Dɛ nɛn beŋkpoŋ kwaraa ka harɛ la ta kwaraa naa, mɛɛ chɔɡ o ɡbaa. Wɛɛ ɛo kɛŋɔ ba yon teŋe daa a ka o muŋkpul che dɛɛ moɡɛ la.” Daa la muŋkpul la cheɡɔ tɛ n nɛra baa ba ka harɛ la ta la.
Mɛɛ ja he nɛɛ, ásɛ dɛ lɛ heya. Mɛɛ chɔɡ harɛre nɛra maa lɔ heyaa peɡre ba bini bwaa, kɛ he te, maa den chɔɡ heyaa kwaraa. Mɛɛ tɛr he deŋnee, kɛ mɛɛ sune he nɛɛ dɛ́ nyiŋi heya kɛrɛdɛ. Men Korowiirii bola.”
Juda tena baa kaa dɛ ba so Ijipt harɛ ta la aa won le a nyoa baa wola serewe. Ba bini bɛlbwa aa won berɛ la Juda harɛ ta, bela baa dɛ nyin kɛ ba berɛ ka so ja la. Ba bwa aa won kaa, atane ba bini tamaa bane.”
Ba bini banɔ la baa dɔ bɔr le Ijipt harɛ ta kaa Juda la ɛɛ do tamaa kenii. Ásɛ Juda tena bwa baa kaa dɛ ba so Ijipt harɛ ta la jemɛ bɛl la o wa aa dɔ kasinteŋ, n waa la kɛɛ ba waa baa dɛ teŋɛ a ta la.
N nɛra Israel tena, mɛɛ ja he nɛɛ dɛ́ lɛ heya, mɛɛ chɔɡ harɛre nɛra maa lɔ heyaa peɡre ba bini bwaa, kɛ he te, maa den chɔɡ heyaa kwaraa. Mɛɛ tɛr he deŋnee, kɛ aŋwɛnɛ taa mɛɛ ba he deŋne tɛra. Men Korowiirii bola.”
Mɛɛ ɡel ba bini tama banee ba bɛ laa ne lɔr dɛ weechɔɡa nyoa ka, ásɛ dɛ ka lii waa maa kia ba ɛa la harɛre baa chwaa kaa a ta la ta. Ásɛ dɛ che a ta jemɛ kɛŋɔ menee Korowii.”
Ane a bwa, ba bini bane ɛɛ kao, bibaala ne bihaahna ɛɛ le o taa ba hen Ɛsekeɛl be. Hɛɛ na ba daa, ne ba we-ɛɛla, dɛ́ dɔ bolarawa le wenaale maa kpɔa ba ta Jerusalam tena nɛɛ la ta.
A ɡɛ nomanta, mɛɛnanar ne nyare ɛɛ chwe ba bii olaa, ásɛ bii ɡe chwe ba mɛɛnanar ne nyare ola. Mɛɛ tɛr he deŋnee, ásɛ dɛ lɔ banɔ la baa ba ka la peɡre bobɛlbwa.”
He bɔne he bini bɔre batoro naa, weechɔɡa kɛɛ lɔree dɛ́ kpoo bɔrbeŋkpoŋ nɛra bwɛjen la bini. Baa kpɔ tokobii kpoo bɔrbeŋkpoŋ nɛra ɡe bwɛɛ la dahare, ásɛ bɔrbeŋkpoŋ nɛra baa kaa la ɡe, n lɔ ba peɡre, dɛ́ ti ba n tokobi ne.
Fuh bɔre atoro la bini bɔrbeŋkpoŋ bwɛjen haa ɛo la bini saŋ haa tɔɔ do a ba a jaɡa la. Kpɔ tokobi teŋni bɔrbeŋkpoŋ bini bar bwɛjen la bini, dɛ́ kpɔ bɔrbeŋkpoŋ la aa kaa la ɡe ta, ásɛ peu kpɔa kaa, dɛkalkɛ tokobi nee mɛɛ ba ba kpoora.