Ɛsekeɛl 6:14 - mzwDBL

¹⁴ Kpelaa, mɛɛ tɛr n nɔnee pa ba nɛ, dɛ́ chɔɡ ba harɛ. Mɛɛ ɡeloo ó chɔ pɛɛ le pua hɛŋle ɡbo harɛ la ta kaa bwɛɛ bɛl baa dɛ yerɔ Dibla, ne bobɛlbwa baa soɡa. Ásɛ ba jemɛ kɛ menee Korowii.”

Ɛsekeɛl 6:14 ပူးပေါင်းရင်းမြစ်များ

Yela 138:7

N ba dɛ na wahala kohona naa, henee kpɔ nɔn dɛɛ tɔ n nɛ. He dɛ yo n dɔma ba baah aa di n nɛ, dɛ che he kpeɡri ta dɛɛ lɛɛ mɛ.

Aesaya 10:4

Wobɛlbwa toole hé ɛ kpa, nemenɛ hé ja nɛra baa laɡ ba laa ta, kɛɛ banɔ la baa ka kpoo la nɛ. Anɔ nɔ bwa habɔɔ, o baah aa sɔɔh, o nɔn waa ira dɛ́ tɛr ba deŋne la ɡe ta cheɡɛ ɡɛ.

Aesaya 24:1

Hé no! Korowii dɛ ba harɛ nɔ chɔɡa o chɔ pɛɛpɛɛ. Wɛɛ lɔ nɛra baa lɔ o taa peɡre, dɛ́ chɔɡ komɛlbwa o ta.

Aesaya 24:7

Daa baa kpɔ a nɔna dɛɛ ɛ sen serewɔ, dɛ ɡel sen waa do tɔɡre. Nomɛlbwa o sie fa aa dɛ lɛ sen ta la berɔ dɛɛ di suna.

Aesaya 26:11

N Naa Korowii, he dɔma aa jemɛ kɛŋɔ he dɛ ba ba deŋne tɛra. Gel ba na ɡɛ haa dɛ nyin he nɛra, ásɛ sihiih kpo ba. Kpɔ deŋnetɛra haa maɡla bil ba la chɔɡ ba.

Aesaya 5:25

Anɔ bwa ɡelɔ Korowii baah di o nɛra nɛ, o ir nɔn dɛ́ tɛr ba deŋne. Bwejena ɛɛ jiɡruu, ásɛ nɛra baa serewe la lala chɔ fɔɡbaahna kɛŋɔ haahra ken. Anɔ bwa habɔɔ o baah aa sɔɔh, o nɔn waa ira dɛ́ tɛr ba deŋne la ɡe ta cheɡɛ ɡɛ.

Aesaya 9:12

Siiria tena le wee leebɔr, ásɛ Filisti tena ɡe le wee cholibɔr, dɛ́ ba haah Israel tena pɛ dɛ́ laɡ ba lile. Anɔ nɔ bwa habɔɔ Korowii baah aa sɔɔh, o nɔn waa ira dɛ́ tɛr ba deŋne la ɡe ta cheɡɛ ɡɛ.

Aesaya 9:17

Anomanta, Korowii sie aa ba bini bonɔɔna nɛɛ lɛɛ ba, hale waa bilalbii ne luhaahna kwaraa sum nae ba, dɛkalkɛŋɔ ba bini bɛlbwa aa o waa ta teŋɛ, dɛ ɛ wechɔɡ-ɛɛra, ba wobol aa were. Anɔ bwa habɔɔ, o baah aa sɔɔh, o nɔn waa ira dɛ́ tɛr ba deŋne la ɡe ta cheɡɛ ɡɛ.

Aesaya 9:21

Manasɛ dea nɛra ɛɛ yo Efrem dea nɛraa, ásɛ Efrem dea nɛra ɡe yoo ba, a ɡɛ deene anɛ nɔ ɛɛ pɛo dɛ́ yo Juda dea nɛra. Anɔ nɔ bwa habɔɔ, Korowii baah aa sɔɔh, o nɔn waa ira dɛ́ tɛr ba deŋne la ɡe ta cheɡɛ ɡɛ.

Jeremia 25:11

He harɛ nɔ bwa ɛɛ berɛ dimɡbiaa, nɛra na ba nyoa kpo, ásɛ harɛre aa baro cheme la nɛra do Babelɔn kooro lɔɡa, dɛɛ tomɔ bene fifraanuanɛ.

Jeremia 48:22

dɛ kaa Debɔn ne Nɛbo dɛ Bɛt Diblataim,

Ɛsekeɛl 12:15

Dɛ n laɡ ba kaa harɛfala ta dɛ lɔ ba peɡre harɛre ta naa, a taa baa ba jema kɛŋɔ menee Korowii.

Ɛsekeɛl 14:13

“Nɛwɛnyini bie, dɛ harɛ bɛl tena waa ta kasinteŋ dɔe tɛ mɛ dɛɛ ɛɛ mɛ wechɔɡa aa, mɛɛ kpɔ nɔnee dawɛ ba nɛ, dɛ́ tɔ ba kondikwaa ŋwɛnɛ. Lɔr chole ba nɛ, ásɛ nɛra ne kondɛɛra bwa serewe.

Ɛsekeɛl 15:8

Mɛɛ ɡeloo harɛ la chɔ pɛɛ, dɛkalkɛ ba waa ta kasinteŋ dɔe tɛ mɛ. Men Nemenɛ Korowiirii bola.”

Ɛsekeɛl 16:27

Anomanta, n nɔn dawɛ he nɛ, n lɛ he harɛ maa sweera dɛ kpɔ tɛɛ la pera, asɛ dɛ kpɔe do he dɔma Filisti tena baa hah waa haa dɛ ɛ nɔ nɔn ta.

Ɛsekeɛl 25:7

Anomanta, n nɔn dawɛ he nɛ ń tɛr he deŋne. Mɛɛ kpɔ heyaa do harɛre nɛra nɔɔra ta kɛŋɔ baa pa laala laa ta kaa ken. Mɛɛ chɔɡ he bwaa kwara, haa wola warɛ dɛ́ tel harɛbir nɛra kpa. Hɛɛ jemɔɔ kɛŋɔ menee Korowii.’ ”

Ɛsekeɛl 33:28

Mɛɛ ɡeloo harɛ la chɔ pɛɛ, ásɛ kpeɡri o fa aa dɔa dɛɛ ɛ mbarafo la ba a jaɡa. Bwejena aa lɔ Israel harɛ ta bwa ɛɛ chɔɡoo, ásɛ nomɛlbwa aa won kpɔ a ta.

Ɛsekeɛl 35:9

Mɛɛ chɔɡ harɛ laanee kwaraa, ásɛ nɛra aa won berɛ ba so o ta kpa. Anee hɛɛ ba jema kɛŋɔ menee Korowii.

Ɛsekeɛl 7:1

Nemenɛ Korowii bol men Ɛsekeɛl be ja ŋɔ,

Ɛsekeɛl 7:4

Maa he nɛɛ sune, maa kpɔ kɛ heya, mɛɛ tɛr he deŋnee he wechɔɡa ne waa maa kia he ɛa la wa. Ásɛ he jemɛ kɛŋɔ menee Korowii.’ ”

Sefania 1:4

Mɛɛ tɛr Juda harɛ, ne nɛra baa soɡe Jerusalam la bwa deŋnee. Mɛɛ chɔɡ voɡ Baal ne o komɛlbwaa kwaraa, ásɛ nomɛlbwa aa o kerekpoŋra la waa lii kpa.

Nɛra Kura 33:46

Dɛ ir Debɔn Gad dɛ ka so Almɔn Diblataim.