Ɛsekeɛl 7:10 - mzwDBL

¹⁰ Tɔpere la telo, o pu heyaa tonɛ. He dachɔɡe do kɛŋɔ kwaa haa dua, a dɛ le, daŋɡbala la dɛ moɡɛ. He lwɛmkpeɡ la feɔ.

Ɛsekeɛl 7:10 ပူးပေါင်းရင်းမြစ်များ

Yela 89:32

mɛɛ tɛr ba deŋnee ba wechɔɡa baa ɛa waa, ba bwara ɛɛ nyɛɡ ba a waa.

Sɛɡla 14:3

Gɛne mbarafo wobol taa a che wɛɛ dɔ deŋnetɛra, asɛ wejereme wobol ɡe ɛɛ leo waa ta.

Sɛɡla 16:18

Mbarafo dɛ ba chɔɡa ne, asɛ maŋkurae ɡe ɛɛ ba harɛ lɔe ne.

Aesaya 10:5

Korowii ŋɔ, “Asiiria tena bwɛɛlɛ! Mɛɛ kpɔ baa ɛ kɛŋɔ n ɡuli maa kpɔ dɛɛ tɛr nɛra n baah aa di ba nɛɛ deŋne.

Aesaya 21:12

Anee o chaŋe ŋɔ, “Tɔɔ dɛ ba pera, kɛ bɔr ɛɛ berɔɔ jo ja. Dɛ he dɛ nyin dɛ́ jemaa, ba dɛ́ berɛ ba bɔɔ ja.”

Aesaya 28:1

Israel harɛ bwɛɛlɛ! O jirima dɛ dime kɛŋɔ kwaa fee aa lɔ sitɔɔla baa ɛ sennyɔɔra kooɡbɛrɛre ta dɛɛ lee la. Ba nyuune baa ɡɔɔra dɛɛ valɛ sɔɔh konsɔɔhsoma, kɛ ba dɛɛrɔ chɔ.

Ɛsekeɛl 12:23

Ŋɔ Nemenɛ Korowii bol a waa ŋɔ o dɛ ba ɡela sɛɡla la ba a jaɡa, baa ɡɛ waa laanee bol Israel harɛ ta kpa. Gel ba no kɛŋɔ waa baa naa wepila ta la bɛlbwa telo tonɛ.

Ɛsekeɛl 19:14

Nii le o kpale la bɛl ta dɛ fuh o ne o nɔna la bwa. Daa la kpale bɛlbwa toole dɛ do kpeɡri bá kpɔ ɛ koodaŋɡbala kpa.’ Wii aa chɛ kɛŋɔ bá wi laanee la.”

Ɛsekeɛl 21:10

N saro dɛ́ kpɔ kpo. O dɛ nyɛɡle kɛŋɔ bwaala nyɛɡla ken! Silɛɛ bɛlbwa aa n nɛra nɛɛ doe ba, dɛkalkɛ ba ta kaeh maa kah ba la ne n deŋnetɛra la ɔmɛ.

Ɛsekeɛl 21:13

N kpɔ ɡɛ waa nɔ daah ba, dɛ́ na kɛŋɔ dɛ ba ta ba liire charaa, ásɛ ɡɛ waa nɔ ba ba nɛ. Men Nemenɛ Korowiirii bola.

Ɛsekeɛl 30:3

Tɔpere la telo tonɛ. Tɔpere Korowii aa bol Ijipt harɛ tena waa la telo tonɛ. Baama ɛɛ tɔɔ awola, ásɛ harɛre bwa chɔɡ.

Ɛsekeɛl 7:12

Tɔpere la telo, o pu heyaa tonɛ. Kon-yoɡra ne yarawa sie aa lɛ, n bandia la dɛ ba nɛnlaa la bwa nɛ.

Ɛsekeɛl 7:6

Waa bwa jaɡa saŋ la telo, o pu heyaa tonɛ. O joɔ.

Ɛsekeɛl 7:9

Maa he nɛɛ sune, maa kpɔ kɛ heya. Mɛɛ tɛr he deŋnee waa haa ɛa la ne waa maa kia he ɛ la waa, ásɛ he jemɛ kɛŋɔ men Korowiirii ba a ne.

Daneɛl 4:37

Name, men Kooro Nebukadnesa, n dɛ kpɛɛ Korowii waa dɛ di kora nyundua, dɛɛ tɛo sɔn ne jirima dɛkalkɛŋɔ, o waa toɡrɔ o wobɛlbwa ɡe do wer. Nomɛlbwa waa dɛ ɡɔɔ o te la, o won naate ne harɛ bala.”

Joel 1:15

Tɔpere Korowii aa lea cheɡ la telo, saŋ On Kpeɡri Bwa Dɔɔ la aa ba chɔɡa ne la. Wɛɛ ba ɔmee kohona nee ba ta nɛra nɛ.

Nɛra Kura 17:8

Tɔ aa pera la, Mosis kaa jo Korowii Tɛnte Dea bela, dɛ Arɔn daŋɡbala waa cheɡa tɛ Lewi dea tena la moɡɛ papooni, hale dɛ fe, dɛ nɔnɛ daa bɛl nɔna baa dɛ yera almɔn.

1 Tesalonika 5:3

Gɛ saŋ nɛra aa ba ŋɔ, “Bobɛlbwa sɔɔhnɔ, ya dɔ deŋnesɔɔhna name te” la, belaa dɛ harɛchɔɡ la ɛɛ ba ba piɡra. Wɛɛ piɡruu kɛŋɔ haah naa kpoŋe tea asɛ lol tea lɔɔ la ken. Gɛ saŋ la, baa bɔree dɔ dɛ chwa ka sɔh.

Jems 4:6

Kɛ chae Korowii aa na ya sum dɛɛ cha yaa la, on kpeɡa, ɡɛ Korowii Tɔn la aa baɡla ŋɔ, “Korowii dɛ ba nɛra baa dɛ ɛ sɔnnyin la ne harɛ, dɛɛ sune nɛra baa dɛ pwɛr ba te nɛ.”