Ɛsekeɛl 6:7 - mzwDBL

⁷ Nɛra ɛɛ serewoo chɔ bobɛlbwa, ásɛ banɔ la baa ka la jemɛ kɛŋɔ onee Korowii.

Ɛsekeɛl 6:7 ပူးပေါင်းရင်းမြစ်များ

2 Koranar 19:19

Korowii yaa dɛ tomɛ, lɛ yaa le Asiiria koojen Senakerib nɔn ta, ásɛ harɛre bwa nɛra jemɛ kɛŋɔ he ɡboo Korowii.”

Kaala 14:18

Maa ba pɔ kooro ne o nɛra nɛɛ la, anee baa ba jema kɛŋɔ menee Korowii.”

Kaala 14:4

Mɛɛ ɡeloo o deŋne do kpeɡri o ŋɔ wɛɛ ti baa. Mɛɛ pɔ o ne o laa tena nɛɛ dɛ́ dɔ jirima. Ásɛ Ijipt tena bwa jemɛ kɛŋɔ menee Korowii kpela.” Anomanta, ɡɛɛ Israel tena ɛ.

Kaala 7:5

Mɛɛ baɡle n kpeɡri Ijipt harɛɛ, dɛ́ chɔɡ ba, dɛ́ lawɛ n nɛra Israel tena le, ásɛ Ijipt tena bwa jemɛ kɛŋɔ menee Korowii.”

Jeremia 14:18

N leɔ kaa kpɔɡ bini naa, n dɛ na nɛra baa kpoo ba laa ta, n berɔ ba bwɛjen la bini ɡe aa, n dɛ na nɛra lɔr aa kpo ba ba serewe. Korowii keamere ne sɔfore bwa lɔ harɛ la ta, baa jemɛ waa Korowii aa ŋɔa bá ɛ.”

Jeremia 18:21

Anomanta, ɡel lɔr kpoo ba bii, kɛɛ ba serewe laa ta. Gel ba haahna ɛ luhaahna dɛ bɛ bii dɔ, ásɛ dɛ ɡel ba kpoo ba jaranar, ásɛ ba bonɔɔna ɡe serewe laa ta.

Jeremia 25:33

Gɛ saŋ la, nɛra baa kpoo ba laa ta la ɛɛ warɔɔ chɔ harɛ nɔ ta bobɛlbwa, le harɛ baŋ bɛl ba kaa o jaɡa. Nomɛlbwa aa ba lwee ɛ, a ba ɛ kɛŋɔ ba huɡ ba. Ásɛ ba chɔɡ, dɛ́ do kɛŋɔ nabena aa ɡela harɛ ɛɛ do wer ken.

Wiile 4:9

Banɔ la baa sewɛ laa ta la, bɔ banɔ la lɔr aa kpoo ba. Kondikwa bɛ toole waa lɔr kpoo ba.

Ɛsekeɛl 11:10

He ɡbaɡba harɛ taa baa ba heyaa kpoora laa ta, ásɛ nomɛlbwa jemɛ kɛŋɔ menee Korowii.

Ɛsekeɛl 11:12

Ásɛ he jemɛ kɛŋɔ menee Korowii, dɛkalkɛ he ta me Mmarare ne n waa ta teŋɛ, dɛ kaa teŋɛ harɛre aa bar heyaa cheme nɔ tena mmarare ta.’ ”

Ɛsekeɛl 12:15

Dɛ n laɡ ba kaa harɛfala ta dɛ lɔ ba peɡre harɛre ta naa, a taa baa ba jema kɛŋɔ menee Korowii.

Ɛsekeɛl 12:19

Ŋɔ harɛ la ta nɛra be ŋɔ, ‘Men Nemenɛ Korowii dɛ bol nɛra baa lɔ Jerusalam ne Israel harɛ la ta nɛra be kɛŋɔ, báa di kwaa bochela nee, dɛ́ nyɔ nee ɔmee ne sibeɡra ne. Harɛ la bwa dɛ ba chɔɡa dɛ́ chɔ pɛɛ, deŋnekpeɡ ne naɡrenyin we-ɛɛla aa lɔ bela la wa.

Ɛsekeɛl 13:14

O ŋɔ, “Mɛɛ taɡɛ danjwɛɛ baa lɔɔ fula laanee ta ó bwa chɔ harɛ, ásɛ bwea baa kpɔa pa o mun la chɔ baŋ. Waa ba chole la, he bwa ɡe dɛ ba serewa. Ásɛ he jemɛ kɛŋɔ menee Korowii.

Ɛsekeɛl 13:21

Mɛɛ wur he sɛmbɛ botini laanee ta, dɛ́ lɛ n nɛra le he nɔn ta, ásɛ ba le he bela la ta kwaraa. Ásɛ he jemɛ kɛŋɔ menee Korowii.

Ɛsekeɛl 13:23

Haa wepila ne nyosonwaa aa dɛ ba bala laanee na kpa. Mɛɛ lɛ n nɛraa le he nɔn ta, ásɛ he jemɛ kɛŋɔ menee Korowii.’ ”

Ɛsekeɛl 13:9

Mɛɛ tɛr he keamere haa ŋɔa he dɛ na wepila ne waa aa dɛ ba bala kerekere a ɛ nyosone la deŋnee. Haa n nɛra Israel tena nɛɛ ja, kɛɛ bá chwerɛ he sɔna ja ba nɛ. He bɛlbwa nakpala aa Israel harɛ taa tire kpa. Ásɛ he jemɛ kɛŋɔ menee Nemenɛ Korowii.

Ɛsekeɛl 14:8

N siwi ɛɛ beɡre naate nɛɛ, ásɛ nomɛlbwa che a ta dɛ́ hweli wa. Mɛɛ pere naatee le n nɛra Israel tena bini. Ásɛ he jemɛ kɛŋɔ menee Korowii.

Ɛsekeɛl 15:7

Mɛɛ tɛr ba deŋnee. Ba le nii ane nyoa te, nii la ɛɛ berɔ fuuh ba. Maa ba tɛr ba deŋne la, anee he jemɛ kɛŋɔ menee Korowii.

Ɛsekeɛl 20:26

N ɡelɔ ba kpɔ ba bibanloɡla ɛ sarahare dɛ kah doŋa, n ɛ ɡɛ dɛ kpɔ ɔmee kohona ta ba nɛɛ ba chel, ásɛ ba jemɛ kɛŋɔ menee Korowii.”

Ɛsekeɛl 20:38

Mɛɛ lawɛ deŋnekpeɡ tena baa lɔ he bini nɔɔ le bela baa soɡa taraken nɔ. Maa ɡel ba naa tire Israel harɛ. Ásɛ he jemɛ kɛŋɔ menee Korowii.’ ”

Ɛsekeɛl 20:42

Maa ba he ne Israel harɛ ta la, anee hɛɛ ba jema kɛŋɔ menee Korowii haa dɛ tom mɛ la, harɛ maa ir nɔn dɛ ŋwɛɛ ŋɔ mɛɛ kpɔɔ tɛ he naawa la.

Ɛsekeɛl 20:44

N koh n sɔndɛɛɡe waa dɛ ɛ waane aa, hɛɛ jemɔɔ kɛŋɔ menee Korowii, dɛkalkɛ maa heyaa ɛ ɡɛ aa chɛ kɛŋɔ bá ɛ wechɔɡ-ɛɛra. Men Nemenɛ Korowiirii bola dɛɛ baɡle he Israel tena bwa.”

Ɛsekeɛl 22:16

Gɛɛ dɛ ɡel harɛre ne bwɛɛre baa kaa a ta nɛra ɛɛ nyiŋi ba nyubaahna, ba siwi aa ban tɔɡɛ, ásɛ ba jemɛ kɛŋɔ menee Korowii.”

Ɛsekeɛl 23:49

Mɛɛ tɛr he bwa deŋnee he jwamane ne voɡa haa toma la waa, ásɛ he jemɛ kɛŋɔ menee Nemenɛ Korowii.”

Ɛsekeɛl 24:24

Hé nyiŋi men Ɛsekeɛl dɛ́ kpɔ hweli wa, dɛ́ ɛ ɡɛ maa ɛa la. Anee dɛ́ ɡel he jemɛ kɛ onee Nemenɛ Korowii.”

Ɛsekeɛl 24:27

Awola tɔpere la, mɛɛ ɡeloo he berɛ won waa bola, ásɛ he ne naate bol wa. Gɛɛ aa ba ɛɛ ba nyiŋi dɛ́ kpɔ hweli waa dɛ́ jemɛ kɛŋɔ menee Korowii.”

Ɛsekeɛl 25:17

Mɛɛ kpɔ bandia kohonaa ka tɔ ba nɛɛ dɛ́ tɛr ba deŋne kohona bɔ kem. Ásɛ ba jemɛ kɛŋɔ menee Korowii.”

Ɛsekeɛl 26:6

Baa kpoo nɛra baa soɡe bwɛɛre aa lɔ harɛ la ta keri nee, ásɛ Taaya tena jemɛ kɛŋɔ menee Korowii.”

Ɛsekeɛl 28:23

Mɛɛ kpɔ weechɔɡaa ba ta he nɛɛ dɛ́ ɡel chal ɛɛ palɛ he fɔɡbaahna. Nɛra ɛɛ serewoo chɔ bobɛlbwa, keri nee baa ba ba kpoora, ásɛ he jemɛ kɛŋɔ menee Korowii.

Ɛsekeɛl 30:26

Mɛɛ lɔ Ijipt tena bwaa peɡre harɛre bwa ta, ásɛ ba jemɛ kɛŋɔ menee Korowii.”

Ɛsekeɛl 32:15

Maa ba ɡel Ijipt harɛ chɔ pɛɛ dɛ́ chɔɡ komɛlbwa aa lɔ o ta, dɛ́ kpoo o nɛra bwa la, anee baa ba jema kɛŋɔ menee Korowii.

Ɛsekeɛl 35:15

Edom tena, he sie aa lɛa ɡɛ saŋ Israel tena harɛ aa chɔ pɛɛ la, ɡɛ tentenee mɛɛ ba kpɔe ɛ heya, Sɛɛ Bwejen ne Edom harɛ bwa. Asɛ nomɛlbwa jemɛ kɛŋɔ menee Korowii.”

Ɛsekeɛl 38:23

Gɛ taa mɛɛ ba ɡela harɛre ɡalɡa nɛra na ɡɛ maa kana dɛ do ɡoroŋ. Ásɛ ba jemɛ kɛŋɔ menee Korowii.’ ”

Ɛsekeɛl 6:13

Nɛra ɛɛ serewoo chɔ bobɛlbwa, ba voɡare ne kwaa baa dɛ ɛ saraha a ta bwa, ne deŋɡarere ta ne bwejena dor ne dajena mune, dɛ bela baa fuh daawiile a sɔɔh aa soma dɛɛ tɛ ba voɡare bwa.

Ɛsekeɛl 6:6

Israel tena bwɛjena ne bela baa soɡa bwa dɛ́ ba chɔɡa. Kwaa baa dɛ ɛ saraha a ta, ne ba voɡare bwa ɛɛ paɡro burbur ken ja bɔra baa dɛ fuh daawiile ta, ásɛ kwaa baa ɛa bwa aa lee do kpa.

Ɛsekeɛl 6:8

Wɛɛ ɡeloo he bini bane dɔ he nyu, bá lawɛ heyaa peɡre kaa harɛre ta.

Ɛsekeɛl 7:4

Maa he nɛɛ sune, maa kpɔ kɛ heya, mɛɛ tɛr he deŋnee he wechɔɡa ne waa maa kia he ɛa la wa. Ásɛ he jemɛ kɛŋɔ menee Korowii.’ ”

Ɛsekeɛl 7:9

Maa he nɛɛ sune, maa kpɔ kɛ heya. Mɛɛ tɛr he deŋnee waa haa ɛa la ne waa maa kia he ɛ la waa, ásɛ he jemɛ kɛŋɔ men Korowiirii ba a ne.

Ɛsekeɛl 9:7

Korowii ŋɔ ba be ŋɔ, “Hé pa nɛra haa kpoo ba la ba su n dembaah bela, dɛ́ kpɔ doŋa kah n Dea la. Hé kaa.” Anomanta, ba jo bwɛjen la bini, dɛ pa mun dɛɛ kpoo nɛra la.