡɛ saŋ maa laɡ ba dɛɛ ba. Mɛɛ laɡ baa kpɔ nenabɔɔne nyoo, harɛ waa chɔa kaa, baa wola naa lɔ o ta, dɛkalkɛ n ɛ Israel tena mɛɛ, Efrem ɡe ɛ n bibanloɡle.”

Jeremia 44:14

Juda tena baa kaa dɛ ba so Ijipt harɛ ta la aa won le a nyoa baa wola serewe. Ba bini bɛlbwa aa won berɛ la Juda harɛ ta, bela baa dɛ nyin kɛ ba berɛ ka so ja la. Ba bwa aa won kaa, atane ba bini tamaa bane.”

Jeremia 44:28

Ba bini banɔ la baa dɔ bɔr le Ijipt harɛ ta kaa Juda la ɛɛ do tamaa kenii. Ásɛ Juda tena bwa baa kaa dɛ ba so Ijipt harɛ ta la jemɛ bɛl la o wa aa dɔ kasinteŋ, n waa la kɛɛ ba waa baa dɛ teŋɛ a ta la.

Jeremia 9:19

Hɛ́ɛ no wii ɡbɔɡa aa dɛ le Saayɔn. Ba ŋɔ, ‘Akwe, ya chɔɡɔ! Sihiih kpo yaa kɛrɛdɛ. A chɛ kɛŋɔ yá le ya harɛ nɔ ta, ya soŋnibɔra bwa paɡrɔ.’ ”

Ɛsekeɛl 14:22

Ane a bwa, ba bini bane ɛɛ kao, bibaala ne bihaahna ɛɛ le o taa ba hen Ɛsekeɛl be. Hɛɛ na ba daa, ne ba we-ɛɛla, dɛ́ dɔ bolarawa le wenaale maa kpɔa ba ta Jerusalam tena nɛɛ la ta.

Ɛsekeɛl 34:6

Anomanta, n peera yeŋo ka do bwejena dor ne deŋɡarere ta. A peɡrɔ kaa harɛ nɔ ta bobɛlbwa, nomɛlbwa ta a waa liire dɛ ɡaaɡe a bɔr.

Ɛsekeɛl 36:31

Belaa hɛ́ɛ ba he wechɔɡa ŋwɛnɛre ne he nyubinikpeɡ we-ɛɛla bwa liira, ásɛ he baah di he ɡbaɡba nɛɛ wechɔɡa ne kii waa haa ɛa la.

Neehum 2:7

A chɛ kɛ Niniwe chɔ pɛɛ, ásɛ ba lawɛ o nɛra laa ta kaa. O toli ɛɛ wiu kɛŋɔ kwehre ken, dɛɛ lɔ ba bambile á baɡle kɛ ba dɛ di suna.

Sefania 1:14

Korowii Tɔpejen waa lea cheɡ o do ɔma la telo tonɛ, o dɛ ba warawara, o pu yaa tonɛ. A ɡɛ tɔpere la ɛɛ ɛ sibeɡraa taeh, banyoola ɛɛ do lɔŋɔre kohonaa.