Ɛsekeɛl 5:8 - mzwDBL

⁸ Anomanta, men Nemenɛ Korowii ne he Jerusalam tena dɔɔ. Mɛɛ pa heyaa bolchɔɡee harɛre nɛra bwa siwi ta.

Ɛsekeɛl 5:8 ပူးပေါင်းရင်းမြစ်များ

Jeremia 21:13

N ne Jerusalam tena dɔɔ, heyaa soɡe deŋɡarere dor, a do kɛŋɔ he soɡe bwetal harɛ waa chɔa kaa ta ken. He yon ŋɔ, “Umee dɛ́ won ba yo yaa ɔ? Umee dɛ́ won ba ku ya danjwɛkpeɡa dɛ́ jo ya be nɔ?”

Jeremia 21:5

O ɡbabirii dɛ́ yo heya o bokpeɡa ne o bandia kohona bwa ne.

Jeremia 24:9

Mɛɛ kpɔ wenaale kohonaa ba ta ba nɛ, ásɛ harɛre nɛra bwa ɔmɛ kohona. Nɛra ɛɛ dɛɛ mam baa dɛɛ muɡli ba baah, dɛɛ taah ba bobɛlbwa maa lɔ ba peɡre bwa.

Jeremia 50:7

Nomɛlbwa waa ka puu ba la dɛ́ yoo ba. Ba dɔma yon ŋɔ, ‘Ya ta bolchɔɡe dii, dɛkalkɛ ba ɛ wechɔɡa dɛ jo Korowii waa tɛɛ ba kondikwaa la nɛ, Korowii ba naawa fa aa kpɔ ba hwɛɡa bwa do o nɛɛ kohona la.’

Wiile 2:5

Korowii do kɛŋɔ dɔm dɛ ba chɔɡ Israel harɛ. O ɡelɔ o dekpeɡa ne kooderemi bwa berɛ dimɡbeeni, dɛ kpɔ wii ne suna dii aa wola jaɡa dɔe ba ta Juda tena nɛ.

Wiile 3:3

kasinteŋ, o teŋɔ dɛɛ lɔɔ mɛ waa wola ɡel tɔpebir bwa, o ta n nɛɛ sune.

Ɛsekeɛl 11:9

Mɛɛ doŋi heyaa le bwɛjen nɔ ta, dɛ́ kpɔ heyaa do nɛŋhɔɔhra nɔn ta, dɛ́ tɛr he deŋne.

Ɛsekeɛl 13:8

Anomanta, Nemenɛ Korowii ŋɔ, “He dɛ neɡre nɛra, he waa ha ŋɔa aa bao ne he wepila la ɛ nyosone, n ne he dɔɔ.

Ɛsekeɛl 15:7

Mɛɛ tɛr ba deŋnee. Ba le nii ane nyoa te, nii la ɛɛ berɔ fuuh ba. Maa ba tɛr ba deŋne la, anee he jemɛ kɛŋɔ menee Korowii.

Ɛsekeɛl 16:41

Baa fuh he deenee, dɛ́ tɛr he deŋne haahna baa wara siwi ta. Mɛɛ ɡeloo he jwamane la bwa ba a jaɡa, haa won dɛɛ tɛ nɛra haa dɛ nyin ba la suuɡa kpa.

Ɛsekeɛl 21:3

n ne ba dɔɔ. Mɛɛ pamɛ n keree le o tɔɔ ta, dɛ́ kpoo nɛra ba wa aa toɡra ne wechɔɡ-ɛɛra bwa.

Ɛsekeɛl 28:22

men Nemenɛ Korowii ŋɔ, ‘Bwɛjen Sidon, n ne he dɔɔ. He nɛɛ mɛɛ ba cheɡa dɔ jirima. He nɛra ɛɛ jemɔɔ kɛŋɔ menee Korowii ɡɛ saŋ maa ba tɛr ba deŋne, dɛ́ baɡle kɛŋɔ n do ɡoroŋ la.

Ɛsekeɛl 30:19

Gɛɛ mɛɛ ba Ijipt tena deŋne tɛra, ásɛ ba jemɛ kɛŋɔ menee Korowii.”

Ɛsekeɛl 34:10

Anomanta, men Nemenɛ Korowii, n ne he dɔɔ. Mɛɛ tɛr he deŋnee dɛ́ lɛa le he be, haa a teɡraa ɛ kpa. Mɛɛ lɛa le he be, maa ɡel he di a ta kpa.

Ɛsekeɛl 35:3

Men Nemenɛ Korowii ŋɔ, ‘Edom bwejena, n ne he dɔɔ. Mɛɛ tɛr nɔnee pa he nɛɛ dɛ́ chɔɡ harɛ la, o ta do ɔma dɛ́ chɔ pɛɛ.

Ɛsekeɛl 39:1

Nemenɛ Korowii ŋɔ men Ɛsekeɛl be ŋɔ, “Nɛwɛnyini bie, bol waa aa dɛ ba koonomoa Gɔɡ waa ɛ koonomoa dɛɛ nyiŋi Mɛsɛk ne Tubal be ŋɔ, n ne o dɔɔ. Kenii men Nemenɛ Korowii bol,

Ɛsekeɛl 5:15

Gɛ saŋ maa tɛr he deŋne bandia kohona ne la, harɛre aa bar heyaa cheme la nɛra ɛɛ ɔmɔɔ taeh, baa he waa nyin, dɛɛ mamɛ heya.

Neehum 2:13

Koranar Bwa Kooro ŋɔ, “N cheɡɛ he nɛ. Mɛɛ fuh torɔɡore haa vɔwa pɛl jaɡre laanee. Baa kpoo he laa tena laa taa, dɛ́ pa laala haa paa le bane be la. Baa he toroma taa no kpa bwa.”

Matiu 22:7

A ɛ kooro la bandia kohona dɛ ɡel o tomɛ o soojare ba ka kpoo banɔ la baa kpoo o bonɔɔna la, asɛ dɛ fuh ba bwɛjen la ɡe.

Mmarare 29:20

Korowii aa kpɔ kɛ ɡɛ nɛn la. Anee dɛɛ ba ɡela o baah di naate nɛɛ kohona, ásɛ taahna waa bol a waa tɔn nɔ bini la bwa dawɛ he nɛɛ ka tel kɛŋɔ waa chɔɡo le harɛ nɔ ta kwara.