Ɛsekeɛl 6:4 - mzwDBL

⁴ Wɛɛ paɡre kwaa haa dɛ ɛ saraha a ta ne kwaa haa dɛ fuh daawiile a ta bwaa, ásɛ dɛ kpoo nɛra la ba voɡare la sie.

Ɛsekeɛl 6:4 ပူးပေါင်းရင်းမြစ်များ

1 Koranar 13:2

Korowii keame la cheɡɛ Korowii waa ta dɛ kpɔ takpeɡ ŋɔ, “Korowii tom mɛ ŋɔ ń ba bol kon baa dɛ ɛ saraha o ta nɔ wa. O ŋɔ, ‘Baa lolɛ bibaalee ó ɛ Kooro Devid naa baa yerɔ Josia. He taa wɛɛ ba ó kpoo kerekpoŋra baa soɡe voɡa baa cheɡa deŋɡarere ta dɛɛ ɛ sarahare, dɛ́ fuh ba hoɡa he ta.’ ”

2 Koranar 23:14

Kooro Josia ɡelɔ ba paɡre bwea baa paaɡa dɛɛ duura, dɛ kuuɡi voɡ Asera dajaŋa ta, dɛ pa nɛra hoɡa bil a buɡ ta.

2 Webena 14:5

O chɔɡ bela baa dɛ tomɛ voɡa, ne kwaa baa dɛ fuh daawiile a sɔɔh aa soma a ta bwa Juda harɛ bwɛjen bɛlbwa ta, asɛ deŋnesɔɔhna do harɛ la ta o bere saŋ.

Aesaya 27:9

Dɛ Korowii ɛɛ kpɔ Israel tena wechɔɡaa kɛ ba aa, atane baa kuuɡi kwaa baa kpoo kwaa a ta ɛ saraha dɛɛ tɛ ba voɡare la buruburu kɛŋɔ fula ken, dɛ́ teŋni ba voɡhaah Asera dajaŋa, ne bwea baa paaɡa dɛ fuh daawiile dɛɛ tɛo a ta la bwa ta.

Jeremia 43:13

Wɛɛ kuuɡi bwea baa paaɡa dɛɛ duura Hɛleopɔles Ijipt harɛ ta laanee, dɛ́ fuh Ijipt voɡa deene ɡe bwa.’ ”

Jeremia 7:32

Anomanta, saŋ bɛl ɛɛ bao baa wola on yerɛ Tɔfɛt kɛɛ Henɔm Fɛlembɔjen kpa, baa dɛɛ yerɔ Nɛŋkpoa Fɛlembɔjenii. Baa huɡe nɛra belaa ka tel kɛ bɔr aa wola lee do bá huɡ ba.

Ɛsekeɛl 6:13

Nɛra ɛɛ serewoo chɔ bobɛlbwa, ba voɡare ne kwaa baa dɛ ɛ saraha a ta bwa, ne deŋɡarere ta ne bwejena dor ne dajena mune, dɛ bela baa fuh daawiile a sɔɔh aa soma dɛɛ tɛ ba voɡare bwa.

Lewi Dea Tena 26:30

Mɛɛ chɔɡ bela haa dɛ tomɛ voɡa a do deŋɡarere dor laanee, ne he daawiile a sɔɔh aa soma fuih bɔra, ásɛ dɛ boa he lala nyoa dawɛ he voɡa aa wola mkpa bɛlbwa dɔe la ta, dɛ́ berɛ habɔɔ kpo heya.

1 Samoɛl 5:4

Tɔ aa pera ja la, ba iro dɛ na kɛŋɔ voɡ la berɔ chole o sie pi harɛ Korowii Ne Nɛwɛnyina Fɔo Daka la sie, asɛ o nyu ne nɔɔra kuuɡi o chɔ doonyoa, a ka o kpul chɔ.