Ɛsekeɛl 6:6 - mzwDBL

⁶ Israel tena bwɛjena ne bela baa soɡa bwa dɛ́ ba chɔɡa. Kwaa baa dɛ ɛ saraha a ta, ne ba voɡare bwa ɛɛ paɡro burbur ken ja bɔra baa dɛ fuh daawiile ta, ásɛ kwaa baa ɛa bwa aa lee do kpa.

Ɛsekeɛl 6:6 ပူးပေါင်းရင်းမြစ်များ

1 Koranar 14:23

Ba ɡe cheɡ voɡa deŋɡarere ta, dɛ paaɡe bwea, dɛ kpɔ voɡ Asera dajaŋa paaɡe deŋɡare bɛlbwa ta ne dajen bɛlbwa mun.

Yela 115:8

Nɛra baa kwaara ne nɛra baa kpɔ ba te dawɛ a nɛɛ bwa ɛɛ ɛ beŋkpoŋii.

Aesaya 1:31

Bokpeɡa tena ɛɛ ɛo kɛŋɔ daa aa hola ken, asɛ ba toma baa toma ɡe do kɛŋɔ nii ken. Kombele anɛ nɔ bwa ɛɛ pɛo dɛɛ fuh nomɛlbwa aa wola won dima.”

Aesaya 2:18

ásɛ voɡa ɡe bwa nyoɡre kwaraa.

Aesaya 2:20

Nɛra ɛɛ pa ba voɡa baa kpɔ suuɡapoŋa ne suuɡaswɛm ɛa, dɛɛ toma laanee ta a wola tɔpere, ásɛ a berɛ daŋɡboŋre ne jereme kwa.

Aesaya 27:9

Dɛ Korowii ɛɛ kpɔ Israel tena wechɔɡaa kɛ ba aa, atane baa kuuɡi kwaa baa kpoo kwaa a ta ɛ saraha dɛɛ tɛ ba voɡare la buruburu kɛŋɔ fula ken, dɛ́ teŋni ba voɡhaah Asera dajaŋa, ne bwea baa paaɡa dɛ fuh daawiile dɛɛ tɛo a ta la bwa ta.

Aesaya 6:11

Anee n ŋɔ, “N Naa Korowii, dɛ ka tel saŋ besoo?” O chaŋe ŋɔ, “Dɛ ka tel kɛŋɔ bwɛjena la aa berɛ dimɡbia, nomɛlbwa aa wola a taa so, ásɛ deremi aa lɔ a ta la chɔ pɛɛ, kooni bwa berɛ pua.

Aesaya 64:10

He bwɛjena la berɛ pua hɛŋle ɡbo harɛ, Jerusalam berɛ dimɡbia.

Jeremia 10:22

Hɛ́ɛ no! Waane dɛ ba, laa tena ɡbɔɡa le weekaŋle nyunduabɔr dɛɛ ba, dɛ́ ba chɔɡ Juda bwɛjena á berɛ dimɡbia, ásɛ kalampoŋare kpɔ bela berɛ a soŋnibɔra.”

Jeremia 17:3

dɛ bwejena bwa dor. Mɛɛ ɡeloo he dɔma ba kpɔ he kondɔɔh, ne laala a yoɡ aa kpeɡa bwa, dɛ bwejena dor haa dɛ tomɛ voɡare la do ba nɔn ta, he wechɔɡa bwa haa ɛa harɛ la ta wa.

Jeremia 2:15

He dɔma do kɛŋɔ nyujentena dɛɛ si, dɛ ɡel he harɛ berɛ pua hɛŋle ɡbo harɛ. He bwɛɛre fuoh, nɛra chwa le a ta kaa.

Jeremia 34:22

Mɛɛ do baa ásɛ ba berɛ ba bwɛjen nɔ ta. Baa ba yo nɛra baa lɔ o taa dɛ́ laɡ ba, ásɛ dɛ fuh o bwa. Mɛɛ ɡeloo Juda harɛ bwɛɛre do kɛŋɔ pua hɛŋle ɡbo harɛ ta ken, nomɛlbwa aa won so a ta. Men Korowiirii bola.’ ”

Jeremia 51:18

A waa ta tɔnɔ bɛlbwa dɔe, dɛ ɛ kwaa a wa aa dɔ wesoma. A chɔɡa saŋ telo Korowii ba naa, wɛɛ chɔɡ a bwaa.

Jeremia 9:10

Belaa n ŋɔ, “Mɛɛ wiu dɛɛ dooɡe lɔŋɔre bwejena wa, dɛ taa wiile pua hɛŋle ɡbo harɛ, kondɛɛra dibɔra la wa. A bwa berɛ dimɡbia, nomɛlbwa aa a ta kpɔ, bɛlbwa aa nae ɡbɔɡa ɡe no. Jumbii bwa iro kaa, kpɔɡ bini ola ɡe bwa chwa kaa.”

Jeremia 9:11

Korowii ŋɔ, “Mɛɛ paɡre Jerusalamee o berɛ dimɡbia, ásɛ kalampoŋare kpɔ bela berɛ a sobɔr, dɛ́ chɔɡ Juda harɛ bwɛɛre, nomɛlbwa aa wola won so a ta.”

Jeremia 9:19

Hɛ́ɛ no wii ɡbɔɡa aa dɛ le Saayɔn. Ba ŋɔ, ‘Akwe, ya chɔɡɔ! Sihiih kpo yaa kɛrɛdɛ. A chɛ kɛŋɔ yá le ya harɛ nɔ ta, ya soŋnibɔra bwa paɡrɔ.’ ”

Ɛsekeɛl 12:19

Ŋɔ harɛ la ta nɛra be ŋɔ, ‘Men Nemenɛ Korowii dɛ bol nɛra baa lɔ Jerusalam ne Israel harɛ la ta nɛra be kɛŋɔ, báa di kwaa bochela nee, dɛ́ nyɔ nee ɔmee ne sibeɡra ne. Harɛ la bwa dɛ ba chɔɡa dɛ́ chɔ pɛɛ, deŋnekpeɡ ne naɡrenyin we-ɛɛla aa lɔ bela la wa.

Ɛsekeɛl 16:39

Ásɛ dɛ lawɛ tɛ nɛra baa dɛ nyini la, ásɛ ba chɔɡ pweeri ne he voɡjaŋa la bwa. Baa laa he laala bwaa wur he bwara ta, dɛ laa he suuɡaswɛm nɔnloɡa ne baŋa kwaa aa wera la kpɔ, he che mumɡbal.

Ɛsekeɛl 30:13

Nemenɛ Korowii ŋɔ, “Mɛɛ chɔɡ voɡaa, ne anɔ la baa ɛa a do bwɛjen Mɛmfes bwaa. Kooro aa Ijipt harɛ taa do kpa, ásɛ n kpɔ ɔmee kohona ba ta nɛra nɛɛ harɛ la ta bwa.

Ɛsekeɛl 35:4

Mɛɛ chɔɡ he bwɛjena bwaa a berɛ dimɡbia dɛ́ chɔ pɛɛ. Belaa hɛɛ ba jema kɛŋɔ menee Korowii.

Ɛsekeɛl 5:14

Mɛɛ paɡre he bwɛjen laanee, ásɛ harɛre aa bar heyaa cheme nɔ nɛra teŋo baa kaa laa, bá che bojaŋ nyiŋi dɛɛ mamɛ.

Ɛsekeɛl 6:4

Wɛɛ paɡre kwaa haa dɛ ɛ saraha a ta ne kwaa haa dɛ fuh daawiile a ta bwaa, ásɛ dɛ kpoo nɛra la ba voɡare la sie.

Ɛsekeɛl 6:7

Nɛra ɛɛ serewoo chɔ bobɛlbwa, ásɛ banɔ la baa ka la jemɛ kɛŋɔ onee Korowii.

Hosia 10:2

Nyosone ɡboo su ba bwa a chɛ kɛ bá di bolchɔɡe a wa. Korowii ɛɛ paɡre ba saraha kwaa, dɛ́ chɔɡ bwea baa paaɡa dɛɛ duura laanee.

Hosia 10:8

Voɡa aa lɔ bwea dor bwɛjen Bɛt Avɛn, bela Israel tena aa dɛ tomɛ voɡa la, dɛ ba chɔɡa. Sɔɔhne ne jabalnadaŋɛre ɛɛ leo tɔ kwaa baa dɛ ɛ saraha a ta dɛɛ tɛ ba voɡa bwa. Ásɛ ba ŋɔ bwejena ne deŋɡarere be ŋɔ, “Hé choɡli tɔ ya nɛ.”

Lewi Dea Tena 26:30

Mɛɛ chɔɡ bela haa dɛ tomɛ voɡa a do deŋɡarere dor laanee, ne he daawiile a sɔɔh aa soma fuih bɔra, ásɛ dɛ boa he lala nyoa dawɛ he voɡa aa wola mkpa bɛlbwa dɔe la ta, dɛ́ berɛ habɔɔ kpo heya.

Lewi Dea Tena 26:31

Mɛɛ chɔɡ he bwɛjena ne bela haa dɛ tomɛ voɡa la bwaa. Ásɛ he sarahare haa fuah dɛɛ tɛ mɛ la, n sie aa a sɔɔh taa lɛ kpa.

Maeka 1:7

Samaria tena voɡa bwa ɛɛ paɡroo burbur ken, ásɛ nii fuh saraha kwaa bwa aa lɔ bela. Mɛɛ chɔɡ ba voɡa bwaa. Baa lɛ kwaa haahna aa bɔ jwamane dɛ dɔ, dɛ boa a nyoa nomanta, ba dɔma ɛɛ paa ka tɛ jwamane tena bane ɡe bobɛl.”

Maeka 3:12

He nomanta, Saayɔn ɛɛ doo kɛŋɔ koo baa parɔ dɛ du kwaa o ta ken, Jerusalam bwa ɛɛ kuuɡuu dɛ́ chɔ pɛɛ, ásɛ Korowii Bwejen Dea aa chɔŋɛ o ta la berɛ kɔr.

Maeka 5:13

Mɛɛ berɔɔ chɔɡ voɡa haa sɛah, ne bwea haa paaɡa dɛɛ duura bwaa, ásɛ haa kwaa he ɡbabir aa kwaara laanee tomɛ kpa.

Habakuk 2:18

Bɔkwa tɔnɔɔ voɡ nɛwɛnyini aa kpɔ nɔn sɛoh la dɔɔ? O waa bwa ɛ nyosone. Nɛn waa kwaaro la dɔ yarada o ta. O dɛ kwaa voɡa aa wola won waa bol.

Sefania 1:18

Korowii bwaawee Tɔpere la, ba suuɡaswɛm kɛɛ suuɡapoŋa aa won lɛɛ ba. O bwaawee dɛ ba harɛ nɔ bwa fuih kɛŋɔ nii ken. Nomɛlbwa waa soɡe harɛ nɔ ta waa ɛɛ ba a jaɡaa buɡ ta.

Sekaria 13:2

Mɛɛ le voɡa aa lɔ harɛ la ta la nee awola, baa wola a sɔnaa lii kpa. Mɛɛ le keame nyosonteŋna la nee, ásɛ dɛ ɡel ba pɛla le voɡa toma ta.

1 Samoɛl 5:4

Tɔ aa pera ja la, ba iro dɛ na kɛŋɔ voɡ la berɔ chole o sie pi harɛ Korowii Ne Nɛwɛnyina Fɔo Daka la sie, asɛ o nyu ne nɔɔra kuuɡi o chɔ doonyoa, a ka o kpul chɔ.