Ɛsekeɛl 7:11 - mzwDBL

¹¹ He naɡrenyin we-ɛɛla la ɛɛ berɛ daŋɡbalaa, dɛ́ tɛr wechɔɡ-ɛɛra deŋne, ba komɛlbwa aa kae ba, ba kondɔɔh ne kwaa aa dɛ tɛɛ ba jirima la bɛlbwa aa kae ba.

Ɛsekeɛl 7:11 ပူးပေါင်းရင်းမြစ်များ

Yela 125:3

Nyubinikpeɡ tena aa won dɛɛ nyiŋi harɛ waa ɛ nɛra ba wa aa toɡra kon ta saŋ bɛlbwa. A ɛ ɡɛ naa, nɛra ba wa aa toɡra laanee bá na kɛŋɔ ba ken ɛ wechɔɡa.

Yela 73:8

Ba dɛ mamɛ ba bala, dɛɛ bol ba bwara wechɔɡa, ba dɔ mbarafo, dɛɛ vɔrɔwe ɡɛ baa fiiɡi ba bala.

Yela 78:64

Ba kpoo ba sɔfore laa ta, ba ta ɡelɛ ba luhaahna wi.

Aesaya 14:29

Filisti tena, daŋɡbala baa kpɔa lɔɔ heyaa ka la kuu, kɛ he bɛ ɡel he sie lɛ he hɛɡre. Harɛkon sewaa, onchɔɡe kɛ domkpule dɛ́ chiɡ o naa ta, ásɛ o bii ɡe do kɛŋɔ doh dɛ́ ir.

Aesaya 5:7

Koranar Bwa Kooroo dɔ daa koo la, asɛ koo la che tɛ Israel tena. Daa la cheɡɔɔ tɛ Juda tena, banee daa waa chɔɔra o sie lɛ a ta la. O fe dɛ nyin kɛ baa ɛ waa aa wera, asɛ ba berɛ dɛɛ kpoo nɛra. Dɛ o dɛ nyin kɛ baa ɛ wedɛɛɡa ɡe, kɛ nɛra baa dɛ fiɡ ba wii wɛɛ no.

Aesaya 9:4

He pɔ ba dɔma ba fa aa dɛ ha ba, kɛŋɔ baa kpɔ daa dawɛ nae anɛ nɛ aa parɛ, dɛ kpɔ daŋɡbale dɛɛ lɔɔra la nɛ. Gɛ tentenee he kuuɡi daa aa dawɛ Midian tena nɛ dɛ lɛɛ ba.

Jeremia 22:18

Anomanta, ɡɛ Korowii aa bol Juda Kooro Josia, o bibaa Jehoiakim waa nɔ. “Nomɛlbwa aa Kooro Jehoiakim seo waa wi, kɛɛ dɛ ŋɔ, ‘Aku, n dam, he seo dɛ we, bwɛɛlɛ ne seo.’ Nomɛlbwa aa on wi ŋɔ, ‘Aku, n dɔɔ, kɛɛ n naa kooro, bwɛɛlɛ ne seo!’

Jeremia 25:33

Gɛ saŋ la, nɛra baa kpoo ba laa ta la ɛɛ warɔɔ chɔ harɛ nɔ ta bobɛlbwa, le harɛ baŋ bɛl ba kaa o jaɡa. Nomɛlbwa aa ba lwee ɛ, a ba ɛ kɛŋɔ ba huɡ ba. Ásɛ ba chɔɡ, dɛ́ do kɛŋɔ nabena aa ɡela harɛ ɛɛ do wer ken.

Jeremia 6:7

Gɛ nee yon bule dɛɛ le bule ta la, ɡɛɛ wechɔɡa le Jerusalam dɛɛ ba. Kwaa chɔɡa ne yoi ɡbɔɡa su o ta. Weela ne dɔŋa bola doe ɡboo mɛɛ na bobɛlbwa.

Jeremia 7:34

Harɛ la ɛɛ berɛ pua hɛŋle ɡbo harɛɛ. Mɛɛ laa silɛɛ ɡbɔɡa te bɛlbwaa kpɔ Juda ne Jerusalam fɔɡbaahnaa, hale ba hanfalwaa silɛɛ bwa. Dɛkalkɛ harɛ la ɛɛ berɛ dimɡbiaa.”

Ɛsekeɛl 45:9

Nemenɛ Korowii ŋɔ, “Israel koranar, he wechɔɡa la ɡwaalɔ to. Hé ɡel naɡrenyin, ne fiiɡa haa dɛ fiiɡi nɛra la, dɛɛ ɛ anɔ la aa wera dɛ toɡre. He bɛ n nɛra doŋi le ba harɛ ta dɛ́ kpɔ ɛ he kon. Men Korowiirii bola.

Ɛsekeɛl 5:11

Anomanta, Nemenɛ Korowii ŋɔ, “N ŋwɛɛrɔ kɛŋɔ, haa kpɔ voɡare ne we-ɛɛla maa kia dɛ kpɔ doŋa ba kah n Dea nɔ, n laa sie kpɔ he nɛ, maa he nɛɛ sune, maa he bwaraa kpɔ kɛ heyaa kpa.

Ɛsekeɛl 5:4

Berɛ kpɔ anɔ la aa lɔ he batakaare nyoa la tama do nii ta á fuh, a taa nii ɛɛ ba lee dɛ́ ba fuh Israel tena bwa.”

Ɛsekeɛl 6:11

Kenii Nemenɛ Korowii ŋɔ, “Ɛsekeɛl, lɔ kpaŋa dɛ́ ɡɔɔ nakpale lɔ harɛ, dɛ́ wi lokua ne, Israel tena kii waa baa ɛa la wa. Baa serewe laa ne lɔr dɛ weechɔɡa taa.

Ɛsekeɛl 7:16

Banɔ la baa dɔ ba nyu dɛ chwa la ɛɛ ka so bwejena doree, dɛɛ wi kɛŋɔ fɛlembɔjena bini kwehre ken, bɛlbwa wechɔɡa waa ɛa wa.

Ɛsekeɛl 7:2

“Nɛwɛnyini bie, Israel tena harɛ la dɛ ba chɔɡa. O bwa ɛɛ chɔɡo kwaraa.

Ɛsekeɛl 7:23

Hé nyin jɔɡrɔre cheɡ, nɛŋkpoa ɡboo harɛ la bwa, yoi ɡboo bwɛjen la bwa.

Ɛsekeɛl 8:17

Korowii berɔ ŋɔ n be ŋɔ, “Nɛwɛnyini bie, he na anɔ kenɛ? Juda tena dɛ ɛ waa maa kia la, a ɡbo ta ba ne maɡrɛ, ba berɔ kpɔ naɡrenyin we-ɛɛla perɛ bwɛɛre la bwa, dɛɛ muɡli n baah, dɛɛ chɛɡ mɛ kohona.

Emɔs 3:10

Korowii ŋɔ, “Baa jemɛ waa aa wera la ɛ. Ba cheɡɛ laa ta, dɛ che laala su ba dekpeɡa bini.”

Emɔs 6:3

Haa lii kɛŋɔ tɔpechɔɡe bɛl dɛ ba, kɛ he we-ɛɛla ɡbo ɛɛ ɡeloo ó ba warane.

Maeka 2:2

Ba dɛ nyin nɛra kooni kɛɛ deene aa, ba dɛ lɛa kpeɡri ne. Ba won nɛra deremi, kɛɛ ba kapɛrɛ kwaa ɡe lɛɛ neɡra ŋwɛnɛ ta.

Maeka 3:3

He dɛ chwe ba ola dɛɛ swe ba bɔtɔne, dɛ chɛwɛ ba hoɡa jeɡrejeɡre, kɛŋɔ ba yon chɛwɛ ola do vii bini la ken.”

Maeka 6:12

He nɛra haa dɔ suuɡa dɛɛ ɛɡre nyaara, nyosonteŋna ɡe ɡboo he bwa.

Sefania 1:18

Korowii bwaawee Tɔpere la, ba suuɡaswɛm kɛɛ suuɡapoŋa aa won lɛɛ ba. O bwaawee dɛ ba harɛ nɔ bwa fuih kɛŋɔ nii ken. Nomɛlbwa waa soɡe harɛ nɔ ta waa ɛɛ ba a jaɡaa buɡ ta.

Jems 2:13

dɛkalkɛŋɔ Korowii aa naate waa wola o dɔŋ sum na la sumii na awola waa dɛɛ bol ya waa la. Naate waa dɛ na o dɔŋ sum la aa o waa bola ɔmɛ.